完整藏文原文 · 德格版页 当前仅加载第 54 函德格 71a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་ཏེ། ཐར་པ་ནི་རྟག་ཏུ་མྱ་ངན་དང་བྲལ་བའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །རྡུལ་མེད་པ་རྡུལ་མེད་པ་ཞེས་བྱ་བ་ལ་རྡུལ་ཞེས་བྱ་བ་ནི་ས་རྡུལ་དང་ཉལ་ཉིལ་ཡིན་ཏེ། ཇི་ལྟར་དཔྱིད་ཀྱི་དུས་ན་ཕྱི་དྲོ་རླུང་ལངས་པས་ས་རྡུལ་བསླང་བ་
D120.054.0071a01.01བཞིན་དུ་ཐར་པ་ནི་དེ་ལྟ་མ་ཡིན་ནོ། །རྡུལ་མེད་པ་ཞེས་བྱ་བ་ནི་ཇི་ལྟར་རྒྱལ་པོའི་གཙུག་གི་ནོར་བུ་དག་པ་དེ་བཞིན་དུ་རང་བཞིན་གྱི་རྡུལ་མེད་པ་ནི་ཐར་པའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །རྡུལ་དང་བྲལ་བ་རྡུལ་དང་བྲལ་བ་ཞེས་བྱ་བ་ནི་ཇི་ལྟར་གསེར་ཡོངས་སུ་དག་
D120.054.0071a02.01པ་སྟེ། གསེག་མ་དང་རྡོ་མེད་པར་གྱུར་པ་དབྱིག་ཏུ་རེད་པ་རང་བཞིན་དུ་གྱུར་པ་དེ་བཞིན་དུ་སྐྱོན་བྱང་བའི་རང་བཞིན་ནི་ཐར་པའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །སོབ་སོབ་པོ་མ་ཡིན་པ་སོབ་སོབ་པོ་མ་ཡིན་པ་ཞེས་བྱ་བ་ནི་ཁམ་པའི་ཞོའི་བུམ་པ་གས་པ་
D120.054.0071a03.01བཞིན་དུ་ཐར་པ་ནི་དེ་ལྟ་མ་ཡིན་ཏེ། ལྕགས་དང་རྡོ་རྗེའི་བུམ་པ་བཞིན་དུ་སོབ་སོབ་པོ་མ་ཡིན་པ་ནི་ཐར་པའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །སོབ་སོབ་པོ་མ་ཡིན་པའི་ཆོས་ཅན་སོབ་སོབ་པོ་མ་ཡིན་པའི་ཆོས་ཅན་ཞེས་བྱ་བ་ནི་ཇི་ལྟར་ཨེ་རཎྜའི་
D120.054.0071a04.01འབྲས་བུ་བརྔས་ནས་སོ་གའི་དུས་སུ་ཁང་ཏོག་ཏུ་བཏིང་ན། ཀུན་ནས་ཙེག་ཙེག་ཟེར་ཞིང་ཀུན་ནས་འགས་པ་དེ་བཞིན་དུ་ཐར་པ་ནི་དེ་ལྟ་མ་ཡིན་ནོ། །སོབ་སོབ་པོ་མ་ཡིན་པའི་ཆོས་ཅན་ཞེས་བྱ་བ་ནི་ཇི་ལྟར་ལྕགས་དང་རྡོ་རྗེའི་བུམ་པ་ཤིང་རྟ་པ་སྟོང་གི་མདས་འཕངས་ཀྱང་
D120.054.0071a05.01ཕིགས་པར་མི་ནུས་པ་དེ་བཞིན་དུ་སོབ་སོབ་པོ་མ་ཡིན་པའི་ཆོས་ཅན་ནི་ཐར་པའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །ཅི་བྱར་ཡང་མེད་པ་ཅི་བྱར་ཡང་མེད་པ་ཞེས་བྱ་བ་ནི་ཇི་ལྟར་མི་དབུལ་པོ་ཞིག་ལ་བུ་ལོན་ཆགས་པ་ལས་ཕྱུག་པོའི་ལག་ཏུ་འོངས་ནས་ཉོན་
D120.054.0071a06.01མོངས་སུ་ཟིན་ཀྱང་ཅི་ཡང་འཇལ་དུ་མེད་ནས་བཏང་བ་བཞིན་དུ་ཐར་པ་ནི་དེ་ལྟ་མ་ཡིན་ཏེ། ཅི་བྱར་ཡང་མེད་པ་ཞེས་བྱ་བ་ནི་ཇི་ལྟར་མི་ནོར་བྱེ་བ་བདོག་པ་སུའི་བུ་ལོན་ཡང་མ་ཆགས་པ་དེ་བཞིན་དུ་ཆོས་བྱེ་བ་ཕྲག་མང་པོ་བདོག་པའི་མཆོག་ནི་ཐར་པའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །
D120.054.0071a07.01