完整藏文原文 · 德格版页 当前仅加载第 54 函德格 8b 版页；藏文 NFD、目录标记与异常页序保留在来源切片中，重复版页行以稳定序号区分。
ཚད་སུམ་ཅུ་རྩ་གཉིས་ཡོད་དོ། །རྒྱལ་མཚན་རྣམས་ཀྱི་ནང་ན་ཐུང་ངུ་གང་ཡིན་པ་དེ་ལ་ཡང་འཕང་དུ་དཔག་ཚད་བརྒྱ་ཡོད་དོ། །བ་དན་རྣམས་ཀྱི་ནང་ན་ཐུང་ངུ་གང་ཡིན་པ་དེས་ཀྱང་དཔག་ཚད་སྟོང་དུ་ཕྱིན་ཏོ། །དེ་ལྟར་དེ་དག་མཆོད་པ་རྣམས་དང་བཅས་ཏེ་བཅོམ་ལྡན་
D120.054.0008b01.01འདས་ཀྱི་ཐད་དུ་དོང་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཞལ་ཟས་ཕུལ་བ་ལས་བཅོམ་ལྡན་འདས་ཅང་མི་གསུང་སྟེ། མ་བཞེས་ནས་མཆོག་ཏུ་སྡུག་བསྔལ་བར་གྱུར་ཏེ། རེ་ཐག་ཆད་ནས་ལངས་ཏེ་བཅོམ་ལྡན་འདས་ཀྱི་མཐུས་ཏ་ལ་བདུན་
D120.054.0008b02.01གྱི་སྲིད་ཙམ་དུ་འཕགས་ཏེ་འཁོད་དོ། །གཞན་ཡང་དེའི་ཚེ་འཛམ་བུ་གླིང་པའི་བློན་པོ་དང་། ཚོང་དཔོན་དང་། ཁྱིམ་བདག་གང་གཱའི་ཀླུང་ལྔའི་བྱེ་མ་སྙེད་ཐམས་ཅད་ཀྱང་ཐེག་པ་ཆེན་པོ་ལ་དད་པ། ཚུལ་ཁྲིམས་དང་། ཆོ་ག་དང་། ཡོན་ཏན་རྣམ་པར་དག་པ་དང་ལྡན་པ།
D120.054.0008b03.01དམ་པའི་ཆོས་སུན་འབྱིན་པ་རྣམས་ཀྱི་སེར་བ་ལྟ་བུར་གྱུར་པ་ཤ་སྟག་སྟེ། འདི་ལྟ་སྟེ། ཁྱིམ་བདག་གི་རྒྱལ་པོ་རྣམ་པར་སྣང་བྱེད་ཅེས་བྱ་བ་དང་། འགྲོ་བ་སྐྱོང་ཞེས་བྱ་བ་དང་། ཆོས་སྐྱོང་ཞེས་བྱ་བ་དང་། དེ་ལ་སོགས་པ་དག་ཀྱང་དེའི་ཚེ་དེར་ལྷགས་ཏེ། དེ་
D120.054.0008b04.01དག་ཐམས་ཅད་ཀྱིས་ཀྱང་རང་རང་གི་མཆོད་པས་མཆོད་པ་སྔ་མ་རྣམས་ཟིལ་གྱིས་མནན་ནས། བཅོམ་ལྡན་འདས་ལ་མཆོད་པ་ཆེན་པོའི་ཚོགས་ཀྱིས་མཆོད་ནས་ཞལ་ཟས་མ་བཞེས་པའི་ཕྱིར། མཆོག་ཏུ་སྡུག་བསྔལ་བར་གྱུར་ཏེ། རེ་ཐག་ཆད་ནས་ལངས་ཏེ་བཅོམ་ལྡན་
D120.054.0008b05.01འདས་ཀྱི་མཐུས་ཏ་ལ་བདུན་གྱི་སྲིད་ཙམ་དུ་འཕགས་ཏེ་འཁོད་དོ། །གཞན་ཡང་དེའི་ཚེ་རྒྱལ་པོ་མ་སྐྱེས་དགྲ་མ་གཏོགས་པར་ཡངས་པ་ཅན་གྱི་རྒྱལ་པོ་ཟླ་བ་དྲི་མ་མེད་པའི་སྙིང་པོ་གྲོང་ཁྱེར་གྱི་ནང་ན་གནས་པ་དང་། ཕྱི་རོལ་ན་གནས་པའི་གཡོག་འཁོར་དང་བཅས་པ་ལ་སོགས་པ་འཛམ་
D120.054.0008b06.01བུ་གླིང་ཐམས་ཅད་ཀྱི་གྲོང་ཁྱེར་དང་། རི་ཁྲོད་ཀྱི་གྲོང་དང་། ཡུལ་པོ་ཆེ་དང་། ཁ་ལུངས་ཀྱི་རྒྱལ་པོ་གང་གཱའི་ཀླུང་དྲུག་གི་བྱེ་མ་སྙེད་དང་ལྷན་ཅིག་ཏུ་དཔུང་གི་ཚོགས་ཡན་ལག་བཞི་དང་བཅས་ཏེ་ལྷགས་སོ། །རྒྱལ་པོ་དེ་རྣམས་རེ་རེ་ལ་ཡང་དམག་འཁྲུག་ས་ཡ་ཕྲག་{བཅྭ་,བཅོ་}བརྒྱད་
D120.054.0008b07.01