完整藏文原文 · 德格版页 当前仅加载第 54 函德格 32a 版页；藏文 NFD、目录标记与异常页序保留在来源切片中，重复版页行以稳定序号区分。
ཉི་མ་དང་། ཟླ་བ་དང་། ཤིང་དང་། རི་རྣམས་མི་འཁོར་བཞིན་དུ་འཁོར་བར་མཐོང་བ་དེ་བཞིན་དུ་གང་དག་གིས་སྡུག་བསྔལ་དང་། མི་རྟག་པ་དང་། བདག་མེད་པའི་འདུ་ཤེས་མ་བསྒོམས་པའི་སེམས་ཅན་འཇིག་རྟེན་པ་དེ་དག་ནི་ར་རོ་བ་
D120.054.0032a01.01དང་འདྲ་བར་བལྟ་བར་བགྱིའོ། །བཅོམ་ལྡན་འདས་བདག་ཅག་གིས་ནི་ཡང་དག་པར་བསྒོམས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ནི་དཔེ་འདིའི་དོན་དེ་ངས་བཤད་པར་བྱའོ། །ཁྱེད་ཀྱིས་ཚིགས་སུ་བཅད་པའི་དོན་
D120.054.0032a02.01འདི་ལ་དོན་ནི་འདིའོ། །ཡི་གེ་ནི་འདིའོ་ཞེས་གསལ་བར་མི་ཤེས་ཏེ། ཇི་ལྟར་མི་ར་རོ་བས་ལྷ་ཁང་དང་། སྤོ་དང་། ས་གཞི་དང་། ཉི་མ་དང་། ཟླ་བ་དང་། ཤིང་དང་། རི་རྣམས་མི་འཁོར་བཞིན་དུ་འཁོར་བར་མཐོང་བ་དེ་བཞིན་དུ་འདུ་ཤེས་ཕྱིན་ཅི་ལོག་དུ་མས་
D120.054.0032a03.01ཟིན་ཅིང་ཀུན་ཏུ་རྨོངས་པ་རྣམས་བདག་གོ་སྙམ་པ་དང་། རྟག་གོ་སྙམ་པ་དང་། བདེའོ་སྙམ་པ་དང་། སྡུག་གོ་སྙམ་པའི་འདུ་ཤེས་ཀུན་ཏུ་སྤྱོད་དོ། །དེ་ལ་བདག་ཅེས་བྱ་བ་ནི་སངས་རྒྱས་ཞེས་བྱ་བའི་དོན་ཏོ། །རྟག་ཅེས་བྱ་བ་ནི་ཆོས་ཀྱི་སྐུ་ཞེས་བྱ་བའི་དོན་ཏོ། །
D120.054.0032a04.01བདེ་ཞེས་བྱ་བ་ནི་མྱ་ངན་ལས་འདས་པ་ཞེས་བྱ་བའི་དོན་ཏོ། །སྡུག་ཅེས་བྱ་བ་ནི་ཆོས་ཀྱི་ཚིག་{བླ་དགས་,བླ་དྭགས་}སོ། །དགེ་སློང་དག་ཁྱེད་ཀྱིས་བཅོམ་ལྡན་འདས་བདག་ཅག་གིས་ནི་སྡུག་བསྔལ་དང་། མི་རྟག་པ་དང་། བདག་མེད་པའི་འདུ་ཤེས་བསྒོམས་ལགས་
D120.054.0032a05.01སོ་ཞེས་རྒྱགས་པ་དང་ང་རྒྱལ་གྱིས་དྲེགས་པར་མ་བྱེད་ཅིག །དེ་ལྟར་རྣམ་པ་གསུམ་བསྒོམས་པར་གྱུར་ན་ནི་ངའི་བསྟན་པ་ལ་ཁྱེད་ཀྱིས་བསྒོམ་པ་རྣམ་པ་གསུམ་བསྒོམས་པ་དེ་བསྒོམ་པ་དོན་མེད་པར་འགྱུར་རོ། །སྡུག་བསྔལ་ཤེས་པར་བྱ་བ་བསྒོམ་པ་རྣམ་
D120.054.0032a06.01པ་གསུམ་པོ་ནི་ཁྱད་པར་དང་ཁྱད་པར་གྱི་ཡང་ཁྱད་པར་རོ། །སྡུག་བསྔལ་ལ་བདེའོ་སྙམ་དུ་འདུ་ཤེས་པ་ནི་ཕྱིན་ཅི་ལོག་པའོ། །བདེ་བ་ལ་སྡུག་བསྔལ་ལོ་སྙམ་དུ་འདུ་ཤེས་པ་ནི་ཕྱིན་ཅི་ལོག་པའོ། །མི་རྟག་པ་ལ་རྟག་གོ་སྙམ་དུ་འདུ་ཤེས་པ་ནི་ཕྱིན་ཅི་ལོག་
D120.054.0032a07.01