完整藏文原文 · 德格版页 当前仅加载第 54 函德格 28b 版页；藏文 NFD、目录标记与异常页序保留在来源切片中，重复版页行以稳定序号区分。
ས་གཞི་རབ་ཏུ་གཡོས་ཤིང་ཕྱོགས་ཀྱང་འཆོལ། །རྒྱ་མཚོ་ཆེན་པོ་དག་ཀྱང་རྣམ་པར་འཁྲུགས། །བདག་ཅག་ཀུན་ཀྱང་སྡུག་ཅིང་བསྔལ་བར་གྱུར། །དྲང་སྲོང་ཆེན་པོ་དེང་ཁྱོད་མྱ་ངན་ལས། །འདས་ན་ཉི་མའང་ས་ལ་ལྟུང་ཡང་དག །རྒྱ་མཚོ་ཆེན་
D120.054.0028b01.01པོ་དག་ཀྱང་སྐམ་པར་འགྱུར། །བདག་ཅག་ཀུན་ཀྱང་དེང་དུ་འགུམ་ལགས་གྲང་། །ཇི་ལྟར་སྟོབས་ལྡན་མིས་ནི་སྒོ་གསེབ་ནས། །གླང་ཆེན་ཁྱེར་ཏེ་ནང་དུ་འཛུལ་བགྱིད་ན། །ཤིན་ཏུ་ཉོན་མོངས་འགྱུར་བ་དེ་བཞིན་དུ། །བདག་ཅག་ཐམས་ཅད་རབ་ཏུ་ཉོན་
D120.054.0028b02.01མོངས་གྱུར། །ཇི་ལྟར་བུ་གཅིག་འགུམ་པར་མི་འཚལ་ཞིང་། །མྱ་ངན་ཁྱོད་འདའ་བདག་ཅག་དེ་མི་འཚལ། །གལ་ཏེ་ཁྱོད་ནི་མྱ་ངན་འདའ་བ་ལས། །མི་གཞེས་བདག་ཅག་ཐམས་ཅད་ཕོངས་པར་འགྱུར། །ཁྱོད་ནི་མྱ་ངན་འདས་ལམ་གཤེགས་མཐོང་
D120.054.0028b03.01བས། །དུད་འགྲོ་མང་པོའང་གཡར་ངན་ཆེར་བགྱིད་ན། །བདག་ཅག་ཇི་ལྟར་གཡར་ངན་མི་འཚལ་ལགས། །བདག་ཅག་མཆིལ་མ་བཞིན་དུ་མ་དོར་ཅིག །ཉི་མ་འཆར་ཀར་རང་གི་འོད་གསལ་བས། །མུན་ནག་རྣམ་པར་བཅོམ་པ་དེ་བཞིན་དུ། །
D120.054.0028b04.01འཕྲུལ་ཅན་ཁྱོད་ཀྱིས་སྡུག་བསྔལ་མུན་བསལ་ཏེ། །དགེ་འདུན་དབུས་སུ་རི་རབ་བཞིན་དུ་བཞུགས། །བཅོམ་ལྡན་འདས་དཔེར་གསོལ་ན། རྒྱལ་པོ་ལ་ལ་ཞིག་གི་བུ་སྡུག་ཅིང་ཕངས་པ་ཞིག་མཆིས་ལ། དེས་དེ་ཆོས་ལུགས་ཀྱི་བསྟན་བཅོས་བསླབས་ནས།
D120.054.0028b05.01འདི་སོད་ཅིག་ཅེས་བཀའ་སྩལ་པ་དེ་བཞིན་དུ་བདག་ཅག་བཅོམ་ལྡན་འདས་དམ་པའི་ཆོས་ཀྱི་འཁོར་ལོས་སྒྱུར་བའི་སྲས་རྣམས་ཀྱང་ཡང་དག་པའི་ལྟ་བ་བསྐྱེད་ནས་བཀུམ་གྱིས་མ་མཆིས་ན། བཅོམ་ལྡན་འདས་རྒྱལ་པོའི་བུ་ཇི་བཞིན་དུ་བདག་ཅག་མི་འགུམ་པར་
D120.054.0028b06.01བཅོམ་ལྡན་འདས་དེའི་སླད་དུ་ཡུན་རིང་དུ་བཞུགས་སུ་གསོལ། ཇི་ལྟར་ལ་ལ་ཞིག་གཞུང་གིས་རྩོད་པའི་བསྟན་བཅོས་ལ་བསྟེན་པ་ན་སྐྲག་པར་འགྱུར་བ་དེ་བཞིན་དུ་ཁྱོད་ཀྱིས་སྐྲག་པར་མ་མཛད་ཅིག །དེ་ཁོ་ན་ཉིད་མཁྱེན་བཞིན་དུ་བདག་ཅག་སེམས་ཅན་དམྱལ་
D120.054.0028b07.01