完整藏文原文 · 德格版页 当前仅加载第 54 函德格 87b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་འོག་ཏུ་བདུད་རྩི་དེའི་ནང་དུ་ཐབས་ཀྱིས་བཏུང་བ་གཞན་བླུགས་ནས་རྒྱལ་པོ་དེས་འཐུངས་པ་དང་། བརྒྱལ་ཏེ་ཤི་བ་བཞིན་དུ་འདུག་གོ། །དེ་ནས་བྲམ་ཟེ་དེས་རྒྱལ་པོ་སྔ་མའི་བུ་རྒྱལ་པོ་ནུས་པ་རྒྱལ་པོར་བཅུག་ནས་སྨྲས་པ། རྒྱལ་སྲིད་འདི་ལོང་ལ་ཆུད་མ་ཟོས་པར་གྱིས་ཤིག །
D120.054.0087b01.01གདོལ་པ་ནི་རྒྱལ་སྲིད་འདི་ལ་རྒྱལ་པོའི་འོས་མ་ཡིན་ཏེ། ཁྱོད་ཉིད་རྒྱལ་པོར་འོས་པ་ཡིན་ནོ། །གདོལ་པས་རྒྱལ་པོ་བྱ་བ་ནི་མི་སྲིད་དོ་ཞེས་བྱས་སོ། །དེ་ནས་གདོལ་པ་དེ་བརྒྱལ་བ་ལས་སངས་པར་འགྱུར་བའི་སྨན་བྱིན་ཏེ་སོས་པར་བྱས་ནས་དེ་སྤྱུགས་ཏེ་འགལ་བ་བྱེད་པའི་ཆད་པས་བཅད་
D120.054.0087b02.01དོ། །དེ་ལྟར་བྲམ་ཟེ་དེས་རྒྱལ་སྲིད་སླར་བཙུགས་ཏེ་གདོལ་པ་དེ་སྤྱུགས་ན་དེ་བྲམ་ཟེ་ལས་ཉམས་པར་ཡང་མ་གྱུར་ལ། བྲམ་ཟེ་དང་ཁྱིམ་བདག་རྣམས་ཀྱང་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཡིན་ནོ་ཞེས་ཟེར་ཞིང་དེ་ལ་ལེགས་སོ་ལེགས་སོ་ཞེས་བྱས་ཏེ། མཆོད་པར་བྱེད་
D120.054.0087b03.01པ་དེ་བཞིན་དུ་བྱང་ཆུབ་སེམས་དཔའ་ཡང་ང་འདས་པའི་འོག་ཏུ་དམ་པའི་ཆོས་དབྱུང་བའི་དོན་དུ་ཐབས་ཅི་ཡང་བྱེད་དེ། རྫས་ངན་པ་འདུན་ཅིང་སྤྱོད་པ་ངན་པ་དང་ལྡན་པའི་དགེ་འདུན་གྱི་ནང་དུ་ཚུལ་ཁྲིམས་འཆལ་པ་དག་དང་ཚུལ་འཐུན་པར་ཡང་སྟོན་ཏེ། ཚུལ་ཁྲིམས་འཆལ་པ་དེ་རྣམས་
D120.054.0087b04.01ཀྱི་ཆོས་གོས་དང་། གླེགས་བམ་དང་། ཡོ་བྱད་དེ་རྣམས་དེ་དག་ལས་ཕྲོགས་ནས་དགེ་སློང་ཚུལ་ཁྲིམས་དང་ལྡན་པ་རྣམས་ལ་སྦྱིན་པར་གང་གིས་ནུས་པ་དང་། སྒྲུབ་པ་དང་། གཙོ་བོ་དང་། འབྲུ་བསྡུ་བ་ཡང་བསྟེན་ཏེ་རུང་བ་མ་ཡིན་པ་བརྒྱད་ཀྱི་དངོས་པོ་ལེན་པར་བྱེད་པ་རྣམས་མེད་པར་བྱེད་པར་
D120.054.0087b05.01གང་གིས་ནུས་པ་དང་། བྲམ་ཟེས་གདོལ་པའི་རྒྱལ་པོ་ལ་བྱས་པ་བཞིན་དུ་དེ་དག་དང་ལྷན་ཅིག་ཏུ་སྐབས་དབྱེ་བ་དང་། གསོ་སྦྱོང་དང་ཐལ་མོ་སྦྱར་བས་གདུད་པའི་ལས་བྱེད་ཅིང་འགལ་བ་བྱེད་པ་ཚར་གཅོད་པར་གང་གིས་ནུས་པ་དང་། གཡེལ་བ་རྣམས་ཀྱང་དག་པའི་དགེ་འདུན་དུ་བསྒྱུར་
D120.054.0087b06.01ཞིང་སྐྱེ་བོ་མང་པོ་ལ་ཕན་པའི་ཕྱིར་ཐེག་པ་ཆེན་པོའི་མདོའི་སྡེ་ཚན་སྟོན་པར་གང་གིས་ནུས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་གང་ཡིན་པ་དེའི་ཆེད་དུ་ཚིགས་སུ་བཅད་པ་དེ་དག་གསུངས་པ་ཡིན་ཏེ། དེ་ལྟར་བྱེད་པ་ལ་ནི་དམ་པའི་ཆོས་འབྱིན་པའི་ཕྱིར་བྲམ་ཟེ་དང་ཁྱིམ་བདག་རྣམས་མགུ་
D120.054.0087b07.01