完整藏文原文 · 德格版页 当前仅加载第 54 函德格 81a 版页；藏文 NFD、目录标记与异常页序保留在来源切片中，重复版页行以稳定序号区分。
ཚར་ཆོད་ཅིག་ཅེས་ངས་གནང་སྟེ། སྡིག་ཅན་ཁྱོད་འདི་ལྟར་དགྲ་བཅོམ་པའི་གཟུགས་ཀྱིས་དགྲ་བཅོམ་པ་བཞིན་དུ་བདག་ཉིད་མ་འདུག་ཤིག །སྡིག་ཅན་ཁྱོད་ནམ་མཁའ་ལ་ཉལ་བར་བྱེད་ཅིང་གློ་གཡོན་ཕྱོགས་ནས་མེ་འབར་བར་བྱེད་པ་དང་། གཡས་ཕྱོགས་
D120.054.0081a01.01ནས་ཆུ་འབེབས་པ་དང་། མེ་བཞིན་དུ་འབར་ཞིང་གཟི་བྱིན་དང་ལྡན་ལ་དུད་པར་འཐུལ་དུ་ཟིན་ཀྱང་ང་ཁྱོད་ཀྱི་ཚིག་མི་ཉན་ཏོ། །ཡིད་ཆེས་པར་མི་བྱེད་དོ། །གསུང་རབ་ཡན་ལག་དགུ་ལྟ་བུ་སྟོན་དུ་ཟིན་ཀྱང་ང་དད་པར་མི་བྱེད་དོ་ཞེས་གྱིས་ཤིག །རིགས་ཀྱི་བུ་ཁྱེད་དེ་ལྟར་དོགས་ན་ང་
D120.054.0081a02.01ཡང་ཚར་ཆོད་ཅིག །རིགས་ཀྱི་བུ་དཔེར་ན་མཚན་མོ་མུན་པའི་ནང་དུ་ཁྱི་རྐུན་འོངས་པ་ཚོར་ན་ཁྱིམ་བདག་མོའམ་བྲན་མོས་དེ་ལ་འདི་སྐད་དུ་ཁྱི་རྐུན་ཁྱོད་ངས་མ་བསད་པར་སྐྱེན་པར་ཕྱིར་སོང་ཤིག་ཅེས་བྱས་ནས། ཁྱི་རྐུན་དེས་དེ་སྐད་ཐོས་པ་དང་། ཕྱིར་བརྒྱུགས་ཏེ་སོང་ལ་ཕྱིན་ཅད་ཀྱང་ཁྱིམ་
D120.054.0081a03.01དེར་མི་འོང་བ་དེ་བཞིན་དུ་ཁྱེད་ཀྱིས་བདུད་སྡིག་ཅན་ཁྱི་རྐུན་བཞིན་དུ་ཚར་ཆོད་ལ། སྡིག་ཅན་དེ་ལྟར་མ་བྱེད་པར་ངས་བཅིང་བ་རྣམ་པ་ལྔས་མ་བཅིངས་པར་སྐྱེན་པར་ཕྱིར་སོང་ཤིག་ཅེས་དེ་ལ་དེ་སྐད་གྱིས་ཤིག་དང་། དེས་དེ་སྐད་ཐོས་མ་ཐག་ཏུ་ཁྱི་རྐུན་བཞིན་དུ་ཕྱིར་ལྡོག་པར་འགྱུར་ཏེ། དེ་ལྟར་
D120.054.0081a04.01བདུད་ཚར་གཅོད་པར་བྱེད་པ་གང་ཡིན་པ་དེ་དག་ནི་དམ་པ་ཡིན་ཏེ། མྱ་ངན་འདས་པའི་དྲུང་ཁོ་ན་ན་འདུག་གོ་ཞེས་བཅོམ་ལྡན་འདས་ཀྱིས་ཁྱིམ་བདག་གདངས་ཅན་ལས་གླེངས་ཏེ་བདུད་ཚར་གཅོད་པ་ན་བཀའ་སྩལ་ལགས་ན། བཅོམ་ལྡན་འདས་ཅིའི་སླད་དུ་གང་ཟག་བཞི་པོ་རྣམས་རྟེན་དུ་
D120.054.0081a05.01གྱུར་པར་བཞུགས་པར་མཛད་ལགས། བདག་ནི་དེ་རྣམས་ལ་མི་ཉན་ཅིང་གློ་བ་མི་ཆེས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་ནི་དེ་བཞིན་ཏེ། ངས་ཇི་སྐད་སྨྲས་པ་དེ་ནི་དེ་ཁོ་ན་བཞིན་ནོ། །དེ་ལྟ་མོད་ཀྱི་ངས་བདུད་ཚར་གཅད་པར་སྨྲས་པ་ནི་བྱིས་པ་ཉན་ཐོས་
D120.054.0081a06.01ཀྱི་ཐེག་པ་པ་ཤའི་མིག་དང་ལྡན་པ་རྣམས་ཀྱི་དོན་དུ་སྨྲས་པ་ཡིན་གྱི་ཐེག་པ་ཆེན་པོ་པ་རྣམས་ཀྱི་དོན་དུ་བདུད་ཚར་གཅད་པར་སྨྲས་པ་མ་ཡིན་ནོ། །ཉན་ཐོས་ཀྱི་ཐེག་པ་པ་རྣམས་ལ་ཡང་ལྷའི་མིག་དང་ལྡན་པ་དག་ཡོད་མོད་ཀྱི་དེ་དག་ནི་ཤའི་མིག་ཅེས་བྱ་བའི་གྲངས་སུ་གཏོགས་སོ། །ཐེག་པ་ཆེན་
D120.054.0081a07.01