完整藏文原文 · 德格版页 当前仅加载第 54 函德格 86a 版页；藏文 NFD、目录标记与异常页序保留在来源切片中，重复版页行以稳定序号区分。
བུ་ལ་ཕྱག་བགྱི་འཚལ་བར་གྱུར་ན་ནི་དེ་ལྟ་ན་རྒན་པོ་དེ་ཚུལ་ཁྲིམས་དང་ལྡན་པའི་དགེ་སློང་མ་ལགས་པར་འགྱུར་ལགས་སོ། །གཞན་ཡང་གླེང་འཚལ་བ་མཆིས་ཏེ། གལ་ཏེ་དགེ་སློང་རྒན་པོ་ནི་ཚུལ་ཁྲིམས་འཆལ་པ་ལགས། གསར་བུ་ནི་ཚུལ་ཁྲིམས་དང་
D120.054.0086a01.01ལྡན་པ་ལགས་ལ། དེ་ལས་ཆོས་ཀྱི་དེ་ཁོ་ན་ཉིད་རྟོགས་པར་འགྱུར་ན། ཅི་ལགས་གསར་བུས་གློ་བར་ཆུད་བཞིན་དུ་རྒན་པོ་ཚུལ་ཁྲིམས་འཆལ་པ་ཕྱག་བགྱི་འཚལ་ལམ། གཞན་ཡང་གླེང་འཚལ་བ་མཆིས་ཏེ། ཅི་ལགས་ཁྱིམ་ན་གནས་པ་ལས་ཆོས་རྟོགས་པར་འགྱུར་ན་
D120.054.0086a02.01ཡང་ཁྱིམ་ན་གནས་པ་ལ་ཕྱག་བགྱི་འཚལ་ལམ། ཧ་ཅང་ཞེ་ས་ཆེར་བགྱི་བར་མི་རིགས་ལགས་སོ། །ཁྱིམ་ན་གནས་པ་རྣམས་ནི་རབ་ཏུ་བྱུང་བའི་མཆོད་པའི་འོས་དང་ཡོན་གནས་མ་ལགས་སོ། །བསྟན་པ་འདི་ལ་ནི་གཞོན་ནུས་རྒན་པོ་རྣམས་ལ་མཆོད་པ་བགྱི་བའི་རིགས་ལགས་
D120.054.0086a03.01སོ། །རྒན་པོ་མཆོད་པའི་འོས་ཞེས་བགྱི་བ་ནི་བསྙེན་པར་རྫོགས་པ་འདུལ་བ་དང་། ཆོ་ག་དང་། སྤྱོད་ཡུལ་ལ་གནས་པ་ལགས་ལ། བཅོམ་ལྡན་འདས་ཀྱིས་ཀྱང་ཚུལ་ཁྲིམས་འཆལ་པ་རྣམས་ནི་ཞིང་གི་ནང་ན་ཞིང་གི་རྡོ་དང་འདྲའོ་ཞེས་གསུངས་ན་ད་ནི། རྒན་ནམ་ཡང་ན་གཞོན་
D120.054.0086a04.01ཡང་རུང་། །གང་ལས་ཆོས་ནི་རྟོགས་འགྱུར་བ། །དབང་ཆེན་ལྷ་ལ་བྱ་བ་བཞིན། །དེ་ལ་བཀུར་སྟིས་ཕྱག་ཀྱང་བྱ། །ཞེས་ཀྱང་གསུང་ངམ། ཚིག་གི་དོན་འདི་གཉིས་ནི་དཔྱད་འཚལ་ལགས་སོ། །དེ་མ་ལགས་ན་དེ་ལྟར་བགྱིས་དང་ཆད་པའི་གནས་སུ་འགྱུར་ལགས་སོ། །བཅོམ་ལྡན་འདས་
D120.054.0086a05.01དགེ་སློང་ཚུལ་ཁྲིམས་དང་ལྡན་པ་རྣམས་སླུ་བར་མཛད་ལགས་སམ། འདི་ལ་ནོངས་པ་མང་དུ་མཆིས་ལགས་ན། བཅོམ་ལྡན་འདས་ཀྱིས་མདོ་མང་པོ་དག་ལས་ཚུལ་ཁྲིམས་འཆལ་པ་རྣམས་ཆད་པས་གཅད་པར་བཀའ་སྩལ་ན། ཅི་ལགས་དེ་བཞིན་གཤེགས་པས་འདིར་དགོངས་ཏེ་
D120.054.0086a06.01གསུངས་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། རྒན་ནམ་ཡང་ན་གཞོན་ཡང་རུང་། །གང་ལས་ཆོས་ནི་རྟོགས་འགྱུར་བ། །དབང་ཆེན་ལྷ་ལ་བྱ་བ་བཞིན། །དེ་ལ་བཀུར་སྟིས་ཕྱག་ཀྱང་བྱ། །ཞེས་བྱ་བ་ནི་མ་འོངས་པའི་དུས་ཀྱི་བྱང་ཆུབ་སེམས་དཔའ་རྣམས་ཀྱི་ཕྱིར་ངས་
D120.054.0086a07.01