完整藏文原文 · 德格版页 当前仅加载第 54 函德格 99a 版页；藏文 NFD、目录标记与异常页序保留在来源切片中，重复版页行以稳定序号区分。
བྱའོ། །འོན་ཀྱང་བདག་འཁོར་དང་སློབ་མ་དག་དང་ལྡན་པར་འགྱུར་རོ། །དེ་ནས་སྡེ་ཚན་བཅས་དང་། བཟའ་བ་དང་། བཅའ་བ་དང་། བལྡག་པ་དང་། བཏུང་བའི་ཡོ་བྱད་རྣམས་རྙེད་པར་འགྱུར་རོ། །བུད་མེད་རྣམས་ཀྱིས་ཀྱང་བཀུར་བར་
D120.054.0099a01.01འགྱུར་རོ་སྙམ་པའི་སེམས་ཀྱི་རྟོག་པས་ནང་མི་དང་གཡོག་འཁོར་རྣམས་ལ་ཤེས་པར་བྱེད་དེ། དེ་ལྟ་བུར་འཆབ་པའི་དགེ་སློང་ངམ། དགེ་སློང་མ་ནི་མིའི་ཆོས་ལས་བླ་མར་གྱུར་པའི་ཉེས་པ་བྱུང་བ་ཡིན་ནོ་ཞེས་ང་ཟེར་རོ། །གཞན་ཡང་འདི་ན་དགེ་སློང་ལ་ལ་དམ་པའི་ཆོས་
D120.054.0099a02.01དབྱུང་བར་བྱའོ་སྙམ་པའི་སེམས་ཀྱིས་མལ་ཆ་དང་སྟན་སར་པ་ལ་འདུག་ཅིང་། སྐྱེ་བོ་ཐམས་ཅད་ཀྱིས་ཀྱེ་མ་དགེ་སློང་འདི་ནི་དགེ་བ་བཟང་པོ་ཞིག་གོ་སྙམ་དུ་བདག་དགྲ་བཅོམ་པ་མ་ཡིན་པར་དགྲ་བཅོམ་པ་དང་འདྲ་བར་ཤེས་པར་བྱའོ། །བདག་དེ་ལྟ་བུ་ཡིན་པར་ཤེས་པ་
D120.054.0099a03.01དང་། དགེ་སློང་མང་པོ་དག་བདག་གི་འཁོར་དུ་འགྱུར་བ་འདི་ལས་ཕྱི་རོལ་པ་དག་ཀྱང་དགེ་བསྙེན་དུ་འགྱུར་རོ། །ཚུལ་ཁྲིམས་འཆལ་པ་རྣམས་ཀྱང་ཞུམ་པར་འགྱུར་རོ། །དེ་ནས་བདག་གིས་དམ་པའི་ཆོས་ཀྱང་དབྱུང་བར་བྱའོ། །དེ་བཞིན་གཤེགས་པའི་
D120.054.0099a04.01ཆེ་བ་ཉིད་ཀྱང་བསྟན་པར་བྱའོ། །ཤིན་ཏུ་རྒྱས་པའི་མདོ་སྡེ་རྣམས་ཀྱང་བསྒྲག་པར་བྱའོ། །སེམས་ཅན་ཐམས་ཅད་ཀྱང་ངེས་པར་བསྒྲལ་བར་བྱའོ། །འདུལ་བ་དང་འདུལ་བ་མ་ཡིན་པའི་བྱེ་བྲག་ཀྱང་ཕྱེད་པར་བྱའོ། །བདག་ལ་སངས་རྒྱས་སུ་འགྱུར་བའི་ས་བོན་དེ་བཞིན་
D120.054.0099a05.01གཤེགས་པའི་སྙིང་པོ་ཞེས་བྱ་བ་ཡོད་དེ། བདག་གིས་སངས་རྒྱས་ཐོབ་པར་འགྱུར་རོ། །བདག་གིས་ཉོན་མོངས་པའི་རྣམ་པ་རྣམས་རྣམ་པར་གཞོམ་པར་བྱའོ། །དགེ་བསྙེན་ཁྱེད་རྣམས་ལ་ཡང་སངས་རྒྱས་ཀྱི་ཁམས་ཡོད་དེ། བདག་ཅག་ཀུན་ཀྱང་སངས་རྒྱས་སུ་འགྱུར་ཞིང་དེ་བཞིན་
D120.054.0099a06.01གཤེགས་པའི་ས་ཐོབ་པར་འགྱུར་རོ། །ཉོན་མོངས་པའི་རྣམ་པ་རྣམས་ཟད་པར་བྱའོ་སྙམ་དུ་སེམས་པ་དེ་ལྟ་བུ་ནི་དམ་པའི་ཆོས་ཀྱི་རྟོག་པའི་སྒོ་ནས་བྱང་ཆུབ་སེམས་དཔའ་ཡིན་ཏེ། མིའི་ཆོས་ལས་བླ་མར་གྱུར་པའི་ཉེས་པ་བྱུང་བ་མ་ཡིན་ནོ་ཞེས་ང་ཟེར་རོ། །ཉེས་བྱས་ཀྱི་ཉེས་པ་བྱུང་བས་ཀྱང་
D120.054.0099a07.01