完整藏文原文 · 德格版页 当前仅加载第 54 函德格 107b 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར། །ཅི་ཞིག་གིས་ནི་མི་འགྱུར་ལགས། །དགེ་འདུན་ལ་ནི་སྐྱབས་མཆིས་ན། །སྐྱབས་གསུམ་མཆོག་ཏུ་ཇི་ལྟར་འགྱུར། །མ་འོངས་པ་ན་སངས་རྒྱས་ཉིད། །ཡང་དག་བདེན་པར་ཇི་ལྟར་འཐོབ། །ཕྱི་མའི་དོན་དུ་སྐྱབས་ཀྱི་གཞི། །གསུམ་པོ་དག་ཀྱང་ཇི་ལྟ་བུ། །
D120.054.0107b01.01ཐེམ་སྐས་ལྟ་བུར་བདག་གིས་མཐོང་། །ཡེ་ཤེས་གུད་ན་གཞན་མ་མཆིས། །བུ་སྐྱེས་པ་ནི་མ་མཆིས་པར། །བུ་ཞེས་ཀྱང་ནི་ཇི་སྐད་བགྱི། །བུ་ཆགས་ན་ནི་སྐྱེ་འགྱུར་ཏེ། །བསམ་དང་ལས་ཀྱི་དོན་ཀྱང་མཆིས། །ཐུབ་པ་ཁྱོད་ནི་ཅི་གསུང་བ། །བློ་མེད་རྣམས་ཀྱིས་མི་
D120.054.0107b02.01རྟོགས་ཏེ། །འཁོར་བའི་བཙོན་རར་ཐམས་ཅད་ཀྱང་། །འཁོར་ལོ་གཅིག་ཏུ་འཁྱམ་པར་འགྱུར། །དེ་ཕྱིར་དེ་དག་མིང་ཙམ་གྱིས། །དགེ་བསྙེན་དུ་ཡང་མི་འགྱུར་ལགས། །ཐུབ་པ་བདག་ལ་ཕྱེ་སྟེ་གསུངས། །ཐེ་ཙོམ་མྱུར་དུ་གཅད་པར་གསོལ། །ཡེ་ཤེས་ཆེ་ལྡན་དེ་བཞིན་
D120.054.0107b03.01གཤེགས། །དགོངས་པ་ཅི་འདྲ་བསྟན་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །བྱང་ཆུབ་སེམས་དཔའ་སེམས་དཔའ་ཆེ། །འོད་སྲུང་ཆེན་པོ་དམ་པ་མཆོག །དགོངས་པ་དེ་ཡང་བསྟན་པར་བྱ། །ཁྱོད་ཀྱི་ཐེ་ཙོམ་གཅད་པར་བྱ། །སངས་རྒྱས་ལ་ནི་
D120.054.0107b04.01སྐྱབས་སོང་བས། །དགེ་བསྙེན་ཉིད་ནི་ཐོབ་པར་འགྱུར། །ལྷ་རྣམས་དེ་དག་ཐམས་ཅད་ནི། །དེ་ཚེ་དེ་ཡི་སྐྱབས་མ་ཡིན། །ཆོས་ལ་སྐྱབས་སུ་སོང་ན་ཡང་། །འདིར་ནི་འཚེ་བ་སྤོང་བར་འགྱུར། །དགེ་འདུན་ལ་ཡང་སྐྱབས་སོང་ན། །དེ་བཞིན་དགེ་བསྙེན་དག་ཏུ་འགྱུར། །
D120.054.0107b05.01དེས་ན་འདི་ལས་ཕྱི་རོལ་རྣམས། །དེ་ཡི་ཡོན་གནས་མ་ཡིན་ལ། །དེ་ལྟར་འཇིགས་པ་མེད་པ་རྣམས། །སྐྱབས་ཀྱི་གཞི་གསུམ་ཐོབ་པར་འགྱུར། །གསོལ་པ། དེ་ཕྱིར་དངོས་གསུམ་འཇིག་པ་ལ། །བདག་ནི་སྐྱབས་སུ་མཆི་བར་བགྱི། །འདི་ནི་དམ་པ་རྣམས་ཀྱི་
D120.054.0107b06.01ལམ། །འདི་ཉིད་སངས་རྒྱས་ཆོས་ཉིད་ལགས། །ཐུབ་པ་ཆེན་པོ་རྟག་ཏུ་ཡང་། །གཞི་གསུམ་པོ་ནི་མཉམ་པ་ཉིད། །བདག་ཀྱང་ཁྱོད་དང་འདྲ་བར་ནི། །གནས་འདིར་བླ་ན་མེད་པ་ལགས། །ལམ་འདི་བདེ་བར་གཤེགས་པས་བསྔགས་པ་སྟེ། །དེར་མཆིས་པ་ནི་ཡང་
D120.054.0107b07.01