完整藏文原文 · 德格版页 当前仅加载第 54 函德格 9a 版页；藏文 NFD、目录标记与异常页序保留在来源切片中，重复版页行以稳定序号区分。
{བཅྭ་,བཅོ་}བརྒྱད་ཡོད་དོ། །དེ་དག་ལ་གླང་པོ་ཆེ་རྟག་ཏུ་འགྲམ་པ་ནས་རྔུལ་འཛག་པ་དག་དང་། རྟ་རླུང་གི་ཤུགས་པས་ལྷག་པར་མགྱོགས་པ་དག་ཀྱང་ཡོད་དོ། །དེ་དག་གི་མཆོད་པའི་ཡོ་བྱད་གང་ཡིན་པ་དེ་དག་ཀྱང་མཆོད་པའི་ཡོ་བྱད་སྔ་མ་དེ་དག་ལས་ཉིས་
D120.054.0009a01.01འགྱུར་གྱིས་ཆེས་བཟང་ལ་ཆེས་མང་སྟེ། དེ་ལྟ་བུའི་མཆོད་པའི་ཕུལ་དག་ཁྱེར་ནས། དཔུང་གི་ཚོགས་ཡན་ལག་བཞི་དང་བཅས་ཏེ་ལྷགས་སོ། །དེ་དག་གི་མཆོད་པ་དེ་རྣམས་ཀྱི་ནང་ན་གདུགས་ཐུང་ངུ་གང་ཡིན་པ་དེ་ཡང་དཔག་ཚད་བརྒྱད་ཅུ་ཆུ་ཞེང་གབ་པར་འདུག་
D120.054.0009a02.01གོ། །བ་དན་གྱི་ནང་ན་ཆུང་ངུ་གང་ཡིན་པས་ཀྱང་དཔག་ཚད་བརྒྱ་སྟོང་དུ་ཕྱིན་ཏོ། །རྒྱལ་མཚན་ཕལ་པ་གང་ཡིན་པ་དེ་ལ་ཡང་འཕང་དུ་དཔག་ཚད་སུམ་ཅུ་ཡོད་དོ། །དེ་ལྟར་ཡངས་པ་ཅན་གྱི་རྒྱལ་པོ་ཟླ་བ་དྲི་མ་མེད་པའི་སྙིང་པོ་དང་། ཉི་འོད་ཅེས་བྱ་བ་དང་། དེ་
D120.054.0009a03.01ལ་སོགས་པ་རྒྱལ་པོ་རྣམས་ཉི་མ་འཆར་ཀར་ལྷགས་ཏེ། དེ་དག་ཀྱང་དམ་པའི་ཆོས་སུན་འབྱིན་ཅིང་རྟགས་ཅན་འཆལ་པ་རྣམས་ཀྱི་སེར་བ་ལྟ་བུར་གྱུར་པ། མཐུས་ཀྱང་སེམས་ཅན་རྣམས་དམ་པའི་ཆོས་ལ་འགོད་པར་བྱེད་པ་དང་། བདག་ཅག་གི་ནོར་དང་། འབྲུའི་
D120.054.0009a04.01ཚོགས་དང་། མཛོད་དང་། བང་བའི་ཚོགས་གང་ཡིན་པ་དེ་དག་ནི་དམ་པའི་ཆོས་གནས་པར་བྱ་བའི་ཕྱིར་རོ་སྙམ་དུ་སེམས་པ་ཤ་སྟག་དང་། བདག་ཅག་གིས་དམ་པའི་ཆོས་ལ་ནན་ཏན་བྱའོ། །དམ་པའི་ཆོས་སུན་འབྱིན་པ་རྣམས་ཀྱི་ལྕེ་ནི་དྲུང་ནས་གཅད་དོ་ཞེས་དམ་
D120.054.0009a05.01བཅས་པ་བརྟན་པོར་བྱས་པ་ཤ་སྟག་དང་། ཐེག་པ་ཆེན་པོ་འདོད་པ་དང་། འཇིག་རྟེན་ཐམས་ཅད་ལ་སྙིང་བརྩེ་བ་ཤ་སྟག་སྟེ། དེ་དག་གི་མཆོད་པ་རྣམས་ཀྱིས་ཡངས་པ་ཅན་ནས་གྲོང་ཁྱེར་ཀུ་ཤིའི་བར་ཐམས་ཅད་ཀུན་ཏུ་གང་བར་གྱུར་ཏོ། །དེ་དག་གི་གདུགས་ཀྱི་གྲིབ་
D120.054.0009a06.01མ་འདབ་ཆགས་སུ་འདུག་པས་ནི་ཉི་མའི་འོད་ཀྱིས་མི་ཕོག་གོ། །དེ་དག་གི་ཁ་ཟས་ཀྱི་དྲི་བསུང་གིས་ནི་དཔག་ཚད་བཞིར་ཁྱབ་པར་གྱུར་ཏེ། དེ་དག་གིས་བཅོམ་ལྡན་འདས་ལ་རང་རང་གིས་སྦྱར་བའི་ཞལ་ཟས་བཞེས་པར་ལན་གསུམ་གྱི་བར་དུ་གསོལ་བ་བཏབ་ཀྱང་། ཞལ་ཟས་མ་
D120.054.0009a07.01