完整藏文原文 · 德格版页 当前仅加载第 54 函德格 63a 版页；藏文 NFD、目录标记与异常页序保留在来源切片中，重复版页行以稳定序号区分。
ང་ལ་དེ་དགོས་པ་མེད་དོ། །སེམས་ཅན་རྣམས་ཀྱིས་ནི་མིའི་དངོས་པོར་ཡང་དག་པར་ཤེས་ཏེ། སྒྲ་གཅན་ཟིན་གྱི་ཕར་བསྟན་པ་དང་། ཟས་གཙང་མ་དང་། སྒྱུ་འཕྲུལ་ཕ་མར་བསྟན་པ་ཡང་འཇིག་རྟེན་གྱི་དོན་ཡིན་ནོ། །འཇིག་རྟེན་གྱི་བདེ་བ་མྱོང་
D120.054.0063a01.01ནས་ངེས་པར་བྱུང་སྟེ། ནགས་ཚལ་དུ་རབ་ཏུ་བྱུང་བ་དང་། རྒྱལ་པོའི་བུ་གཽ་ཏམ་ཞེས་བྱ་བ་ནི་འདོད་པ་དང་། འདོད་པ་མ་ཡིན་པ་དང་། བདེ་བ་དང་། བདེ་བ་མ་ཡིན་པ་བྱེ་བྲག་ཕྱེད་པར་གྱུར་ནས་མྱ་ངན་ལས་འདས་པའི་བདེ་བ་ཚོལ་ལོ། །ཞེས་བྱ་བ་འདི་ཡང་བྱིས་པའི་སེམས་
D120.054.0063a02.01ཅན་རྣམས་ངེས་པར་བསྒྲལ་བའི་ཕྱིར་རོ། །དེ་བཞིན་གཤེགས་པ་ནི་འཁྲིག་པ་ལས་བྱུང་བ་མ་ཡིན་ཏེ་སྒྲ་གཅན་ཟིན་གྱི་ཕར་གྱུར་པར་བསྟན་པ་དང་། རང་གི་ཕ་མ་བསྟན་པ་ཡང་འཇིག་རྟེན་དང་འཐུན་པར་བྱ་བ་ཙམ་དུ་ཟད་དོ། །ལྷ་དང་མི་དང་ལྷ་མ་ཡིན་རྣམས་ཀྱིས་ནི་མིའི་
D120.054.0063a03.01དེ་བཞིན་གཤེགས་པའོ་སྙམ་དུ་ཡང་དག་པར་ཤེས་སོ། །རིགས་ཀྱི་བུ་འཛམ་བུའི་གླིང་ལ་ལར་ནི་ང་ཡང་དང་ཡང་དུ་ཡོངས་སུ་མྱ་ངན་ལས་འདའ་བ་ལྟ་བུར་སྟོན་ཏེ་འོན་ཀྱང་གཏན་དུ་ཡོངས་སུ་མྱ་ངན་ལས་འདའ་བས་ཡོངས་སུ་མྱ་ངན་ལས་འདའ་བར་མི་བྱེད་དོ། །རེས་འགའ་ནི་སེམས་
D120.054.0063a04.01ཅན་རྣམས་ཀྱིས་དེ་བཞིན་གཤེགས་པ་གྲོངས་སོ་སྙམ་དུ་ཡང་དག་པར་ཤེས་མོད་ཀྱི་དེ་བཞིན་གཤེགས་པ་ནི་དུས་ཐམས་ཅད་དུ་རྟག་པ་དང་། བརྟན་པ་དང་། ཐེར་ཟུག་པ་ཡིན་ཏེ། ཡོངས་སུ་མྱ་ངན་ལས་འདའ་བར་སྟོན་པ་ནི་སངས་རྒྱས་རྣམས་ཀྱི་ཆོས་ཉིད་དོ། །འཛམ་བུའི་གླིང་ལ་
D120.054.0063a05.01ལར་ནི་སྐྱེ་བར་སྟོན་ཏེ་སེམས་ཅན་རྣམས་ཀྱིས་སྐྱེས་སོ་སྙམ་དུ་ཡང་དག་པར་ཤེས་སོ། །ང་ནི་བསྐལ་པ་བྱེ་བ་ཕྲག་གྲངས་མེད་པ་ནས་བྱ་བ་བྱས་ཟིན་མོད་ཀྱི་དེར་ཡང་གོ་འཕང་ཐམས་ཅད་ཀྱི་དོན་ཐོབ་པའི་མཐར་ཐུག་པར་བསྟན་ཏེ་འདི་ནི་འཇིག་རྟེན་དང་འཐུན་པར་བྱ་བ་ཙམ་དུ་ཟད་དོ། །
D120.054.0063a06.01འཛམ་བུའི་གླིང་ལ་ལར་ནི་ངས་ཚུལ་ཁྲིམས་འཆལ་པ་ཕམ་པ་བྱུང་བ་ལྟ་བུར་བསྟན་ཏེ། སེམས་ཅན་རྣམས་ཀྱིས་ཀྱེ་མ་ཕམ་པ་བྱུང་བའོ་སྙམ་དུ་ཡང་དག་པར་ཤེས་མོད་ཀྱི་ང་ནི་སྔན་ཆད་གཡེལ་བར་གྱུར་པ་མེད་དོ། །འཛམ་བུའི་གླིང་ལ་ལར་ནི་ངས་བདག་ཉིད་དེ་བཞིན་གཤེགས་པ་
D120.054.0063a07.01