完整藏文原文 · 德格版页 当前仅加载第 54 函德格 29b 版页；藏文 NFD、目录标记与异常页序保留在来源切片中，重复版页行以稳定序号区分。
དགུ་བཅུ་རྩ་དྲུག་དང་། ཚིགས་སུ་བཅད་པ་བཞི་བཅུ་རྩ་ལྔ་ལ་ཡང་དེ་བཞིན་དུ་རྒྱས་པར་སྦྱར་རོ། །དེ་ནས་དེའི་ཚེ་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་ཁྱེད་ལྷ་དང་མི་རྣམས་ལྟར་བྱིས་པའི་སྨྲེ་སྔགས་འདོན་པ་དག་མ་བྱེད་པར་བརྩོན་
D120.054.0029b01.01འགྲུས་རྩོམས་ཤིག །དེ་ནས་ལྷ་དང་། ལྷ་མ་ཡིན་དང་། མི་རྣམས་ཀྱིས་བཅོམ་ལྡན་འདས་ཀྱི་གསུང་བློ་གྲོས་དང་ལྡན་པ་དང་། དེ་ཁོ་ན་ཉིད་དུ་འགྲོ་བ་ཐོས་ནས་ཇི་ལྟར་བུ་གཅིག་པ་ཤི་ནས་དུར་ཁྲོད་དུ་བོར་བ་བཞིན་དུ་དེ་དག་སྡུག་བསྔལ་བར་གྱུར་ཏོ། །
D120.054.0029b02.01དེ་ནས་བཅོམ་ལྡན་འདས་ཀྱིས་དེ་དག་ལ་ཚིགས་སུ་བཅད་དེ་བཀའ་སྩལ་པ། ཁྱེད་རྣམས་ངེས་པར་བདེ་གྱུར་ཅིག །མྱ་ངན་མ་བྱེད་མ་ངུ་ཤིག །འདི་ནི་སངས་རྒྱས་རྣམས་ཀྱི་ཆོས། །ཐམས་ཅད་མི་སྨྲ་འཁོད་པར་གྱིས། །བག་མེད་པར་ནི་མ་
D120.054.0029b03.01གནས་པར། །བག་ཡོད་པ་ལ་དགའ་བར་གྱིས། །ཁྱེད་སྟོང་པ་དང་སྟོང་པ་མ་ཡིན་པ་འམ། རྟག་པ་དང་མི་རྟག་པ་འམ། སྐྱབས་དང་སྐྱབས་མ་ཡིན་པ་འམ། འགྲོ་བ་དང་མི་འགྲོ་བ་འམ། རྟེན་དང་རྟེན་མ་ཡིན་པ་འམ། ཐེར་ཟུག་དང་ཐེར་ཟུག་
D120.054.0029b04.01མ་ཡིན་པ་འམ། བརྟན་པ་དང་བརྟན་པ་མ་ཡིན་པ་འམ། སེམས་ཅན་དང་སེམས་ཅན་མེད་པ་འམ། ཡང་དག་པ་དང་ཡང་དག་པ་མ་ཡིན་པ་འམ། བདེན་པ་དང་བདེན་པ་མ་ཡིན་པ་འམ། མྱ་ངན་ལས་འདས་པ་དང་མྱ་ངན་ལས་འདས་པ་མ་ཡིན་པ་འམ།
D120.054.0029b05.01གསང་བ་དང་གསང་བ་མ་ཡིན་པ་འམ། གཉིས་དང་གཉིས་སུ་མེད་པ་འམ། དེ་བཞིན་དུ་ཆོས་རྣམ་པ་དུ་མ་དག་ལ་སོམ་ཉི་འམ། ཡིད་གཉིས་སམ། ཐེ་ཚོམ་ཟ་བ་ཅི་དང་ཅི་ཡོད་པ་དེ་དང་དེ་དག་ང་ལ་ཞུས་ཤིག་དང་ཐམས་ཅད་གཅད་པར་བྱའོ། །བདུད་
D120.054.0029b06.01རྩིའི་མཆོག་ཀྱང་ཁྱེད་ལ་བསྟན་པར་བྱ་སྟེ། དེའི་འོག་ཏུ་ཡོངས་སུ་མྱ་ངན་ལས་འདའ་བར་བྱའོ། །དགེ་སློང་དག་སངས་རྒྱས་འབྱུང་བ་རྙེད་པར་དཀའོ། །མིའི་ལུས་ཐོབ་པ་རྙེད་པར་དཀའོ། །དལ་བ་ཕུན་སུམ་ཚོགས་པ་རྙེད་པར་དཀའོ། །བཟོད་པ་དང་
D120.054.0029b07.01