完整藏文原文 · 德格版页 当前仅加载第 54 函德格 99b 版页；藏文 NFD、目录标记与异常页序保留在来源切片中，重复版页行以稳定序号区分。
སུམ་ཅུ་རྩ་གསུམ་པའི་ལྷ་རྣམས་ཀྱི་ལོ་གྲངས་པས་ཀྱང་ལྷག་པར་ལོ་བརྒྱད་ཁྲིའི་བར་དུ་སེམས་ཅན་དམྱལ་བར་འཚེད་པར་འགྱུར་ན་ཉེས་པ་སྦོམ་པོ་ལྟ་ཅི་སྨོས་ཏེ། ཐེག་པ་ཆེན་པོ་འདི་ལ་ནི་ཉེས་པ་སྦོམ་པོའི་ཉེས་པ་བྱུང་བ་དང་བསྟེན་པར་མི་བྱའོ། །ཉེས་པ་སྦོམ་པོ་ཞེས་བྱ་བ་ནི་
D120.054.0099b01.01བཅོམ་ལྡན་འདས་ཀྱི་མཆོད་རྟེན་བསྲུང་བའི་ཕྱིར་གཞན་ཡོངས་སུ་གཟུང་བ་ལ་མེ་ཏོག་གི་ཕྲེང་བ་བཏགས་པ་དེ་རྙིངས་ནས་སྲད་བུ་དགོས་པའི་ཕྱིར་ལེན་པར་བྱེད་དེ། དགེ་སློང་རྣམས་ལ་འཛེམ་ནས་དགེ་སློང་རྣམས་ལ་མ་དྲིས་པར་དགེ་སློང་གིས་བླངས་ན་ཉེས་པ་སྦོམ་པོའི་
D120.054.0099b02.01ཉེས་པ་ཅན་དུ་འགྱུར་རོ། །གལ་ཏེ་འདི་ལྟ་ཞིག་གིས་ཅིར་ཡང་མི་འགྱུར་རོ་སྙམ་དུ་འཛིན་ཏེ། ལེན་པར་བྱེད་ན་ཡང་དེ་ལྟ་བུ་དག་དང་བསྟེན་པར་མི་བྱའོ། །རྐུ་བའི་སེམས་ཀྱིས་མཆོད་རྟེན་བཤིག་ན་ཡང་ཉེས་པ་སྦོམ་པོའི་ཉེས་པ་ཅན་དུ་འགྱུར་ཏེ། དེ་ལྟ་བུ་དག་
D120.054.0099b03.01དང་བསྟེན་པར་མི་བྱའོ། །འདི་ན་ཁྱིམ་བདག་གམ་བློན་པོ་ལ་ལ་ཞིག་གིས་གལ་ཏེ་ཆོས་ཀྱི་བསམ་པས་སྐུ་གདུང་ལ་བཀུར་སྟི་བྱའམ། ཕག་གུ་དགོས་པའི་ཕྱིར་མཆོད་རྟེན་རྙིང་པ་བཤིག་སྟེ། བླངས་ནས་ཁྱིམ་བདག་གམ་བློན་པོ་དེས་མཆོད་རྟེན་དེ་ལས་གསེར་
D120.054.0099b04.01དངུལ་ཞིག་བྱུང་ན། དེ་དགེ་སློང་འགའ་ཞིག་གི་ལག་ཏུ་གཏད་པ་ལས་དགེ་སློང་དེས་དེ་བླངས་ཏེ། བདག་གི་ནོར་དུ་བྱས་ལ་རྩོད་པར་བྱེད་ན་དགེ་སློང་དེ་ལ་ལེགས་པ་མ་ཡིན་ནོ། །དགེ་བསྙེན་དེ་དག་ནི་ཆོས་ལ་གནས་པ་ཡིན་ནོ། །དགེ་སློང་དེ་ནི་ཡིད་བརྟན་དུ་མི་རུང་སྟེ་
D120.054.0099b05.01བསྟེན་པར་མི་བྱའོ། །མ་ནིང་ཡིན་པར་ཤེས་པར་བྱའོ། །མཚན་གཉིས་པ་ཡིན་པར་ཤེས་པར་བྱའོ། །མཚན་གཉིས་པ་ཞེས་བྱ་བ་ནི་གང་ལ་མཚན་གཉིས་ཡོད་པ་སྟེ། གང་གི་ཚེ་སྐྱེས་པའི་འདོད་ཆགས་སྐྱེས་པ་དེའི་ཚེ་ནི་བུད་མེད་དང་འདོད་པ་སྤྱོད་པར་བྱེད་ལ། གང་གི་ཚེ་
D120.054.0099b06.01བུད་མེད་ཀྱི་འདོད་ཆགས་སྐྱེས་པ་དེའི་ཚེ་ནི་སྐྱེས་པ་དང་འདོད་པ་སྤྱོད་པར་བྱེད་དོ། །དེ་བས་ན་མཚན་གཉིས་པ་ཞེས་བྱ་སྟེ་དེ་དང་ཡང་བསྟེན་པར་མི་བྱའོ། །དེ་ལྟར་དེ་ལྟ་བུ་དག་དང་ཡང་བསྟེན་པར་མི་བྱ་ན་བསླབ་པའི་གཞི་ལྔའི་ཉེས་པ་བྱེད་པ་དེ་དག་ལྟ་ལ་བསྟན་དུ་ག་ལ་རུང་།། །།
D120.054.0099b07.01