完整藏文原文 · 德格版页 当前仅加载第 54 函德格 147b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དག་པར་མཐོང་བ་གང་ཡིན་པ་དེ་དག་ནི་ངའི་ཉན་ཐོས་ཡིན་ནོ་ཞེས་ང་ཟེར་རོ། །དེ་ནས་ཡང་བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ། །ཆད་པ་དག་གིས་ཐམས་ཅད་སྐྲག །ཀུན་ལ་སྲོག་ནི་ཕངས་པ་ཡིན། །བདག་
D120.054.0147b01.01གི་ཉམས་ལས་དཔག་བྱ་ཞིང་། །བརྡེག་པར་མི་བྱ་གསད་མི་བྱ། །དེ་ནས་བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ། །ཆད་པས་ཐམས་ཅད་སྐྲག་མི་འགྱུར། །སྲོག་ཀྱང་ཀུན་ལ་ཕངས་མ་ལགས། །བདག་གི་ཉམས་ལས་
D120.054.0147b02.01དཔག་བགྱི་ཞིང་། །ཐབས་ཀྱིས་བགྱི་བ་རྟོགས་པར་བགྱི། །དེ་བས་ན་བཅོམ་ལྡན་འདས་ཀྱིས་ཆོས་ཀྱི་སྒོ་དེ་སྐད་དུ་བཀའ་སྩལ་པ་ནི་ལེགས་པར་བཀའ་སྩལ་པ་མ་ལགས་ཏེ། དགྲ་བཅོམ་དང་ནི་འཁོར་ལོས་སྒྱུར། །གླང་ཆེན་བུད་མེད་རིན་ཆེན་དང་། །ཁྱིམ་བདག་
D120.054.0147b03.01རིན་ཆེན་རྟ་རྣམས་ནི། །གནོད་པ་ཅིས་ཀྱང་མི་ཚུགས་སོ། །འདི་རྣམས་ལ་ནི་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ན་སུས་ཀྱང་གནོད་པ་བགྱིད་པའི་རྔོ་མི་ཐོགས་ཏེ། དགྲ་དྲག་ཤུལ་གྱི་སྟོབས་ཅན་རྣམས་ཀྱིས་ཀྱང་། དེ་དག་ལ་གནོད་པས་ཚུགས་མི་
D120.054.0147b04.01སྲིད་ལགས་སོ། །དེ་དག་ནི་ལྷ་དང་། བདུད་དང་། ཚངས་པ་རྣམས་ཀྱིས་ཀྱང་མི་འཇིགས་ལགས་སོ། །དེ་བས་ན་སེམས་ཅན་དེ་དག་ནི་ཅིས་ཀྱང་མི་ཚུགས་པ་ཞེས་བགྱི་ལགས་སོ། །གཡུལ་ངོར་གཅིག་ཏུ་དཔའ་བ་དང་། གཅིག་ཏུ་ཁྱིམ་ཐབ་ལ་མི་འཁྲུལ་བའི་ཆུང་མ་
D120.054.0147b05.01དང་། སེང་གེ་དང་། སིན་དུ་པའི་རྟ་ཅང་ཤེས་དང་། དགེ་སློང་ཚུལ་ཁྲིམས་དང་ལྡན་པ་འདི་རྣམས་ནི་གནོད་པས་ཚུགས་པ་ལགས་ཀྱིས་ཀྱང་ཅིས་ཀྱང་མི་འཇིགས་ལགས་སོ། །དེ་ལ་ཆད་པ་དག་གིས་ཐམས་ཅད་སྐྲག་ཅེས་བགྱི་བ་ནི། འདིར་ལྷག་མ་ཡོད་པའི་དོན་ལགས་
D120.054.0147b06.01པས་ན་མདོར་བསྡུས་པ་ལགས་སོ། །བདག་གི་ཉམས་ལས་དཔག་བྱ་ཞིང་། ཞེས་བགྱི་བ་དེ་ཡང་ལྷག་མ་ཡོད་པའི་དོན་ལགས་ཏེ། དགྲ་བཅོམ་པ་རྣམས་ནི་བདག་དང་མི་མཉམ་མོ། །ཞེས་དེ་ལྟར་འཇིག་རྟེན་དུ་གྲགས་ལགས་སོ། །གལ་ཏེ་དགྲ་བཅོམ་པ་རྣམས་ཀྱི་བདག་ཏུ་འདུ་
D120.054.0147b07.01