完整藏文原文 · 德格版页 当前仅加载第 54 函德格 50a 版页；藏文 NFD、目录标记与异常页序保留在来源切片中，重复版页行以稳定序号区分。
འཆལ་པ་དང་འདྲེས་པ་ཞེས་བྱ་སྟེ། དེའི་ཚུལ་མེད། ཟློག་པར་བྱེད་པའི་ཕྱིར་སློབ་དཔོན་ཞེས་བྱའོ། །བྱིས་པའི་དགེ་འདུན་ཞེས་བྱ་བ་ནི་དགོན་པ་པ་དང་། བསོད་ནམས་ཞན་པ་དང་། རྨུགས་པ་རྣམས་ཡིན་ཏེ། སྐབས་འབྱེད་པ་དང་། གསོ་
D120.054.0050a01.01སྦྱོང་རྣམས་ཀྱི་དུས་སུ་རང་གི་འཁོར་ཉི་ཚེ་དག་པར་བྱེད་ཀྱི་ཚུལ་ཁྲིམས་འཆལ་པ་རྣམས་དག་པར་མི་བྱེད་པར་དེ་དག་དང་ལྷན་ཅིག་ཏུ་འདྲེ་བར་གནས་པ་དེ་ནི་བྱིས་པའི་དགེ་འདུན་ཞེས་བྱ་སྟེ། རྨུགས་པ་དེ་དག་གི་ཚུལ་མ་ཡིན་པ་སེལ་བར་བྱེད་པའི་ཕྱིར་སློབ་དཔོན་ཞེས་བྱའོ། །རང་
D120.054.0050a02.01བཞིན་གྱི་དགེ་འདུན་ནི་བདུད་བྱེ་བ་སྙེད་ཀྱིས་ཀྱང་མི་ཤིགས་པ་ཡིན་ཏེ། དེ་ནི་བྱང་ཆུབ་སེམས་དཔའི་དགེ་འདུན་རང་བཞིན་གྱིས་རྣམ་པར་དག་པའོ། །ཚུལ་ཁྲིམས་འཆལ་པའི་དགེ་འདུན་རྣམ་པ་གཉིས་ཟློག་པར་བྱེད་པ་གང་ཡིན་པ་དེ་དག་ནི་སློབ་དཔོན་ཞེས་བྱའོ། །འདུལ་བ་འཛིན་
D120.054.0050a03.01པ་ཞེས་བྱ་བ་ནི་གདུལ་བར་བྱ་བའི་དབང་གིས་བསླབ་པའི་གཞི་དེ་དང་དེ་དག་ཤེས་ཏེ་རྔམས་ཆེན་པོ་ཡང་ཤེས་སོ། །རྔམས་ཆུང་ངུ་ཡང་ཤེས་སོ། །འདུལ་བ་མ་ཡིན་པ་ནི་བཙན་པར་མི་བྱེད་དོ། །འདུལ་བ་ནི་བཙན་པར་བྱེད་དོ། །གདུལ་བར་བྱ་བའི་དབང་ཇི་ལྟར་ཤེས་ཞེ་ན།
D120.054.0050a04.01བྱང་ཆུབ་སེམས་དཔའ་གདུལ་བར་བྱ་བའི་དབང་གིས་གྲོང་ཁྲོད་དུ་འགྲོ་བ་ཡོད་དོ། །དེ་ནི་བུད་མེད་དང་། གར་མཁན་མོའི་མདུན་ཁང་དང་། ཡུགས་ས་མོའི་ཁྱིམ་དང་། སྨད་འཚོང་མའི་ཁྱིམ་མ་གཏོགས་པར་ཁྱིམ་གྱི་ནང་ངམ་མདུན་ཁང་གང་དུ་འགྲོ་འདོད་ཀྱང་རུང་སྟེ། དེ་ལ་དེར་
D120.054.0050a05.01འགྲོ་བའི་དུས་ངེས་པ་མེད་དོ། །བྱང་ཆུབ་སེམས་དཔའི་དགེ་སློང་གིས་ནི་ལོ་གྲངས་མང་པོར་ཡང་གྲོང་ཁྲོད་དུ་རྒྱུ་བར་བཟོད་ཀྱི་ཉན་ཐོས་ཀྱི་དགེ་སློང་གིས་ནི་མི་བཟོད་དོ། །རྔམས་ཆེན་པོ་དང་། རྔམས་ཆུང་ངུ་ཇི་ལྟར་ཤེས་ཞེ་ན། རྔམས་ཆེན་པོ་ཞེས་བྱ་བ་ནི་དེ་བཞིན་གཤེགས་
D120.054.0050a06.01པས་དོན་གྱི་དམིགས་བྱུང་བ་གང་གཟིགས་ན་ནི་དེ་ལྟར་གཟིགས་པའི་འོག་ཏུ་ཕས་ཕམ་པ་བཞི་པོ་འདི་ལྟ་བུ་ཕྱིན་ཆད་མ་བྱེད་ཅིག །གལ་ཏེ་ཁྱེད་ཀྱིས་བྱས་ན་རབ་ཏུ་དབྱུང་དུ་མེད་པར་འགྱུར་རོ། །ཞེས་བསླབ་པའི་གཞི་འཆའ་བར་མཛད་པ་དེ་ནི་རྔམས་ཆེན་པོ་ཞེས་བྱའོ། །རྔམས་
D120.054.0050a07.01