完整藏文原文 · 德格版页 当前仅加载第 54 函德格 8a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ནི་བདུད་རྩི་མི་ཟད་པར་བྱ་བ་དང་། བདུད་རྩི་གནས་པར་བྱ་བའི་ཕྱིར་ཡིན་གྱིས། བདག་ཅག་གིས་དམ་པའི་ཆོས་ལ་ནན་ཏན་བྱའོ། །དམ་པའི་ཆོས་ལ་སུན་འབྱིན་ཅིང་ལོག་པར་ལྟ་བ་རྣམས་ཀྱི་ལྕེ་གཅད་པར་བྱའོ་ཞེས་ལེགས་པར་དམ་བཅས་པ།
D120.054.0008a01.01ཚུལ་ཁྲིམས་འཆལ་པ་ཚུལ་ཁྲིམས་ལ་མི་གནས་པ་རྣམས་ནི་གོས་དཀར་པོ་གྱོན་དུ་བཅུག་སྟེ། ཁྱིམ་པའི་ལས་བྱེད་དུ་གཞུག་གོ་སྙམ་དུ་སེམས་བརྟུལ་བ། དམ་པའི་ཆོས་སྟུག་པ་ལ་ནི་བླ་མ་བཞིན་དུ་རིམ་གྲོ་བྱའོ་སྙམ་དུ་དམ་བཅས་པ། དགེ་འདུན་ལ་ཕན་པ་དང་བདེ་
D120.054.0008a02.01བར་གནས་པར་བྱ་བའི་ཡོངས་སུ་རྫོགས་པར་བྱས་ཀྱང་། དེས་ཆོག་གོ་སྙམ་དུ་སེམས་པ་དང་། ཐེག་པ་ཆེན་པོ་ཐོས་པར་འདོད་ལ། ཐོས་ནས་ཀྱང་གཞན་དག་ལ་བསྟན་པར་བྱའོ་སྙམ་དུ་ཡི་དམ་བཅས་པ་ལ་བརྟན་པ་དང་། དེ་ལ་སོགས་པའི་ཡོན་ཏན་དཔག་
D120.054.0008a03.01ཏུ་མེད་པ་དང་ལྡན་པ་ཤ་སྟག་སྟེ། འདི་ལྟ་སྟེ། ལིད་ཙ་བཱི་གཞོན་ནུ་གཙང་མ་དྲི་མ་མེད་པའི་སྙིང་པོ་ཞེས་བྱ་བ་དང་། སྒྲིབ་པ་དག་པ་ཞེས་བྱ་བ་དང་། གང་གཱའི་ཆུ་དྲི་མ་མེད་པས་བྱིན་པ་ཞེས་བྱ་བ་དང་། དེ་ལ་སོགས་པ་ལིད་ཙ་བཱི་གཞོན་ནུ་དེ་དག་ཀྱང་གཅིག་
D120.054.0008a04.01ལ་གཅིག་འཇུས་ཏེ། རེ་རེས་ཀྱང་གདུང་ཞུགས་ལ་བཞེན་པའི་བུད་ཤིང་ཐང་ཤིང་གི་མཆོག་དང་། ཙན་དན་དང་། ཨ་ག་རུ་རྣམས་དང་། ཡམ་སྲེག་ཤིང་བྱེ་བ་ཕྲག་བརྒྱད་ཅུ་རྩ་བཞི་དང་། མཆོད་པ་སྔ་མའི་ཉིས་འགྱུར་རྣམས་ཁྱེར་ནས་མཆོད་པ་རྣམས་བསྒྲགས་ཏེ། བཅོམ་
D120.054.0008a05.01ལྡན་འདས་ཀྱི་ཐད་དུ་དོང་ངོ་། །ལིད་ཙ་བཱི་གཞོན་ནུ་རེ་རེ་ལ་ཡང་གླང་པོ་ཆེ་བརྒྱད་ཁྲི་བཞི་སྟོང་དང་། རྟ་བརྒྱད་ཁྲི་བཞི་སྟོང་དང་། ཤིང་རྟ་བརྒྱད་ཁྲི་བཞི་སྟོང་དང་། ནོར་བུ་ཆུ་ཤེལ་བརྒྱད་ཁྲི་བཞི་སྟོང་དང་ཆས་སོ། །གླང་པོ་ཆེ་རེ་རེའི་མདུན་དུ་ཡང་། ཆེ་བ་ལ་འོས་པའི་གདུགས་
D120.054.0008a06.01དང་། རྒྱལ་མཚན་དང་། བ་དན་དང་། དར་གྱི་བླ་རེ་ཆེན་པོ་རྣམས་ཐོགས་སོ། །གདུགས་རྣམས་ཀྱི་ནང་ན་ཐུང་ངུ་གང་ཡིན་པ་དེ་ལ་ཡང་། ཁོ་ར་ཁོར་ཡུག་ཏུ་དཔག་ཚད་གཅིག་ཡོད་དོ། །དར་གྱི་བླ་རེ་ཆེན་པོ་རྣམས་ཀྱི་ནང་ན་ཆུང་ངུ་གང་ཡིན་པ་དེ་ལ་ཡང་ཆུ་ཞེང་དུ་དཔག་
D120.054.0008a07.01