完整藏文原文 · 德格版页 当前仅加载第 54 函德格 43a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷག་པར་ཅི་སྟེ་མི་བཞུགས་ཀྱིས། དེ་བཞིན་གཤེགས་པ་རྟག་པ་དང་། བརྟན་པ་དང་། ཐེར་ཟུག་པ་ཡིན་པར་ཁོང་དུ་ཆུད་པར་གྱིས་ཤིག །འཇིག་རྟེན་འདི་ན་སྤྲུལ་པའི་ལུས་ནི་ཤའི་ལུས་མ་ཡིན་ཏེ། དེང་དེ་བཞིན་གཤེགས་པ་དུག་
D120.054.0043a01.01སྨན་ལ་རྟོན་པའི་སྐུ་ཡོངས་སུ་འདོར་བར་མཛད་དོ་སྙམ་དུ་ཡང་ཁོང་དུ་ཆུད་པར་གྱིས་ཤིག །རྟག་པ་དང་། བརྟན་པ་དང་། ཐེར་ཟུག་ཅེས་བྱ་བའི་བསྟན་པ་མཆོག་ལ་ཡང་བརྩོན་པར་གྱིས་ཤིག །འོད་སྲུང་ཆེན་པོ་དང་རུས་གཅིག་པས་གསོལ་པ། གལ་ཏེ་དེ་
D120.054.0043a02.01བཞིན་གཤེགས་པ་རྟག་པ་ལགས་ན་འཇིག་རྟེན་པ་དང་འཇིག་རྟེན་ལས་འདས་པར་ཁྱད་པར་ཅི་མཆིས་ལགས། འཇིག་རྟེན་པ་ཡང་བདག་ཅག་གི་ཚངས་པ་ནི་རྟག་པ་སྟེ་ཐོག་མའི་དུས་ནས་བྱུང་བ་ཡིན་ནོ་ཞེས་མཆི་བ་དང་ཁྱད་པར་ཅི་མཆིས། གལ་ཏེ་དེ་བཞིན་
D120.054.0043a03.01གཤེགས་པ་རྟག་པ་ལགས་ན་ཁྱད་པར་མ་མཆིས་པར་འགྱུར་ལགས་སོ།། །།བམ་པོ་བཞི་པ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དཔེར་ན་ཚོང་དཔོན་ནམ། ཁྱིམ་བདག་གཅིག་ལ་བ་ལང་སྣ་ཚོགས་སྤུ་
D120.054.0043a04.01མདོག་དུ་མ་རིགས་དང་རྒྱུད་མང་པོ་ཁྱུ་གཅིག་ཅིང་ལྷས་གཅིག་པ་དུ་མ་བྱེ་བ་སྙེད་ཡོད་ལ། དེས་བ་ལང་དེ་དག་བ་ལང་རྫིའི་ལག་ཏུ་གཏད་དེ་མར་ཞིམ་པོ་ཟ་ལ། བ་ལང་རྫི་རྣམས་ཀྱང་ལྷས་སྐྱོང་ཞིང་ཞོ་དང་འོ་མ་བསྲུབས་པ་ལས་ཕྱི་ཞིག་ན་བ་ལང་གི་བདག་པོ་དེ་
D120.054.0043a05.01རང་གི་ཚེ་ཟད་ནས་ཤི་སྟེ། ཤི་བའི་འོག་ཏུ་ནགས་ན་རྒྱུ་བའི་ཆོམ་ཤོད་ཀྱིས་བ་ལང་དེ་དག་ཕྲོགས་ནས་དེ་དག་ཆུང་མ་མེད་པས་རང་རང་གིས་འོ་མ་བསྲུབས་ཏེ། དེ་དག་གིས་བསྲུབས་པ་ལས་འོ་མ་ཡིན་པའི་ཕྱིར་འོ་མ་དེ་དག་ལས་མར་གྱི་དྲི་ཡང་མི་བྲོ་ལ་ཞོར་ཡང་མ་
D120.054.0043a06.01རུང་། དར་བར་ཡང་མ་རུང་། པྲིས་མར་ཡང་མ་རུང་ན་མར་དུ་ལྟ་ག་ལ་འགྱུར་ཏེ། འོ་མའི་རང་བཞིན་ལས་ཀྱང་ཉམས་ནས་དེ་དག་གིས་དེ་ཆུས་བསླད་དེ་བདག་གིས་མར་ལོངས་སྤྱད་པར་བྱའོ། །བདག་གིས་མར་ལོངས་སྤྱད་པར་བྱའོ་སྙམ་དུ་སེམས་པ་བཞིན་དུ་
D120.054.0043a07.01