完整藏文原文 · 德格版页 当前仅加载第 54 函德格 28a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་དང་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ཏེ་ཞལ་ཟས་ལེན་དུ་སོང་ངོ་།། །།བམ་པོ་གསུམ་པ། དེ་ནས་དེའི་ཚེ་ས་ཆེན་པོ་གཡོས་རབ་ཏུ་གཡོས། འགུལ་རབ་ཏུ་འགུལ། འཁྲུགས་
D120.054.0028a01.01རབ་ཏུ་འཁྲུགས། འཁོར་རབ་ཏུ་འཁོར། འུར་འུར་རབ་ཏུ་འུར་འུར། ཤིག་ཤིག་རབ་ཏུ་ཤིག་ཤིག །མེར་མེར་རབ་ཏུ་མེར་མེར། ལྡེམ་ལྡེམ་རབ་ཏུ་ལྡེམ་ལྡེམ་མོ། །དེ་ལ་སོགས་པ་བྱས་ཏེ། མི་མཁྲིས་པའི་ནད་ཀྱིས་བརྒྱལ་བའི་གནོད་པས་ཐེབས་
D120.054.0028a02.01པ་བཞིན་དུ་ས་ཆེན་པོ་འདི་རྒྱ་མཚོ་དུག་ཅན་པའི་མཐས་གཏུགས་པ་ཚངས་པའི་འཇིག་རྟེན་མན་ཆད་ཐོག་ཐག་ཏུ་རབ་ཏུ་གཡོས་སོ། །དེ་ནས་ལྷ་དང་། ལྷ་མ་ཡིན་དང་། མི་དེ་དག་ཐམས་ཅད་མགོ་རྨོངས་ཏེ། འཇིགས་ཤིང་སྐྱི་བུང་ཞེས་བྱས་ནས། ངུ་བཞིན་
D120.054.0028a03.01དུ་ཚིག་འཐུན་པར་ཚིགས་སུ་བཅད་པ་འདི་དག་གསོལ་ཏོ། །མགོན་པོ་ཁྱོད་ལ་བདག་ཅག་རྣམས། །མགོ་བོས་ཕྱག་འཚལ་གསོལ་བ་འདེབས། །རྒྱལ་བ་ཁྱུ་མཆོག་ཁྱོད་དང་ནི། །བྲལ་ན་བདག་ཅག་མགོན་མེད་འགྱུར། །དེང་ཁྱོད་མྱ་ངན་འདའ་
D120.054.0028a04.01འགྱུར་འདི་བསམས་ན། །བདག་ཅག་སྡུག་བསྔལ་ཤིན་ཏུ་གཏིང་ཟབ་བྱིང་། །ཐུབ་པ་བདག་ཅག་སྙིང་ནི་སྟོར་བར་གྱུར། །བ་བཞོན་རྐུན་ཁྱེར་བེའུ་ལ་ཆགས་པ་བཞིན། །མགོན་མེད་དབུལ་པོའི་མི་ནི་ལ་ལ་ཞིག །ནད་ཀྱིས་ཐེབས་ལ་སྨན་པ་མེད་པ་དང་། །
D120.054.0028a05.01རང་དགར་བྱེད་ཅིང་ཁ་ཟས་གནོད་པ་རྣམས། །ཟ་བ་ཇི་ལྟར་འཆི་བར་འགྱུར་བ་བཞིན། །སྐྱེ་བོ་འདི་དག་ཉོན་མོངས་ནད་ཀྱིས་ཐེབས། །ཁྱོད་མེད་ཁྱོད་ཀྱི་ཆོས་ཀྱི་གསོས་མེད་པས། །ལྟ་བའི་ཉེས་པ་བྱེད་འདྲར་འཆི་བར་འགྱུར། །དེ་བས་ཕན་ཕྱིར་འཇིག་
D120.054.0028a06.01རྟེན་མ་དོར་ཅིག །ཇི་ལྟར་གྲོང་ཁྱེར་རྒྱལ་དང་བྲལ་བ་དང་། །དབུལ་པོ་རྣམས་ལ་མུ་གེ་བྱུང་བ་དང་། །ཇི་ལྟར་དགོན་པར་སྐོམ་གྱིས་གདུངས་པ་བཞིན། །ཁྱོད་འདས་འོག་ཏུ་བདག་ཅག་དེ་འདྲར་འགྱུར། །སེམས་ཅན་གཅེས་ཁྱོད་མྱ་ངན་འདའ་བཞེད་པས། །
D120.054.0028a07.01