完整藏文原文 · 德格版页 当前仅加载第 54 函德格 100b 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པས་ནི་བའི་བཅུད་རྣམ་ལྔ་དང་། སྦྲང་རྩི་དང་། འབྲུ་མར་ལ་སོགས་པ་དང་། ཟབ་དར་དང་། དུང་དང་། ལྷམ་དང་། འབྲུ་ལ་སོགས་པ་སྤངས་ཏེ། ཤིང་ངོ་ཅོག་ལ་སྲོག་དང་འདུ་ཤེས་ཡོད་པར་གཟིགས་ནས་ཡོངས་སུ་མྱ་ངན་ལས་འདས་སོ་ཞེས་ཟེར་བ་དེ་ལྟ་བུ་ནི་
D120.054.0100b01.01བདུད་ཀྱིས་སྨྲས་པའི་མདོ་སྡེ་དང་འདུལ་བ་ཡིན་པར་རིག་པར་བྱ་སྟེ། དཔའ་བོའི་འདུག་སྟངས་ཀྱིས་གནས་པ་དང་། འཆག་པ་ལ་སོགས་པ་ཆོས་ཀྱི་བྱ་བ་རྣམས་ནི་མ་གཏོགས་སོ། །དུག་ཟ་བ་དང་། མེར་མཆོང་བ་དང་། སྨྱུང་བར་འདུག་པ་དང་། གཡང་སར་མཆོང་བ་
D120.054.0100b02.01དང་། བདག་ཉིད་འཆིང་བར་བྱེད་པ་དང་། བདག་ཉིད་གསོད་པར་བྱེད་པ་དང་། ཞེ་ནོམ་བྱེད་དུ་འཇུག་པ་དང་། རིག་སྔགས་དང་། གསང་སྔགས་ཟློས་པ་དང་། སྐྲུན་པའི་ལས་བྱེད་པ་རྣམས་ནི་ངས་མ་གནང་ངོ་། །བའི་བཅུད་རྣམ་ལྔ་དང་། སྦྲང་རྩི་དང་། འབྲུ་
D120.054.0100b03.01མར་ལ་སོགས་པ་དང་། ཟབ་དར་དང་། དུང་དང་། ལྷམ་དང་། འབྲུ་ལ་སོགས་པ་ལ་ཤའི་འདུ་ཤེས་མེད་པ་དང་། ཤིང་ཐམས་ཅད་ལ་སྲོག་མེད་པའི་འདུ་ཤེས་དང་། སེམས་པའི་འདུ་ཤེས་མེད་པར་ངས་གནང་ངོ་། །གཞན་དུ་ལྟ་བ་གང་ཡིན་པ་དེ་དག་ནི་མུ་
D120.054.0100b04.01སྟེགས་ཅན་གྱི་ཉན་ཐོས་ཡིན་ནོ། །ངའི་བཀའ་བཞིན་དུ་བྱེད་པ་གང་ཡིན་པ་དེ་དག་ནི་ངའི་ཉན་ཐོས་ཡིན་ནོ་ཞེས་ང་ཟེར་རོ། །ཁམས་བཞི་ལ་ནི་སྲོག་དང་འདུ་ཤེས་ཡོད་ཅེས་ང་མི་ཟེར་རོ་ཞེས་ཟེར་བ་དེ་ལྟ་བུའི་མདོ་སྡེ་དང་འདུལ་བ་ནི་སངས་རྒྱས་ཀྱིས་གསུངས་པའི་མདོ་སྡེ་
D120.054.0100b05.01ཡིན་པར་རིག་པར་བྱའོ། །བདུད་ཀྱིས་སྨྲས་པའི་མདོ་སྡེ་དང་འདུལ་བ་ཚད་མར་བྱེད་པའི་སེམས་ཅན་གང་ཡིན་པ་དེ་དག་ནི་བདུད་དང་འཐུན་པར་བྱེད་པ་ཡིན་པར་རིག་པར་བྱའོ། །སངས་རྒྱས་ཀྱིས་གསུངས་པའི་མདོ་སྡེ་དང་འདུལ་བ་ཚད་མར་བྱེད་པའི་སེམས་ཅན་གང་
D120.054.0100b06.01ཡིན་པ་དེ་དག་ནི་བྱང་ཆུབ་སེམས་དཔའ་ཡིན་པར་རིག་པར་བྱའོ། །རིགས་ཀྱི་བུ་འདི་ནི་ངས་བདུད་ཀྱིས་སྨྲས་པ་དང་། སངས་རྒྱས་ཀྱིས་གསུངས་པའི་བྱེ་བྲག་རྒྱས་པར་བསྟན་པ་ཡིན་ནོ། །གསོལ་པ། བཅོམ་ལྡན་འདས་བདག་ནི་དེང་གདོད་སངས་རྒྱས་ཀྱི་བཀའ་
D120.054.0100b07.01