完整藏文原文 · 德格版页 当前仅加载第 54 函德格 144b 版页；藏文 NFD、目录标记与异常页序保留在来源切片中，重复版页行以稳定序号区分。
ཤིང་། ཀྱེ་མ་བདག་ཅག་ནི་ཕམ་པ་བྱུང་བ་ཡིན་ཏེ། བདག་ཅག་གི་ཉེས་པ་བྱས་སོ་སྙམ་ནས་འཇིགས་པར་ལྟ་ལ། དེ་དག་དམ་པའི་ཆོས་དབྱུང་བར་བྱའོ་སྙམ་ནས་ཉམས་སུ་ལེན་པར་བྱེད་ཅིང་དམ་པའི་ཆོས་ཀྱི་ཕྱོགས་འཛིན་པ་རྣམས་ཀྱི་བསྔགས་པ་བརྗོད་པར་བྱའོ། །ཆོས་མ་ཡིན་
D120.054.0144b01.01པའི་ཕྱོགས་རྣམས་ནི་ཚར་གཅད་པར་བྱའོ། །མཚུངས་པ་མེད་པའི་མདོ་སྡེ་རྣམས་ནི་གདོན་པར་བྱའོ་སྙམ་དུ་བརྩོན་པར་བྱེད་པ་གང་ཡིན་པ་དེ་དག་ཚུལ་ཁྲིམས་འཆལ་པ་ཡིན་ནོ་ཞེས་ང་མི་ཟེར་རོ། །དེ་ཅིའི་ཕྱིར་ཞེ་ན། རིགས་ཀྱི་བུ་དཔེར་ན་ཉི་མ་ཤར་ན་ལྷོ་བུར་གྱི་རྡུལ་སངས་པར་འགྱུར་བ་
D120.054.0144b02.01དེ་བཞིན་དུ་མདོ་སྡེ་ཆེན་པོའི་ཉི་མ་འདི་ཤར་བ་ན་དེ་ལྟར་སྒོམ་བྱེད་པའི་སེམས་ཅན་རྣམས་ཀྱི་སྡིག་པའི་ཕུང་པོ་གྲངས་མེད་པ་བྱས་པ་རྣམས་ཟད་པར་འགྱུར་ཏེ། དེ་ལྟར་ན་དམ་པའི་ཆོས་འབྱིན་པ་ནི་འབྲས་བུ་ཆེ་བ་ཡིན་ནོ། །མཚམས་མེད་པ་བྱེད་བྱེད་པ་རྣམས་དང་། མདོ་སྡེ་སྤོང་བ་གང་ཡིན་པ་དེ་
D120.054.0144b03.01དག་གལ་ཏེ་ཀྱེ་མ་བདག་ཅག་གིས་མདོ་སྡེ་སྤང་བ་བྱས་པ་འདི་ནི་བདག་ཅག་བརླག་པར་འགྱུར་བ་ཡིན་ཏེ་ཉེས་པ་བྱས་སོ་སྙམ་དུ་འགྱོད་ཅིང་གདུང་བར་གྱུར་ནས། བདག་ཅག་གི་སྐྱབས་ནི་མདོ་སྡེ་འདི་ཉིད་ཡིན་ཏེ། འཁྲ་ས་གཞན་མ་མཐོང་ངོ་སྙམ་དུ་སེམས་བསྐྱེད་པར་བྱེད་ན། དེ་དག་ནི་ཟླ་བ་ཕྱེད་
D120.054.0144b04.01དམ། ཟླ་བ་གཅིག་གམ། དུས་ཇི་སྲིད་ཀྱི་བར་དུ་མདོ་སྡེ་ལ་སྐྱབས་སུ་མ་སོང་བའི་བར་དུ་ནི་དེ་དག་ལ་བྱིན་པ་འབྲས་བུ་ཆུང་བར་འགྱུར་རོ། །གང་གི་ཚེ་མདོ་སྡེ་ལ་སྐྱབས་སུ་སོང་བ་དེའི་ཚེ་ནི་དེ་དག་ཀྱང་ཡོན་གནས་སུ་འགྱུར་རོ། །གལ་ཏེ་མཚམས་མེད་པ་བྱེད་བྱེད་པ་ཡང་འགྱོད་དེ། ཀྱེ་མ་
D120.054.0144b05.01བདག་གིས་མི་རིགས་པ་བྱས་ཀྱིས་བདག་གིས་དམ་པའི་ཆོས་དབྱུང་བར་བྱའོ་སྙམ་དུ་སེམས་ན་དེ་ཡང་མཚམས་མེད་པ་བྱེད་བྱེད་པ་མ་ཡིན་པར་རིག་པར་བྱ་སྟེ་དེ་ལ་ནི་ཆུང་ངུ་ཞིག་བྱིན་ན་ཡང་འབྲས་བུ་ཡོད་དོ། །མཆོག་ཏུ་ཚུལ་ཁྲིམས་འཆལ་པ་ཅིག་ཤོས་དེ་དག་ལ་བྱིན་པ་ནི་འབྲས་བུ་{ཆུང་ཟད་,ཅུང་ཟད་}ཀྱང་
D120.054.0144b06.01མེད་དོ། །རིགས་ཀྱི་བུ་གཞན་ཡང་ཕམ་པ་བྱེད་བྱེད་པས་ཇི་ལྟར་བྱ་བ་ཉོན་ཅིག །ཕམ་པ་བྱེད་བྱེད་པས་ནི་ཆོས་ཀྱི་དེ་ཁོ་ན་ཉིད་དེ་བཞིན་གཤེགས་པའི་སྙིང་པོ་ཁོང་དུ་ཆུད་པར་བྱས་ནས་དམ་པའི་ཆོས་དབྱུང་བར་བྱའོ་སྙམ་དུ་བསམས་ན་དེ་ལ་བྱིན་པ་ཡང་ཆེས་ཁྱད་པར་ཅན་དུ་འགྱུར་རོ། །རིགས་ཀྱི་བུ་དཔེར་ན་བུད་
D120.054.0144b07.01