完整藏文原文 · 德格版页 当前仅加载第 54 函德格 95a 版页；藏文 NFD、目录标记与异常页序保留在来源切片中，重复版页行以稳定序号区分。
སྟོན་ལ། འཇིག་རྟེན་ཐམས་ཅད་སྡུག་བསྔལ་ལས་བསྒྲལ་བའི་ཕྱིར་དེ་དང་དེར་གཤེགས་པ་ན་ཡང་པད་མ་ཆུས་མི་ཆགས་པ་བཞིན་དུ་ལྟ་བ་རྣམས་ཀྱིས་གོས་པར་མི་འགྱུར་བར་ཁོང་དུ་ཆུད་པ་སྟེ། འདི་ནི་འཇིག་རྟེན་ཐམས་ཅད་དང་འཐུན་པར་མཛད་པ་
D120.054.0095a01.01ཡིན་ནོ་ཞེས་ཟེར་བ་དེ་ལྟ་བུ་ནི་སངས་རྒྱས་ཀྱིས་གསུངས་པའི་མདོ་སྡེ་དང་འདུལ་བ་ཡིན་པར་རིག་པར་བྱའོ། །བདུད་ཀྱིས་སྨྲས་པའི་མདོ་སྡེ་དང་འདུལ་བ་ཚད་མར་བྱེད་པའི་སེམས་ཅན་གང་ཡིན་པ་དེ་དག་ནི་བདུད་དང་འཐུན་པར་བྱེད་པ་ཡིན་པར་རིག་པར་བྱའོ། །སངས་རྒྱས་ཀྱིས་
D120.054.0095a02.01གསུངས་པའི་མདོ་སྡེ་དང་འདུལ་བ་ཚད་མར་བྱེད་པ་གང་ཡིན་པ་དེ་དག་ནི་བྱང་ཆུབ་སེམས་དཔའ་ཡིན་པར་རིག་པར་བྱའོ། །འདི་ལྟར་ངེད་ཀྱི་འདུལ་བ་ལས་ནི་སྡིག་པ་དང་། ཉེས་བྱས་དང་། ཉེས་པ་ཡང་བ་དང་། ལྕི་བ་དང་། ཉེས་པ་སྦོམ་པོ་དག་རང་བཞིན་གྱིས་སྤང་བར་བྱ་བ་
D120.054.0095a03.01ཡིན་པའི་ཕྱིར་སྤང་བར་བཅོམ་ལྡན་འདས་ཀྱིས་གསུངས་ཏེ། དེ་ལྟ་བུ་ནི་ངེད་ཀྱི་འདུལ་བ་དང་འཐུན་པ་ཡིན་གྱི་ཁྱེད་ཀྱི་འདུལ་བ་དང་འཐུན་པ་མ་ཡིན་ན། ཅིའི་ཕྱིར་བདག་ཅག་ཉིད་ཀྱི་འདུལ་བ་ལས་འགལ་བར་བྱས་ཏེ། ཁྱེད་ཀྱི་འདུལ་བ་བླང་བར་བྱ། ཁྱེད་ཀྱི་འདུལ་བ་ནི་རང་བཟོ་བྱས་
D120.054.0095a04.01པ་ཡིན་ལ། ངེད་ཀྱི་འདུལ་བ་ནི་བཅོམ་ལྡན་འདས་ཀྱིས་གསུངས་པ་ཡིན་ནོ། །བཅོམ་ལྡན་འདས་ཀྱིས་ནི་གསུང་རབ་ཡན་ལག་དགུ་ལས་ཕྱག་རྒྱ་དགུ་མཛད་ཅེས་གྲགས་ཏེ། བཅོམ་ལྡན་འདས་ཀྱིས་ཕྱག་རྒྱ་དགུ་པོ་དེ་རྣམས་ཀྱིས་ཕྱག་རྒྱས་བཏབ་པོ། །བདག་ཅག་གིས་ནི་
D120.054.0095a05.01ཤིན་ཏུ་རྒྱས་པ་ཞེས་བྱ་བའི་སྒྲ་ཚིག་དང་། ཡི་གེ་དང་། ཐིག་ལེ་གཅིག་ཀྱང་སྔོན་མ་ཐོས་སོ། །བཅོམ་ལྡན་འདས་ཀྱིས་མདོ་སྡེ་དུ་ཞིག་གསུངས། མདོ་སྡེ་བཅུ་ཞིག་གསུངས་སམ། བདག་ཅག་གི་གསུང་རབ་ལ་ནི་ཤིན་ཏུ་རྒྱས་པ་ཞེས་བྱ་བའི་སྒྲ་ཡང་མེད་དོ། །འདི་
D120.054.0095a06.01དག་ནི་མ་ལུས་པར་ལྷས་བྱིན་གྱིས་བྱས་པ་ཡིན་ཏེ། དོན་ཐམས་ཅད་མ་རུངས་པར་བྱས་ནས་རྩོད་པར་བྱེད་དེ། ཤིན་ཏུ་རྒྱས་པ་ནི་རང་གིས་རང་བཟོར་བྱས་པས་མི་བཙན་གྱི་ངེད་ཀྱི་འདུལ་བ་ནི་དམ་པ་ཡིན་ནོ། །ངེད་ཀྱི་ནི་འདི་ལྟ་བུ་ཡིན་ནོ། །ངེད་ཀྱི་ནི་འདི་ལྟ་བུ་ཡིན་ནོ་
D120.054.0095a07.01