完整藏文原文 · 德格版页 当前仅加载第 54 函德格 108a 版页；藏文 NFD、目录标记与异常页序保留在来源切片中，重复版页行以稳定序号区分。
དག་བཞུགས་པ་ལགས། །ཀུན་ཏུ་སྤྱན་ཡང་དེ་ཡིས་ངེས་པར་འབྱུང་། །ལམ་འདི་བདེ་བར་གཤེགས་པས་བསྔགས་པ་སྟེ། །དེ་ཕྱིར་བདག་ཀྱང་སངས་རྒྱས་རྣམས་ཀྱི་ལམ། །ལམ་མཆོག་རྒྱ་ཆེན་འདིར་ནི་མཆིས་པར་བགྱི། །གལ་ཏེ་བདུད་ནི་བདུད་རྩི་
D120.054.0108a01.01དེང་སྩོལ་ཀྱང་། །སྲིད་པ་དག་ན་བདག་ནི་སྐྱབས་མི་མཆི། །དེ་ནས་བཅོམ་ལྡན་འདས་ཀྱིས་དེ་ལ་འདི་སྐད་ཅེས་བཀའ་སྩལ་པ། ཁྱོད་བྱིས་པ་ཉན་ཐོས་ཀྱི་ཐེག་པ་པ་བཞིན་དུ་མ་འཛིན་ཅིག །གཅིག་པུ་ལ་སྐྱབས་སུ་སོང་ཤིག །ཡེ་ཤེས་འདི་ལ་ནི་སྐྱབས་གསུམ་མེད་དེ། ཆོས་
D120.054.0108a02.01དང་དགེ་འདུན་འདུ་བ་ཡང་མེད་དོ། །སངས་རྒྱས་ཉིད་ཆོས་ཀྱང་ཡིན་དགེ་འདུན་ཡང་ཡིན་ཏེ། དེ་བཞིན་གཤེགས་པ་ཉིད་གཞི་གསུམ་པ་ཡིན་ནོ། །ཉན་ཐོས་ཀྱི་ཐེག་པ་ལས་ནི་བྱིས་པ་རྣམས་ཀྱི་འཇིག་རྟེན་པའི་ལྟ་བ་བསལ་བའི་ཕྱིར་གཞི་གསུམ་པ་གཞག་གོ། །གལ་ཏེ་ཁྱོད་
D120.054.0108a03.01འཇིག་རྟེན་པ་དང་འཐུན་པར་བྱེད་ན་དེའི་ཚུལ་གྱིས་སྐྱབས་ཀྱི་གཞི་གསུམ་དུ་འགྲོ་བར་གྱིས་ལ་བདག་སངས་རྒྱས་ལ་སྐྱབས་སུ་སོང་ནས་སྐུ་གཅིག་པར་གྱུར་ཅིག །དེ་ནས་སངས་རྒྱས་ཉིད་དུ་གྱུར་ནས་དེ་བཞིན་གཤེགས་པའི་རླབས་བྱེད་པར་གྱུར་ཅིག །དེ་བཞིན་གཤེགས་པ་
D120.054.0108a04.01དང་མཉམ་པར་གྱུར་ནས་སངས་རྒྱས་རྣམས་ལ་ཐལ་མོ་བཏུད་པར་མི་བྱའོ། །བདག་སེམས་ཅན་ཐམས་ཅད་ཀྱི་སྐྱབས་ཆེན་པོ་ལྟ་བུར་གྱུར་ཅིག །བདག་གིས་ཆོས་ཀྱི་སྐུ་ཡང་མི་གཏང་བར་སངས་རྒྱས་ཀྱི་ཁམས་དང་མཆོད་རྟེན་ལ་ཕྱག་བྱའོ། །ཕྱག་བྱེད་མི་འདོད་པའི་
D120.054.0108a05.01སེམས་ཅན་ཐམས་ཅད་ཀྱི་མཆོད་རྟེན་ལྟ་བུར་བདག་གྱུར་ཅིག །བདག་གི་ལུས་སེམས་ཅན་ཐམས་ཅད་ཀྱིས་ཕྱག་བྱ་བའི་གནས་སུ་གྱུར་ཅིག །བདག་ཆོས་ལ་སྐྱབས་སུ་སོང་ནས་ཆོས་ཀྱི་སྐུར་གྱུར་ཅིག །དེ་ཁོ་ན་ཉིད་མ་ཡིན་པའི་ཆོས་སྒོམ་པའི་སེམས་ཅན་ཐམས་ཅད་བདག་
D120.054.0108a06.01གིས་མདའ་གཅིག་ནས་གཅིག་ཏུ་བརྒྱུད་པ་བཞིན་དུ་བྱེད་པར་གྱུར་ཅིག །བདག་དགེ་འདུན་ལ་སྐྱབས་སུ་སོང་ནས་སྦྲང་བུ་དང་འདྲ་བའི་དགེ་འདུན་རྣམས་ཀྱི་སྐྱབས་ལྟ་བུར་གྱུར་ཅིག །བདག་སྐྱབས་སུ་འགྲོ་བ་ལ་འཇུག་པའི་ཚུལ་གྱིས་སེམས་ཅན་རྣམས་ཀྱི་སངས་རྒྱས་དང་།
D120.054.0108a07.01