完整藏文原文 · 德格版页 当前仅加载第 54 函德格 31b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་སྡུག་བསྔལ་རྙེད་པར་གྱུར་ལ། དེ་ནས་ངོ་ཚ་ཤེས་པའི་མི་དེ་དག་འབྲས་སྐྱེམས་ཀྱིས་ར་རོ་བ་ལས་སངས་པ་བཞིན་ཅིར་ཡང་མི་རུང་བར་ཤས་ཆེར་བསྒོམས་ནས་སྡུག་བསྔལ་ལས་ཡང་དག་པར་འདའ་བར་འགྱུར་ལགས་སོ། །གཞན་ཡང་ཨེ་རཎྜ་ལ་ནི་
D120.054.0031b01.01སྙིང་པོ་མཆིས་མི་སྲིད་པ་དེ་བཞིན་དུ་ལུས་འདི་ལ་ཡང་བདག་དང་། སེམས་ཅན་དང་། སྲོག་དང་། གང་ཟག་དང་། ཤེད་ལས་སྐྱེས་པ་དང་། ཤེད་བུ་དང་། བྱེད་པ་པོ་མཆིས་མི་སྲིད་དེ། དེ་ལྟ་བུར་བདག་ཅག་གིས་བདག་མ་མཆིས་པའི་འདུ་ཤེས་
D120.054.0031b02.01བསྒོམས་ཏེ་མང་དུ་བགྱིས་ལགས་སོ། །དཔེར་གསོལ་ན་ཕུབ་མ་སྐོན་པ་བྱེད་པ་སྙེད་བོར་བ་ནི་ཅིར་ཡང་མི་གཅེས་པ་དེ་བཞིན་དུ་ལུས་འདི་ལ་ཡང་བདག་མ་མཆིས་སོ། །དཔེར་གསོལ་ན་ཁ་སྲལ་གྱི་མེ་ཏོག་ལ་དྲི་བདའ་བ་མ་མཆིས་པ་དེ་བཞིན་དུ་ལུས་འདི་ལ་ཡང་
D120.054.0031b03.01བདག་མ་མཆིས་ཏེ། དེ་ལྟར་བདག་ཅག་གིས་བདག་མ་མཆིས་པའི་འདུ་ཤེས་བསྒོམས་ཏེ་མང་དུ་བགྱིས་ལགས་སོ། །བཅོམ་ལྡན་འདས་ཀྱིས་ཀྱང་དགེ་སློང་དག་ཆོས་ཐམས་ཅད་ནི་བདག་མེད་པ་སྟེ། དེ་ལྟར་སྒོམས་ཤིག་དང་། དེ་ལྟར་བསྒོམས་པ་རྣམས་
D120.054.0031b04.01ཀྱིས་བདག་ཏུ་འཛིན་པ་སྤང་བར་འགྱུར་རོ། །བདག་ཏུ་འཛིན་པ་ཡོངས་སུ་སྤངས་ན་མྱ་ངན་ལས་འདས་པ་ཐོབ་པར་འགྱུར་རོ་ཞེས་བཀའ་སྩལ་ཏེ། བཅོམ་ལྡན་འདས་དེ་ལྟར་ཆོས་ཐམས་ཅད་བདག་མ་མཆིས་པའི་སླད་དུ་བདག་མ་མཆིས་པའི་འདུ་ཤེས་བསྒོམས་ཏེ་མང་
D120.054.0031b05.01དུ་བགྱིས་ལགས་སོ། །གཞན་ཡང་ཇི་ལྟར་ནམ་མཁའ་ལ་བྱའི་རྗེས་གདའ་མི་སྲིད་པ་དེ་བཞིན་དུ་བདག་མ་མཆིས་པའི་འདུ་ཤེས་བསྒོམས་ན་ལྟ་བའི་རྣམ་པ་ཐམས་ཅད་དང་བྲལ་བར་འགྱུར་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། བསྒོམ་པ་དེ་ལྟར་
D120.054.0031b06.01བསྒོམ་པ་ཁྱོད་ཀྱིས་ཤེས་སམ། དགེ་སློང་རྣམས་ཀྱིས་གསོལ་པ། བཅོམ་ལྡན་འདས་སྡུག་བསྔལ་དང་། མི་རྟག་པ་དང་། བདག་མེད་པའི་འདུ་ཤེས་དེ་མ་ལགས་པ་བསྒོམས་ན་ནི་ཇི་ལྟར་མི་ར་རོ་ཞིང་འཁྱམ་པས་ལྷ་ཁང་དང་། སྤོ་དང་། ས་གཞི་དང་།
D120.054.0031b07.01