完整藏文原文 · 德格版页 当前仅加载第 54 函德格 123a 版页；藏文 NFD、目录标记与异常页序保留在来源切片中，重复版页行以稳定序号区分。
བ་ཕྱེད་པར་འཛིན་ཏོ། །དེ་ནས་ཚེས་{བཅྭ་,བཅོ་}ལྔ་ཡིན་ནོ་སྙམ་སྟེ་ཟླ་བ་ཉ་བར་འཛིན་ཏོ། །ཁ་ཅིག་གིས་ནི་ཟླ་བ་ཕྱེད་ཡིན་པར་འཛིན་ཏེ། ཟླ་བ་ནི་ཕྱེད་དུ་འགྱུར་ཞིང་འཆར་བ་ཡང་མེད། ལྟུང་བ་ཡང་མེད་དེ། ཟླ་བ་ནི་རི་རབ་ཀྱི་རྐྱེན་གྱིས་དེ་ལྟར་སྣང་ངོ་། །རིགས་
D120.054.0123a01.01ཀྱི་བུ་དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་འཛམ་བུའི་གླིང་ལ་ལར་ནི་ཡོངས་སུ་མྱ་ངན་ལས་འདའ་བ་ལྟ་བུར་སྣང་སྟེ། སེམས་ཅན་རྣམས་ཀྱིས་དེ་བཞིན་གཤེགས་པ་ཡོངས་སུ་མྱ་ངན་ལས་འདས་སོ་སྙམ་དུ་འཛིན་ཏོ། །
D120.054.0123a02.01འཛམ་བུའི་གླིང་ལ་ལར་ནི་ཟླ་བ་ཚེས་པ་བཞིན་དུ་སྐྱེ་བ་ལྟ་བུར་སྣང་སྟེ། སེམས་ཅན་རྣམས་ཀྱིས་ཁྱེའུ་འདི་སྐྱེས་སོ་སྙམ་དུ་འཛིན་ཏོ། །ཟླ་བ་ཚེས་གཉིས་དང་འདྲ་བར་ནི་ལྷའི་ཐད་དུ་འགྲོ་བར་འཛིན་ཏོ། །ཟླ་བ་ཚེས་གསུམ་དང་འདྲ་བར་ནི་ཡི་གེ་སློབ་པའི་སར་འགྲོ་བར་འཛིན་
D120.054.0123a03.01ཏོ། །ཟླ་བ་ཚེས་བརྒྱད་ལྟ་བུར་ནི་རབ་ཏུ་འབྱུང་བར་སྟོན་ཏོ། །ཟླ་བ་ཉ་བ་ལྟ་བུར་ནི་འོད་ཀྱིས་མུན་པ་བསལ་བ་བཞིན་དུ་བདུད་བྱེ་བ་སྙེད་བརླག་ནས་ལམ་མེར་བཞུགས་སོ། །ཟླ་བ་ནུབ་པ་ལྟ་བུར་ནི་ཡོངས་སུ་མྱ་ངན་ལས་འདའ་བར་སྟོན་ཏེ། ཟླ་བ་གཟའ་རྣམས་ཀྱིས་བསྐོར་བ་
D120.054.0123a04.01བཞིན་དུ་མཚན་སུམ་ཅུ་རྩ་གཉིས་དང་དཔེ་བྱད་བཟང་པོ་བརྒྱད་ཅུས་བརྒྱན་ཏོ། །དེར་ཁ་ཅིག་གིས་ནི་ལྷུང་བར་འཛིན། ཁ་ཅིག་གིས་ནི་སྐྱེ་བར་འཛིན་ལ་སྐྱེས་པ་ཡང་མེད། འགགས་པ་ཡང་མེད་དེ། དེ་བཞིན་གཤེགས་པ་ནི་ཟླ་བ་ཉ་བ་བཞིན་དུ་དུས་ཐམས་ཅད་དུ་རྟག་པ་ཡིན་
D120.054.0123a05.01ནོ། །དེ་བས་ན་དེ་བཞིན་གཤེགས་པ་རྟག་པ་དང་བརྟན་པ་ཞེས་བྱའོ། །དཔེར་ན་ཟླ་བ་ནི་ཐམས་ཅད་དུ་སྣང་སྟེ། ཆུ་དང་དགོན་པ་དང་ཁྱིམ་དང་གྲོང་ཁྱེར་དང་། ཆུ་ར་ཆུས་གང་བ་རྣམས་དང་། ཁྲོན་པ་དང་། གཞན་ཡང་དཔག་ཚད་སྟོང་སྲིད་དུ་ཡང་རུང་སེམས་ཅན་
D120.054.0123a06.01རྣམས་གང་དུ་འགྲོ་བ་དེ་དག་ཐམས་ཅད་དུ་སྣང་སྟེ། དེར་བྱིས་པ་རྣམས་ཀྱིས་ཡིད་ལ་ཟླ་བ་འདི་ནི་བདག་ཁོ་ནའི་ཕྱི་བཞིན་འབའ་ཞིག་ཏུ་འོང་ངོ་སྙམ་དུ་འཛིན་ཏོ། །གང་གི་ཚེ་ཁྱིམ་གྱི་ནང་དུ་མཐོང་བ་དེའི་ཚེ་ནི་ད་ནི་འདི་ན་སྣང་ན་དེ་ཟླ་བ་འདི་དེ་ཉིད་ཡིན་ནམ། འོན་ཏེ་གཞན་
D120.054.0123a07.01