完整藏文原文 · 德格版页 当前仅加载第 54 函德格 61a 版页；藏文 NFD、目录标记与异常页序保留在来源切片中，重复版页行以稳定序号区分。
བླ་ན་མེད་པར་འགྱུར་བར་བྱའོ་ཞེས་ཟེར་ཏེ། སེམས་ཅན་རྣམས་ཀྱིས་ནི་བྱིས་པ་བཙས་མ་ཐག་ཏུ་གོམ་པ་བདུན་འདོར་བ་སྔོན་ཅད་བདག་གིས་མ་མཐོང་སྟེ། ཀྱེ་མ་བདག་གི་བུ་ནི་ལྷའི་བུ་ཞིག་གོ་སྙམ་དུ་ཡང་དག་པར་ཤེས་སོ། །སེམས་ཅན་མང་པོ་
D120.054.0061a01.01གཞན་དག་ཀྱང་ངོ་མཚར་དུ་འཛིན་ཏེ། འོན་ཀྱང་ང་ནི་བསྐལ་པ་བྱེ་བ་ཕྲག་གྲངས་མེད་པ་ནས། བྱིས་པའི་དངོས་པོ་ལས་ལོག་པས་ནམས་ཀྱང་བྱིས་པར་མ་གྱུར་ཏེ། ང་ནི་ཆོས་ཀྱི་སྐུ་ཡིན་གྱི་རུས་པ་དང་རྒྱུས་པ་དང་ཤ་དང་ཁྲག་གི་ལུས་མ་ཡིན་ལ། བྱིས་པར་འགྱུར་བ་
D120.054.0061a02.01ཡང་སྟོན་པ་འདི་ནི་འཇིག་རྟེན་དང་འཐུན་པར་བྱ་བ་ཙམ་དུ་ཟད་དོ། །བྱང་ནས་ལངས་ཏེ་ལྷོའི་ཕྱོགས་ཆ་ལོགས་སུ་གོམ་པ་བདུན་བོར་ནས་འཇིག་རྟེན་ཐམས་ཅད་དུ་ཡོན་གནས་སུ་འགྱུར་བར་བྱའོ། །ཞེས་ཟེར་རོ། །ནུབ་ཀྱི་ཕྱོགས་ཆ་ལོགས་སུ་གོམ་པ་བདུན་བོར་ནས། སྐྱེ་
D120.054.0061a03.01བ་དང་། རྒ་བ་དང་། ན་བ་དང་། འཆི་བ་རྣམས་སྤངས་ཏེ་ལུས་ཀྱི་ཐ་མར་གཏུག་པར་བྱའོ་ཞེས་ཟེར་རོ། །ཤར་ཕྱོགས་སུ་ཁ་བལྟས་ཏེ་གོམ་པ་བདུན་བོར་ནས། སེམས་ཅན་ཐམས་ཅད་ཀྱི་ཐོག་མར་འགྲོ་བར་བྱའོ། །ཞེས་ཟེར་རོ། །ཕྱོགས་མཚམས་རྣམས་སུ་གོམ་པ་
D120.054.0061a04.01བདུན་བདུན་བོར་ནས། ཉོན་མོངས་པ་རྣམ་པ་སྣ་ཚོགས་ཀྱི་རང་བཞིན་གྱི་བདུད་བཅོམ་སྟེ། དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འགྱུར་བར་བྱའོ་ཞེས་ཟེར་རོ། །སྟེང་གི་ཕྱོགས་ཆ་ལོགས་སུ་གོམ་པ་བདུན་བོར་ནས་མྱུར་དུ་ནམ་མཁའ་བཞིན་དུ་རུང་བ་མ་ཡིན་པའི་ཆོས་
D120.054.0061a05.01ཐམས་ཅད་ཀྱིས་ལུས་མི་གོས་པར་བྱའོ་ཞེས་ཟེར་རོ། འོག་གི་ཕྱོགས་ཆ་ལོགས་སུ་གོམ་པ་བདུན་བོར་ནས་སེམས་ཅན་དམྱལ་བ་པ་ཐམས་ཅད་ཀྱི་སེམས་ཅན་དམྱལ་བའི་མེ་གསད་པའི་ཕྱིར། སྤྲིན་ཆེན་པོ་ལྟར་ཆོས་ཀྱི་ཆར་དབབ་པར་བྱ་སྟེ། དེ་དག་བདེ་བ་དང་ལྡན་པར་བྱའོ། །ཚུལ་
D120.054.0061a06.01ཁྲིམས་འཆལ་པ་རྣམས་ལ་ནི་སེར་བ་ལྟ་བུར་འགྱུར་བར་བྱའོ། །ཞེས་ཟེར་རོ། །འཛམ་བུའི་གླིང་ལ་ལར་ནི་ང་གཙུག་ཕུད་འཆའ་བར་སྟོན་ཏེ། སེམས་ཅན་རྣམས་ཀྱིས་བྱིས་པའི་གཙུག་ཕུད་བཅས་སོ་སྙམ་དུ་ཡང་དག་པར་ཤེས་མོད་ཀྱི། ལྷ་དང་བཅས་པའི་འཇིག་
D120.054.0061a07.01