完整藏文原文 · 德格版页 当前仅加载第 54 函德格 77a 版页；藏文 NFD、目录标记与异常页序保留在来源切片中，重复版页行以稳定序号区分。
ཞོའི་བུམ་པ་ཞེས་བྱ་བ་དང་། དེ་བཞིན་དུ་སྦྲང་རྩི་དང་། ཆུ་ཡོད་ཀྱང་རུང་མེད་ཀྱང་རུང་སྦྲང་རྩི་དང་། ཆུའི་བུམ་པ་ཞེས་བྱ་ནི། ཅི་དེ་ལ་བུམ་པ་སྟོང་པ་ཞེས་བྱའམ། དེ་དག་མེད་པ་ལ་བུམ་པ་རང་ཉིད་སྟོང་ངམ། གཟུགས་ཀྱང་ཡོད་ཁ་དོག་ཀྱང་ཡོད་ན་ཇི་ལྟར་སྟོང་པ་ཞེས་བྱ། ཐར་
D120.054.0077a01.01པ་ནི་དེ་ལྟ་བུར་སྟོང་པ་མ་ཡིན་ཏེ། ཐར་པ་ལ་ནི་གཟུགས་དང་ཁ་དོག་ཕུན་སུམ་ཚོགས་པ་ཡང་ཡོད་ན་ཇི་ལྟར་ཞོའི་བུམ་པ་སྟོང་པ་མ་ཡིན་དུ་ཟིན་ཀྱང་ཞོ་མེད་པའི་ཕྱིར་སྟོང་པ་ཞེས་བྱ་བ་བཞིན་དུ་ཐར་པ་ཡང་སྟོང་པ་མ་ཡིན་བཞིན་དུ་སྟོང་པ་ཞེས་བྱ་བ་སྟེ། གཟུགས་ཡོད་བཞིན་དུ་ཇི་ལྟར་སྟོང་པ་ཞེས་བྱ་ཞེ་
D120.054.0077a02.01ན། སྟོང་པ་ཞེས་བྱ་བ་ནི་ཉོན་མོངས་པའི་རྣམ་པ་དང་། སྲིད་པའི་ཐ་སྙད་ཉི་ཤུ་རྩ་ལྔ་དང་། སྡུག་བསྔལ་དང་འཇིག་རྟེན་གྱི་ཆོས་ལུགས་དང་། ཆོ་ག་དང་། སྤྱོད་ཡུལ་འབྱུང་བ་རྣམས་མེད་པའི་ཕྱིར་ཞོའི་བུམ་པ་ཞོ་མེད་པ་བཞིན་དུ་ཐར་པ་ལ་སྟོང་པ་ཞེས་བྱ་བ་སྟེ། དེ་ལ་ནི་བུམ་པའི་གཟུགས་
D120.054.0077a03.01མི་གཡོ་བ་བཞིན་དུ་ཤས་ཆེར་བདེ་བ་དང་། དགའ་བ་དང་། རྟག་པ་དང་། བརྟན་པ་དང་། ཐེར་ཟུག་དང་། འཇིག་རྟེན་ལས་འདས་པའི་ཆོས་དང་། ཆོ་ག་དང་སྤྱོད་ཡུལ་རྣམས་ཡོད་དོ། །ཐར་པ་ནི་བུམ་པའི་གཟུགས་བཞིན་དུ་རྟག་པ་དང་། བརྟན་པ་དང་། ཐེར་ཟུག་པ་མ་ཡིན་གྱི། བུམ་
D120.054.0077a04.01པ་ནི་ཆག་པར་འགྱུར་ཏེ་རྒྱུའི་སྒོ་ནས་བཞག་པ་ཙམ་དུ་ཟད་དོ། །ཐར་པ་ནི་བྱས་པ་མ་ཡིན་པའི་ཕྱིར་ཆག་པར་མི་འགྱུར་ལ། ཐར་པ་གང་ཡིན་པ་དེ་ནི་བཅོས་མ་མ་ཡིན་པའི་ཁམས་ཡིན་ཏེ་དེ་ནི་དེ་བཞིན་གཤེགས་པའོ། །སྲེད་པ་ཟད་པ་སྲེད་པ་ཟད་པ་ཞེས་བྱ་བ་ནི་སངས་རྒྱས་སུ་གྱུར་
D120.054.0077a05.01པའི་མོད་ལ་བདག་དབང་པོར་གྱུར་ཅིག་ཅེའམ། དབང་ཕྱུག་ཆེན་པོའམ། མི་མཇེད་ཀྱི་བདག་པོ་ཚངས་པར་གྱུར་ཅིག་ཅེས་བྱ་བའི་སྲེད་པ་དང་འདོད་པ་གཞན་དེ་ན་མེད་དེ། ཡོད་ཅེས་བྱ་བའམ། སྐྱེ་བར་འགྱུར་ཞེས་བྱ་བ་མི་སྲིད་དོ། །སྲེད་པ་ཟད་པ་གང་ཡིན་པ་དེ་ནི་སངས་རྒྱས་
D120.054.0077a06.01སོ། །དེ་ནི་ཐར་པའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །འདོད་ཆགས་དང་བྲལ་བ་འགོག་པ་འདོད་ཆགས་དང་བྲལ་བ་འགོག་པ་ཞེས་བྱ་བ་ལ་སྲེད་པ་ཐམས་ཅད་ལ་ཞེན་པ་དང་། འདོད་པ་མ་ལུས་པ། ལུས་པ་མེད་པ། ལྷག་པ་མེད་པ། ཐམས་
D120.054.0077a07.01