完整藏文原文 · 德格版页 当前仅加载第 54 函德格 27a 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲས་སོ། །ཀྱེ་མ་བཅོམ་ལྡན་འདས་མི་བཞུགས་ན་ནི་འཇིག་རྟེན་སྟོངས་པར་འགྱུར་རོ། །བདག་ཅག་ཐམས་ཅད་ཀྱིས་ངུ་ཞིང་བཅོམ་ལྡན་འདས་ལ་གསོལ་བ་གདབ་བོ། །དེ་ནས་བཅོམ་ལྡན་འདས་ཀྱིས་སྐུལ་བྱེད་ལ་འདི་སྐད་ཅེས་
D120.054.0027a01.01བཀའ་སྩལ་ཏོ། །སྐུལ་བྱེད་མ་ངུ་ཤིག །དེ་ལྟར་ལུས་ལ་རྨ་མ་འབྱིན་ཅིག །མིའི་ལུས་ལ་ཆུ་ཤིང་བཞིན་དུ་སྙིང་པོ་མེད་པར་རྟོགས་ཤིག །སྨིག་རྒྱུ་བ་དང་། དབུ་བ་རྡོས་པ་དང་། སྒྱུ་མ་དང་། རྫ་མཁན་གྱིས་བྱས་པའི་སྣོད་དང་། གློག་ལྟ་བུར་ཁོང་དུ་
D120.054.0027a02.01ཆུད་པར་གྱིས་ཤིག །འདུས་བྱས་ནི་ཉེས་པ་གྲངས་མེད་པའི་འབྱུང་གནས་ཡིན་ནོ་སྙམ་དུ་ཤེས་པར་གྱིས་ཤིག །འདུས་བྱས་ཀྱི་རང་བཞིན་ལ་ལྟོས་ཤིག །དེ་ནས་བཅོམ་ལྡན་འདས་ལ་སྐུལ་བྱེད་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་
D120.054.0027a03.01བདག་དང་སེམས་ཅན་ཐམས་ཅད་ལ་ཐུགས་བརྩེ་བའི་སླད་དུ། དེ་བཞིན་གཤེགས་པ་ཡུན་རིང་དུ་བཞུགས་སུ་མི་གནང་ན་བདག་ཅིའི་སླད་དུ་མི་ངུ་ལགས། འཇིག་རྟེན་སྟོངས་ཀྱིས་མ་མཆིས་སོ། །དེ་ནས་བཅོམ་ལྡན་འདས་ཀྱིས་སྐུལ་བྱེད་ལ་འདི་སྐད་
D120.054.0027a04.01ཅེས་བཀའ་སྩལ་ཏོ། །ང་ནི་ཁྱོད་ལ་སྙིང་བརྩེ་བ་དང་། སེམས་ཅན་ཐམས་ཅད་ལ་སྙིང་བརྩེ་བའི་ཕྱིར་ཡོངས་སུ་མྱ་ངན་ལས་འདའ་བར་བྱེད་དེ། འདི་ནི་སངས་རྒྱས་རྣམས་ཀྱི་ཆོས་ཉིད་དང་འདུས་བྱས་ཀྱི་ཆོས་ཉིད་དོ། །འདུ་བྱེད་ཐམས་ཅད་མི་རྟག་གོ་ཞེས་བྱ་
D120.054.0027a05.01བའི་ཚིགས་སུ་བཅད་པ་ཁོང་དུ་ཆུད་པར་གྱིས་ཤིག །ཆོས་ཐམས་ཅད་ནི་འདུ་བྱེད་དང་འདྲེས་པའི་ཕྱིར་སྡུག་བསྔལ་བའོ་སྙམ་དུ་རྟོགས་ཤིག །ཆོས་ཐམས་ཅད་ནི་བདག་མེད་པའོ་སྙམ་དུ་དཔྱོད་ཅིག །མི་བརྟན་པ། བརྙན་མ། ཕྱིན་ཅི་ལོག་པའོ་སྙམ་དུ་སོམས་
D120.054.0027a06.01ཤིག །ལུས་འདི་ནི་ཉེས་དམིགས་མཐའ་ཡས་པ་དང་ལྡན་པའོ་སྙམ་དུ་ཤེས་པར་གྱིས་ཤིག །འདི་ནི་དབུ་བ་དང་འདྲ་བར་ལྟོས་ལ་མ་ངུ་ཤིག །ཡི་མ་ཆད་ཅིག །དེ་ནས་བཅོམ་ལྡན་འདས་ལ་སྐུལ་བྱེད་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་
D120.054.0027a07.01