完整藏文原文 · 德格版页 当前仅加载第 54 函德格 2a 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱོབ་པ། སེམས་ཅན་ཐམས་ཅད་ལ་སྒྲ་གཅན་ཟིན་དང་འདྲ་བར་གཟིགས་པ་སྐྱབས་ཆེན་པོའི་གནས་དང་གཞི་བོར་གྱུར་པ་ཐུབ་པ་ཆེན་པོ་ཡོངས་སུ་མྱ་ངན་ལས་འདའ་བར་འགྱུར་རོ་ཞེས་བཀའ་སྩལ་ཏེ། སེམས་ཅན་ཐམས་ཅད་ཀྱི་ཞུ་བ་
D120.054.0002a01.01ལུང་བསྟན་པ་ཐ་མལ་དེ་ལྟ་བུའི་གསུང་རྣམས་བྱུང་བར་གྱུར་ཏོ། །གཞན་ཡང་དེའི་ཚེ་བཅོམ་ལྡན་འདས་ཉིད་ཀྱི་ཞལ་ནས་འོད་ཟེར་སྣ་ཚོགས་འདི་ལྟ་སྟེ། སྔོན་པོ་དང་། སེར་པོ་དང་། དམར་པོ་དང་། དཀར་པོ་དང་། ཤེལ་གྱི་ཁ་དོག་དང་། རྡོའི་སྙིང་པོའི་ཁ་དོག་
D120.054.0002a02.01ལྟ་བུ་དག་བྱུང་སྟེ། འོད་ཟེར་དེ་དག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དང་ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད་དུ། སེམས་ཅན་དམྱལ་བ་དང་། དུད་འགྲོ་དང་། {ཡི་དགས་,ཡི་དྭགས་}དང་། ལྷ་མ་ཡིན་དང་། གཤིན་རྗེའི་འཇིག་རྟེན་
D120.054.0002a03.01གྱི་སེམས་ཅན་དེ་དག་ལ་ཕོག་ནས། དེའི་མོད་ལ་ཉོན་མོངས་པའི་མུན་པ་ཐམས་ཅད་དང་། ངན་སོང་དང་། མི་ཁོམ་པ་ཐམས་ཅད་རྒྱུན་ཆད་པར་གྱུར་ཏོ། །དེ་ནས་མྱ་ངན་ཆེན་པོས་ནོན་ཏེ་ཚིག་འཐུན་པར་ཀྱེ་མ་ཁེབས་སོ་ཁེབས་སོ་ཞེས་ཀྱང་ཟེར་ཏོ། །ཀྱི་ཧུད་
D120.054.0002a04.01ཀྱི་ཧུད་ཅེས་ཀྱང་སྐད་ཆེར་འབོད་ཅིང་ལག་པ་བརྐྱང་བས་ཀྱང་མགོ་བོ་ལ་རྡོབས་ཤིང་ལུས་འདར་ཞིང་ཤིན་ཏུ་ངུའོ། །དེའི་ཚེ་ས་ཆེན་པོ་ནགས་ཚལ་དང་བཅས་རི་དང་བཅས་པའི་རྒྱ་མཚོའི་མཐས་གཏུགས་པ་ཡང་རབ་ཏུ་གཡོས་ཏེ། སེམས་ཅན་དེ་དག་ཀྱང་གཅིག་
D120.054.0002a05.01ལ་གཅིག་འཛིན་ཅིང་འདི་སྐད་དུ་གྲོགས་པོ་དག་{རིངས་,རིང་}གྲོགས་པོ་དག་{རིངས,རིང}། གྱད་ཡུལ་གྱི་གྲོང་ཁྱེར་ཀུ་ཤིར་འདོང་ངོ་འདོང་ངོ་། །དེ་བཞིན་གཤེགས་པའི་ཞབས་ལ་ཕྱག་འཚལ་ཏེ། ཡོངས་སུ་མྱ་ངན་ལས་འདའ་བར་གཤེགས་པ་ལས་བཟློག་ལ་བསྒྲིམ་མི་དགོས་པར་
D120.054.0002a06.01