完整藏文原文 · 德格版页 当前仅加载第 54 函德格 10a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷན་ཅིག་ཏུ་ལྷགས་ནས། ལྷ་དེ་དག་གིས་འདི་སྐད་ཅེས་སྨྲས་སོ། །གྲོགས་པོ་དག་ལྟོས། གྲོགས་པོ་དག་ལྟོས། མི་རྣམས་ཀྱི་མཆོད་པའི་ཡོ་བྱད་མཆོག་ཏུ་ཁྱད་པར་དུ་འཕགས་ལ། དེ་བཞིན་གཤེགས་པ་དགྲ་བཅོམ་པ་ཡང་དག་
D120.054.0010a01.01པར་རྫོགས་པའི་སངས་རྒྱས་ལ་མཆོད་པ་བཀུར་སྟི་ཐམས་ཅད་མཆོད་པར་འདོད་དེ། མི་རྣམས་ཀྱི་ཞལ་ཟས་ཀྱི་ཐ་མ་བཞེས་པའི་ཕྱིར། བཅོམ་ལྡན་འདས་ལ་གསོལ་བ་འདེབས་ཀྱིས། གྲོགས་པོ་དག་བདག་ཅག་གིས་ཀྱང་དེ་བཞིན་གཤེགས་པ་དགྲ་བཅོམ་པ་ཡང་
D120.054.0010a02.01དག་པར་རྫོགས་པའི་སངས་རྒྱས་ལ་སོ་སོ་ནས་མཆོད་པ་བྱ་ཞིང་ཐ་མའི་དུས་སུ་ཞལ་ཟས་དབུལ་བར་བྱ་ན། ཇི་ལྟར་བདག་ཅག་གིས་ཕུལ་བའི་ཞལ་ཟས་དེ་བཞིན་གཤེགས་པས་གསོལ་ཏེ། ཡོངས་སུ་མྱ་ངན་ལས་འདའ་བར་དེ་བཞིན་གཤེགས་པས་མཛད་ཅིག་གུ།
D120.054.0010a03.01གྲོགས་པོ་དག་སངས་རྒྱས་འབྱུང་བ་ནི་ཤིན་ཏུ་དཀོན་ནོ། །དེ་བས་ཀྱང་ཞལ་ཟས་ཀྱི་ཐ་མའི་སྦྱིན་པའི་ཕ་རོལ་ཏུ་ཕྱིན་པ་ཕུན་སུམ་ཚོགས་པ་ནི་ཆེས་དཀོན་ནོ། །ཀྱེ་མ་བཅོམ་ལྡན་འདས་ཡོངས་སུ་མྱ་ངན་ལས་འདས་ན་ནི་འཇིག་རྟེན་སྟོངས་པར་འགྱུར་རོ་ཞེས་སྨྲས་སོ། །
D120.054.0010a04.01ལྷ་དེ་དག་ཐམས་ཅད་ཀྱང་ཐེག་པ་ཆེན་པོ་ཐོས་པར་འདོད་ལ། ཐོས་ནས་ཀྱང་གཞན་དག་ལ་བསྟན་ཏོ་སྙམ་དུ་དམ་བཅས་པ། ཐེག་པ་ཆེན་པོས་སྐོམ་པ་ངོམས་ནས་ཀྱང་གཞན་སྐོམ་པ་རྣམས་ངོམས་པར་བྱའོ་སྙམ་དུ་དམ་བཅས་པ། ཐེག་པ་ཆེན་པོ་ལ་སྲེད་པ། ཐེག་
D120.054.0010a05.01པ་ཆེན་པོ་ལ་སེར་སྣ་མེད་པ། ཐེག་པ་ཆེན་པོ་ལ་ཕྲག་དོག་དང་། དུས་ཆེ་བ་དང་། འཆབ་པ་དང་། སྒྱུ་མེད་པ། ཐེག་པ་ཆེན་པོ་སུན་འབྱིན་པའི་སེམས་ཅན་རྣམས་ཀྱི་སེར་བ་ལྟ་བུར་གྱུར་པ། དམ་པའི་ཆོས་བསྲུང་བའི་ཚུལ་ཁྲིམས་བླངས་པ། འཇིག་རྟེན་དང་འཐུན་
D120.054.0010a06.01པར་སློབ་པར་འདོད་པ། བདག་ཅག་རྒལ་ནས་གཞན་བསྒྲལ་བར་བྱའོ། །བདག་ཅག་གྲོལ་ནས་གཞན་དགྲོལ་བར་བྱའོ། །ཆོས་ཀྱི་འཁོར་ལོ་བསྐོར་བར་བྱའོ། །དཀོན་མཆོག་གསུམ་གྱི་གདུང་མི་འཆད་པར་བྱའོ་སྙམ་དུ་སློབ་པར་འདོད་པ། གོ་ཆ་ཆེན་པོ་བགོས་པ།
D120.054.0010a07.01