完整藏文原文 · 德格版页 当前仅加载第 54 函德格 22b 版页；藏文 NFD、目录标记与异常页序保留在来源切片中，重复版页行以稳定序号区分。
རྩེ་མོ་རབ་མཐོ་བ། །མཚོ་ཆེན་དབུས་ན་མཛེས་པར་གནས་པ་ལྟར། །ཆོས་ཀྱི་མངའ་བདག་ཁྱོད་ནི་ཆོས་སྟོན་ཅིང་། །དགེ་འདུན་དབུས་སུ་མཛེས་པར་བཞུགས་སུ་གསོལ། །ཇི་ལྟར་ཉི་མ་གཟི་ཅན་ཤར་བ་ན། །འོད་ཟེར་དག་གིས་སྤྲིན་སྲབ་སེལ་བ་ལྟར། །
D120.054.0022b01.01དྲང་སྲོང་ཆེན་པོ་ཡེ་ཤེས་སྒྲོན་ཆེན་གྱིས། །སྐྱེ་བོ་མང་པོའི་མྱ་ངན་དེང་བསལ་མཛོད། །སེམས་ཅན་འདི་དག་ངུད་མོས་མིག་སྐྲངས་ཤིང་། །སྡུག་བསྔལ་གཅིག་པུའི་རྒྱ་མཚོའི་གཏིང་དུ་ཞུགས། །དེ་ཕྱིར་དད་པ་རྙེད་དཀའ་སྐྱེད་མཛད་ཅིང་། །འདི་རྣམས་སྡུག་
D120.054.0022b02.01བསྔལ་ཆོད་ལ་ཡུན་དུ་བཞུགས། །དེ་ནས་བཅོམ་ལྡན་འདས་ཀྱིས་སྐུལ་བྱེད་ལ་བཀའ་སྩལ་པ། སྐུལ་བྱེད་དེ་ནི་དེ་བཞིན་ནོ། །དེ་ནི་དེ་བཞིན་ཏེ། སངས་རྒྱས་འབྱུང་བ་ནི་ཨུ་དུམ་བཱ་རའི་མེ་ཏོག་བཞིན་ཤིན་ཏུ་རྙེད་པར་དཀའོ། །དད་པ་ཡང་རྙེད་པར་དཀའོ། །ཆོས་
D120.054.0022b03.01ཐོས་པ་ཡང་རྙེད་པར་དཀའོ། །དེ་བཞིན་གཤེགས་པ་ཡོངས་སུ་མྱ་ངན་ལས་འདའ་བའི་ཚེ་ཞལ་ཟས་ཀྱི་ཐ་མའི་སྦྱིན་པའི་ཕ་རོལ་ཏུ་ཕྱིན་པ་ཕུན་སུམ་ཚོགས་པ་ཡང་རྙེད་པར་དཀའོ། །སྐུལ་བྱེད་གཞན་ཡང་ཁྱོད་མ་ངུ་མྱ་ངན་མ་བྱེད་པར་བདག་གིས་དེ་བཞིན་
D120.054.0022b04.01གཤེགས་པ་ལ་ཞལ་ཟས་ཀྱི་ཐ་མའི་སྦྱིན་པའི་ཕ་རོལ་ཏུ་ཕྱིན་པ་ཕུན་སུམ་ཚོགས་པ་ཐོབ་བོ་སྙམ་དུ་དགའ་བ་སྐྱེད་ཅིག་དང་། དེ་བཞིན་གཤེགས་པ་ལ་བཅོམ་ལྡན་འདས་བཞུགས་སུ་གསོལ་ཞེས་དེ་སྐད་དུ་ཁྱོད་གསོལ་བ་མ་འདེབས་ཤིག །སངས་རྒྱས་རྣམས་ཀྱི་ཆོས་
D120.054.0022b05.01ཀྱི་དེ་ཁོ་ན་ཉིད་ལ་རྟོགས་ཤིག །མི་རྟག་པ་ཉིད་ལ་འཇུག་པར་གྱིས་ཤིག །འདུ་བྱེད་རྣམས་ཀྱི་རང་བཞིན་ཤེས་པར་གྱིས་ཤིག་ཅེས་བཀའ་སྩལ་ནས་ཚིགས་སུ་བཅད་པ་འདི་དག་གསུངས་སོ། །ཚེ་ནི་ཤིན་ཏུ་རིང་ཡང་འཇིག་པར་འགྱུར། །འདིར་ནི་ཐམས་ཅད་
D120.054.0022b06.01ངེས་པར་འཆི་བར་འགྱུར། །འཚོ་བའི་འཇིག་རྟེན་འཇིག་པའི་ཆོས་ཅན་ཡིན། །འབྱོར་པ་ཐམས་ཅད་རྒུད་པར་གཞོལ་བར་འགྱུར། །རྟག་ཏུ་ལང་ཚོ་རྒ་བས་ངེས་པར་འཇོམས། །གཟུགས་བཟང་ནད་མེད་ནད་ཀྱིས་འཇིག་པར་འགྱུར། །སྲོག་ནི་འཆི་བས་རྩ་ནས་
D120.054.0022b07.01