完整藏文原文 · 德格版页 当前仅加载第 54 函德格 114a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཡུལ་ཡིན་གྱི། ཉན་ཐོས་དང་རང་སངས་རྒྱས་ཀྱི་ཡུལ་མ་ཡིན་ནོ། །རིགས་ཀྱི་བུ་དེ་ལྟར་ན་ངའི་བསྟན་པ་ནི་མཁས་པས་རིག་པར་བྱ་བ་ཡིན་ཏེ། འཇིག་རྟེན་ཐམས་ཅད་དང་མི་འཐུན་ནོ། །གསོལ་པ། གལ་ཏེ་དེ་ལྟ་ལགས་ན་ཤའི་མིག་དང་
D120.054.0114a01.01ལྡན་པ་རྣམས་ཀྱིས་ཆ་ཕྲ་བ་ཇི་ལྟར་བལྟ་བར་བགྱི་བ་ལགས། བཀའ་སྩལ་པ། འདུ་ཤེས་མེད་འདུ་ཤེས་མེད་མིན་གྱི་ལྷ་རྣམས་ཀྱང་ཇི་ལྟར་བལྟ་བར་བྱ། འདི་ནི་སངས་རྒྱས་ཉིད་ཀྱི་ཡུལ་ཡིན་གྱི། ཉན་ཐོས་དང་། རང་སངས་རྒྱས་ཐམས་ཅད་ཀྱི་ཡུལ་མ་ཡིན་ཏེ།
D120.054.0114a02.01དེ་དག་གིས་ནི་མདོ་འདི་རྗེས་སུ་འཐུན་པ་ལས་ཡིད་ཆེས་པར་བྱའོ། །དེ་ལྟར་བྱས་དང་དེ་དག་ཀྱང་ཡང་དག་པའི་ལྟ་བ་ཅན་དུ་འགྱུར་རོ། །རིགས་ཀྱི་བུ་དེ་ལྟར་ན་ཉན་ཐོས་དང་། རང་སངས་རྒྱས་ཐམས་ཅད་ཀྱིས་ཀྱང་ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོ་
D120.054.0114a03.01འདིའི་ཚུལ་གྱིས་བདག་གི་ལུས་ལ་དེ་བཞིན་གཤེགས་པའི་སྙིང་པོ་ཡོད་པར་ཡིད་ཆེས་པར་བྱ་སྟེ། མདོ་སྡེ་དང་རྗེས་སུ་འཐུན་པར་བརྩོན་པར་བྱའོ། །དེ་བཞིན་གཤེགས་པའི་སྙིང་པོ་ནི་དེ་བཞིན་གཤེགས་པའི་ཡུལ་ཡིན་གྱི། ཉན་ཐོས་དང་རང་སངས་རྒྱས་
D120.054.0114a04.01ཀྱི་ཡུལ་མ་ཡིན་ནོ། །གསོལ་པ། བཅོམ་ལྡན་འདས་འཇིག་རྟེན་པ་རྣམས་ལ་ཡང་སེམས་ཅན་གྱི་ཁམས་གང་ཟག་གཞག་པ་མཆིས་ལགས་སོ། །བཀའ་སྩལ་པ། རིགས་ཀྱི་བུ་དཔེར་ན་མི་གཉིས་ཤིག་མཛའ་སྟེ། གཅིག་ནི་རྒྱལ་པོའི་བུ། གཅིག་ནི་དབུལ་
D120.054.0114a05.01པོ་ཞིག་ཡིན་ལ། དེ་གཉིས་ཕན་ཚུན་བྱམས་པས་གཅིག་གི་ཁྱིམ་དུ་གཅིག་འགྲོ་ཞིང་རྩེ་བར་བྱེད་ལ། དེ་ནས་མི་དབུལ་པོ་དེས་རྒྱལ་པོའི་བུ་དེའི་རལ་གྲི་དེ་ལ་མདོག་བཟང་པོ་དེ་མཐོང་བ་ལས་རྒྱལ་པོའི་བུ་དེས་རལ་གྲི་དེ་ཁྱེར་ནས་ཡུལ་གཞན་དུ་སོང་ངོ་། །དེ་ནས་མི་དབུལ་
D120.054.0114a06.01པོ་དེ་མཚན་མོ་མགོན་མེད་པའི་རྟེན་ཁང་ཞིག་ཏུ་ཉལ་བ་ལས་བརྡོལ་ཏེ། རལ་གྲི་རལ་གྲི་ཞེས་ཟེར་ནས་དེའི་ཚིག་གྲོང་སྲུངས་རྣམས་ཀྱིས་ཐོས་ནས་རྒྱལ་པོ་ལ་གསོལ་ཏེ། རྒྱལ་པོ་དེས་མི་དེ་བཀུག་ནས་ཀྭའི་རལ་གྲི་ཅི་འདྲ་བ་ཞིག་ག་ལས་འོངས་ཞེས་སྨྲས་པ་དང་། དེས་
D120.054.0114a07.01