完整藏文原文 · 德格版页 当前仅加载第 54 函德格 74a 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་དུ་ཐར་པ་ཡང་མཚན་ཉིད་གཅིག་པ་སྟེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །དག་པ་དག་པ་ཞེས་བྱ་བ་ནི་ཇི་ལྟར་རྙོག་པའི་དྲི་མ་དང་འདྲེས་པའི་ཆུའི་ནང་དུ་ཀེ་ཏ་ཀའི་འབྲས་བུ་བདར་ན་ཆུའི་རང་བཞིན་དག་པར་འགྱུར་བ་བཞིན་དུ་ཐར་པ་ནི་དེ་ལྟ་
D120.054.0074a01.01མ་ཡིན་ནོ། །དག་པ་ཞེས་བྱ་བ་ནི་ཇི་ལྟར་ནམ་མཁའ་ལ་ཆར་པའི་ཆུ་རོ་གཅིག་ཅིང་རྣམ་པར་དག་པ་བཞིན་དུ་ཐར་པ་ཡང་དེ་དང་འདྲ་སྟེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །གྲོལ་བ་གྲོལ་བ་ཞེས་བྱ་བ་ལ་ཐར་པ་ནི་ཟླ་བ་ཚེས་{བཅྭ་,བཅོ་}ལྔ་དྲི་མ་མེད་པ་དང་འདྲ་སྟེ།
D120.054.0074a02.01ཟླ་བ་སྤྲིན་གྱིས་གཡོགས་པ་ལྟ་བུ་མ་ཡིན་ནོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །ཞི་བ་ཞི་བ་ཞེས་བྱ་བ་ནི་ཇི་ལྟར་སེམས་ཅན་རིམས་ནད་ཀྱིས་ཐེབས་པ་ལས་རིམས་ནད་དང་བྲལ་བར་འགྱུར་བ་དེ་བཞིན་དུ་ཐར་པ་ནི་དེ་ལྟ་མ་ཡིན་ཏེ། ཞི་བ་ཞེས་བྱ་བ་ལ་ཐར་པ་ནི་སེམས་
D120.054.0074a03.01ཅན་ནད་མེད་ཅིང་གནོད་པ་མེད་པ་བཞིན་ཏེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །མཉམ་པ་ཉིད་མཉམ་པ་ཉིད་ཅེས་བྱ་བ་ནི་ཇི་ལྟར་ལུག་ཐུག་རེ་གཉིས་ཕན་ཚུན་འཐབ་པ་ན་སྟོབས་མཉམ་པ་བཞིན་དུ་ཐར་པ་ནི་དེ་ལྟ་མ་ཡིན་ཏེ། ཇི་ལྟར་མ་དང་བུ་འཐུན་པར་སྨྲ་
D120.054.0074a04.01བ་དེ་བཞིན་དུ་ཐར་པ་ཡང་དེ་དང་འདྲ་སྟེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །ཉེ་བར་ཞི་བ་ཉེ་བར་ཞི་བ་ཞེས་བྱ་བ་ལ་གནས་ཀྱི་མཆོག་དེ་ཐོབ་པ་ནི་གནས་གཞན་འདོད་མི་སྲིད་དོ། །ཆོག་མི་ཤེས་པ་ཞེས་བྱ་བ་ནི་ཇི་ལྟར་ཉམ་ཆུང་བའི་ཚེ་ཁ་ཟས་ཀྱི་མཆོག་ཟོས་པའི་འོག་ཏུ་དར་
D120.054.0074a05.01བ་བཏུང་བའི་སེམས་སྐྱེ་བར་འགྱུར་བ་བཞིན་དུ་ཐར་པ་ནི་དེ་ལྟ་མ་ཡིན་ཏེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །ཆད་པ་ཆད་པ་ཞེས་བྱ་བ་ལ་སྲེད་པའི་ཞགས་པ་ལྟ་བུའི་ནང་གི་འདོད་པ་ཆད་པ་གང་ཡིན་པ་དེ་ནི་ཆད་པའི་སྒོ་ནས་ཐར་པ་ཡིན་ནོ། །ཐར་པ་གང་ཡིན་པ་དེ་ནི་དེ་བཞིན་
D120.054.0074a06.01གཤེགས་པའོ། །ཕ་རོལ་ཕ་རོལ་ཞེས་བྱ་བ་ནི་ཇི་ལྟར་ཆུ་ཀླུང་ལ་ཚུ་རོལ་དང་ཕ་རོལ་གྱི་འགྲམ་གཉིས་ཡོད་པ་དེ་བཞིན་དུ་ཐར་པ་ནི་དེ་ལྟ་མ་ཡིན་ཏེ། ཐར་པ་ནི་ཕ་རོལ་ཡིན་ནོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །ཆུ་ཀླུང་བཞིན་ཞེས་བྱ་བ་ལ་ཆུ་ཀླུང་ཉིད་དཔེར་རུང་
D120.054.0074a07.01