完整藏文原文 · 德格版页 当前仅加载第 54 函德格 85a 版页；藏文 NFD、目录标记与异常页序保留在来源切片中，重复版页行以稳定序号区分。
མའི་དུས་ན་གཞན་གྱིས་བརྙས་པར་འགྱུར་བ་དང་། མདོག་ངན་པར་འགྱུར་བ་དང་། མལ་ཆ་དང་། སྟན་དང་། ཁ་ཟས་ངན་པར་འགྱུར་བ་དང་། རྙེད་པ་མེད་པར་འགྱུར་བ་དང་། དབུལ་པོའི་རིགས་སུ་སྐྱེ་བ་དང་། ཕལ་པའི་རིགས་སུ་སྐྱེ་བ་དང་། ལོག་པར་ལྟ་
D120.054.0085a01.01བའི་རིགས་སུ་སྐྱེ་བ་དང་། རྒྱལ་པོ་འཁྲུག་པ་དང་། ཡུལ་འཁྲུག་པ་དང་། སྡུག་པའི་དངོས་པོ་འཁྲུག་པ་དང་། དགེ་བའི་བཤེས་གཉེན་མི་མཐོང་བ་དང་། གོས་དང་ཟས་དང་། མལ་ཆ་དང་། སྟན་དང་། ནད་གསོས་དང་། སྨན་ཟོང་མེད་པ་དང་། རྙེད་པ་ཆུང་བ་དང་། བཀྲེས་
D120.054.0085a02.01པ་དང་། སྐོམ་པས་ཉམ་ཆུང་བའི་གནོད་པ་དང་ལྡན་པ་དང་། སྐྱེ་བོ་ཕལ་པས་དགའ་བར་བྱ་བ་དང་། རྒྱལ་པོ་དང་། བློན་པོ་དང་། ཕོ་བྲང་འཁོར་གྱི་མི་རྣམས་ཀྱི་ཆོས་ཀྱི་གཏམ་མི་འཛིན་པ་དང་། ཆོས་སྨྲ་བའི་ཕྱོགས་མི་བྱེད་པ་དང་། བློན་པོ་དང་། སྡེ་དཔོན་
D120.054.0085a03.01གང་དག་ཕྱོགས་དང་། མགོན་བྱེད་དུ་རེ་བ་དེ་དག་ཀྱང་སུ་ཤི་གཏོལ་མེད་པར་འགྱུར་བ་དང་། དམ་པའི་ཆོས་ཀྱི་ཕྱོགས་མི་བྱེད་པ་དང་། བཟང་ན་ཡང་མི་མཛེས་པ་དང་། བལྟ་ན་སྡུག་ན་ཡང་བལྟ་ན་མི་སྡུག་པར་འགྱུར་ཏེ། དེ་ལྟར་ན་ངའི་ཉན་ཐོས་གང་དག་འཇིག་རྟེན་ན་མདོ་
D120.054.0085a04.01སྡེ་ཆེན་པོ་སྟོན་པ་རྣམས་ནི་དཀའ་བ་བྱེད་པ་ཡིན་ནོ། །རིགས་ཀྱི་བུ་དཔེར་ན་ལྷོ་བུར་ཤིན་ཏུ་སྟུག་པོ་ཡང་ཉི་མ་མ་ཤར་གྱི་བར་དུ་ནི་གནས་ལ་ཉི་མ་ཤར་མ་ཐག་ཏུ་ནི་མ་ལུས་པར་སངས་པར་འགྱུར་བ་དེ་བཞིན་དུ། རིགས་ཀྱི་བུ་སེམས་ཅན་དེ་དག་གི་སྡིག་པ་གྲངས་མེད་པ་ཡང་གང་གི་ཚེ་ཡོངས་སུ་
D120.054.0085a05.01མྱ་ངན་ལས་འདས་པ་ཆེན་པོའི་ཉི་མ་མ་ཤར་གྱི་བར་དུ་ནི་གནས་ལ། གང་གི་ཚེ་ཡོངས་སུ་མྱ་ངན་ལས་འདས་པ་ཆེན་པོའི་ཉི་མ་ཤར་བ་དེའི་ཚེ་ནི་སྡིག་པ་དེ་དག་མ་ལུས་པར་འབྱང་བར་འགྱུར་རོ། །རིགས་ཀྱི་བུ་གཞན་ཡང་དཔེར་ན་ལ་ལ་ཞིག་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་འདོད་
D120.054.0085a06.01ལ་ད་དུང་གཞོན་ནུའི་ཚུལ་ཁྲིམས་ཀྱང་མ་བླངས་པར་མི་ལ་ལ་ཞིག་གིས་དེ་བཞིན་གཤེགས་པ་ལ་སོགས་པ་དགེ་སློང་གི་དགེ་འདུན་མཆོད་སྟོན་གསོལ་པ་དེའི་ཚེ། ཁྱིམ་པ་དེ་ཡང་ཆོས་གོས་བགོས་ནས་དེ་བཞིན་གཤེགས་པའི་ཉན་ཐོས་རྣམས་དང་ཐབས་ཅིག་ཏུ་གྲོང་གི་ནང་དུ་སོང་སྟེ་
D120.054.0085a07.01