完整藏文原文 · 德格版页 当前仅加载第 54 函德格 84b 版页；藏文 NFD、目录标记与异常页序保留在来源切片中，重复版页行以稳定序号区分。
སྲུང་བར་བྱེད། འཆད་པར་བྱེད་དེ། འཇིག་རྟེན་ཐམས་ཅད་ལ་སྙིང་བརྩེ་བའི་ཕྱིར་གླེགས་བམ་རྣམས་ལ་མཆོད་པ་དང་བཀུར་སྟི་བྱེད། གཞན་དག་ཀྱང་བྱེད་དུ་འཇུག་ཅིང་བླ་མ་ལ་གུས་པ་ལྟ་བུར་ལྟ་བར་བྱེད་ལ་དོན་ཀྱང་རྫོགས་པར་རྟོགས་པར་འགྱུར་ཏེ། བཅོམ་ལྡན་འདས་ནི་རྟག་པ་
D120.054.0084b01.01དང་། བརྟན་པ་དང་། ཐེར་ཟུག་པ་དང་། མི་གཡོ་བ་དང་། ཤིན་ཏུ་བདེ་བའོ་ཞེས་བྱ་བ་དང་། སེམས་ཅན་ཐམས་ཅད་ལ་དེ་བཞིན་གཤེགས་པའི་སྙིང་པོ་ཡོད་དོ་ཞེས་སྟོན་པར་བྱེད་དོ། །དེ་ལྟར་ན་སྔོན་སངས་རྒྱས་དུ་མ་ལ་བསྙེན་བཀུར་བྱེད་བྱེད་པའི་སེམས་ཅན་རྣམས་ནི་དམ་པའི་ཆོས་
D120.054.0084b02.01འབྱིན་པར་འགྱུར་ཞིང་དམ་པའི་ཆོས་ཀྱི་ཕྱོགས་འཛིན་པར་འགྱུར་རོ། །གང་དག་གིས་ད་ལྟར་བྱང་ཆུབ་ཏུ་སེམས་བསྐྱེད་པ་དེ་དག་ནི་ཕྱི་མའི་དུས་ན་དམ་པའི་ཆོས་འབྱིན་པར་འགྱུར་ཞིང་དམ་པའི་ཆོས་ཀྱི་ཕྱོགས་འཛིན་པར་འགྱུར་ཏེ། དེའི་ཚེ་སེམས་ཅན་དེ་ལྟ་བུ་དག་འབྱུང་བར་འགྱུར་གྱིས།
D120.054.0084b03.01རིགས་ཀྱི་བུ་ཁྱོད་མ་འོངས་པའི་དུས་ན་སེམས་ཅན་དམ་པའི་ཆོས་འབྱིན་པ་རྣམས་ལ་དེ་ལྟར་མ་ལྟ་ཤིག །གང་དག་གིས་ད་ལྟར་བྱང་ཆུབ་ཏུ་སེམས་བསྐྱེད་པ་དེ་དག་ནི་མ་འོངས་པའི་དུས་ན་ཡང་བྱང་ཆུབ་ཏུ་སེམས་བསྐྱེད་ནས་དམ་པའི་ཆོས་འབྱིན་པར་བྱེད་པར་ཤེས་པར་གྱིས་ཤིག །རིགས་
D120.054.0084b04.01ཀྱི་བུ་གང་དག་ང་ཡོངས་སུ་མྱ་ངན་ལས་འདས་པ་ཆེན་པོས་ཡོངས་སུ་མྱ་ངན་ལས་འདའ་བ་ལ་ཡིད་མི་དགའ་བར་མི་བྱེད་ཅིང་རབ་ཏུ་དགའ་བར་བྱེད་དེ། སངས་རྒྱས་བདག་ཅག་གི་རྙེད་པ་དང་བཀུར་སྟི་ལ་བགེགས་བྱེད་པ་དེ་ང་ནི་གྲོངས་པར་འགྱུར་གྱི་བདག་ཅག་དགའོ་སྙམ་སྟེ། དེ་
D120.054.0084b05.01ལྟར་སངས་རྒྱས་གྲོངས་པར་འགྱུར་རོ་སྙམ་ནས་རབ་ཏུ་དགའ་སྟེ། ཡིད་མི་དགའ་བར་མི་བྱེད་པ་དེ་དག་ནི་དེའི་ཚེ་གཡེལ་བར་འགྱུར་ཏེ། ཆོས་གོས་ཀྱི་མཚན་མ་ཅན་མདོ་སྡེ་སྤོང་བར་འགྱུར་བར་རིག་པར་གྱིས་ཤིག །སེམས་ཅན་གང་དག་ཡོན་ཏན་དཔག་ཏུ་མེད་པ་དང་ལྡན་པ་དེ་དག་
D120.054.0084b06.01ནི་ཐེག་པ་ཆེན་པོ་ཐོས་ན་མངོན་པར་དད་པར་འགྱུར་ཏེ། དམ་པའི་ཆོས་འདོད་པའི་རིགས་ཀྱི་བུ་དེ་དག་གི་ནི་སྡིག་པའི་ལས་གྲངས་མེད་པ་བྱས་པ་རྣམས་ཀླད་པ་ན་བ་དང་། རིམས་ཀྱིས་གདུང་བ་དང་། ཟུག་རྔུ་དང་། སྐུར་པ་ཙམ་གྱིས་འབྱང་བར་འགྱུར་རོ། །གཞན་ཡང་ཕྱི་
D120.054.0084b07.01