完整藏文原文 · 德格版页 当前仅加载第 54 函德格 132a 版页；藏文 NFD、目录标记与异常页序保留在来源切片中，重复版页行以稳定序号区分。
པ་བྱེད་བྱེད་པ་རྣམས་དང་། མཚམས་མེད་པ་བྱེད་བྱེད་པ་རྣམས་འཆི་བའི་ཚེ་དྲན་པ་མ་བརྗེད་པའི་འབྲས་བུས་ལྷའི་འཇིག་རྟེན་དུ་སྐྱེ་བར་འགྱུར་ཏེ། དེ་ནས་ཕམ་པ་བྱེད་བྱེད་པ་དང་། མཚམས་མེད་པ་བྱེད་བྱེད་པ་ཡང་དྲན་པ་མ་བརྗེད་པའི་འབྲས་བུས་སེམས་ཅན་དམྱལ་
D120.054.0132a01.01བའམ། མིའི་འཇིག་རྟེན་དུ་བྱང་ཆུབ་ཀྱི་རྒྱུར་འགྱུར་ཏེ། འདོད་ཆེན་པ་ནི་མ་གཏོགས་སོ། །དཔེར་ན་སྨན་པའམ། སྨན་པའི་བུ་རྒྱུད་ཕྱི་མ་ཤེས་པས་སྦྲུལ་གདུག་པ་དང་། མི་གདུག་པ་དང་། ཀླུ་བྱ་གག་ཅེས་བྱ་བ་ལ་སོགས་པ་སྨན་གནོད་སེལ་དང་། རིག་སྔགས་ཀྱི་མཐུས་
D120.054.0132a02.01རང་གི་ལམ་ལ་དབང་བྱ་བ་བཞིན་དུ་བཏུལ་ནས་དུག་མེད་པར་བྱེད་དེ། ཀླུ་ཤིན་ཏུ་དྲག་པོ་ནི་མ་གཏོགས་སོ། །དེ་བཞིན་དུ་མདོ་སྡེ་ཆེན་པོ་སྨན་གནོད་སེལ་དང་འདྲ་བ་འདིས་ཀྱང་ཕམ་པ་བྱེད་པ་རྣམས་དང་། མཚམས་མེད་པའི་ལས་བྱེད་པའི་སྡིག་ཅན་གྱི་ཀླུ་མཆོག་ཏུ་
D120.054.0132a03.01དྲག་པོ་སེམས་བསྐྱེད་མི་དགོས་པར་འཛིན་པ་རྣམས་བཏུལ་ནས་བྱང་ཆུབ་ཀྱི་གནས་ཆེན་པོར་འགོད་པར་བྱེད་དེ། དེ་བས་ན་སེམས་ཅན་ཐམས་ཅད་ཀྱི་བདེ་བ་བསྐྱེད་པའི་ཕྱིར་ཡོངས་སུ་མྱ་ངན་ལས་འདས་པ་ཆེན་པོའི་མིང་སྨན་གནོད་སེལ་ཆེན་པོ་ཡོན་ཏན་གྱི་ཚུལ་ཅན་
D120.054.0132a04.01ཞེས་བྱ་སྟེ། འདོད་ཆེན་པའི་ཀླུ་དྲག་པོ་མི་བཟད་པ་ནི་མ་གཏོགས་སོ། །དཔེར་ན་སྨན་པས་དུག་སྨན་ཟུག་རྔུ་འབྱིན་པའི་སྨན་གྱི་རྒྱལ་པོ་བསྒྲུབས་ཏེ། དེས་རྔ་བོ་ཆེ་ལ་བསྐུས་ནས་ཕོ་བྲང་འཁོར་དུ་རྔ་དེ་བརྡུངས་ན་སྒྲ་དེའི་མཐུས་སྐྱེ་བོ་ཇི་སྙེད་ཀྱིས་སྒྲ་ཐོས་པ་དེ་དག་གི་ཟུག་རྔུ་
D120.054.0132a05.01ཐམས་ཅད་དབྱུང་བར་འགྱུར་ཏེ། དེ་ཉིད་ན་འཆི་བའི་དུས་ལ་ཉེ་བ་རྣམས་ཀྱིས་ནི་འབྱུང་བར་མི་འགྱུར་རོ། །དེ་ཅིའི་ཕྱིར་ཞེ་ན། དེ་དག་གི་ལས་ཀྱི་རྣམ་པར་སྨིན་པ་མི་བཟད་པ་ཡོད་པའི་ཕྱིར་རོ། །དེ་བཞིན་དུ་ཡོངས་སུ་མྱ་ངན་ལས་འདས་པ་ཆེན་པོའི་མདོ་ཆེན་པོའི་
D120.054.0132a06.01སྒྲ་གང་དུ་ཐོས་ཀྱང་རུང་སྟེ། འདུ་བྱེད་ཀྱི་ཕོ་བྲང་འཁོར་ན་གནས་པའི་སེམས་ཅན་ཐམས་ཅད་ཀྱི་འདོད་ཆགས་དང་། ཞེ་སྡང་དང་། གཏི་མུག་གི་ཟུག་རྔུ་རྣམས་འབྱིན་པར་བྱེད་ལ་འདུ་བྱེད་པ་མེད་པར་ཡང་བྱེད་དོ། །ཕོ་བྲང་འཁོར་ན་གནས་པ་དེ་དག་གི་ཡིད་ལ་འདི་
D120.054.0132a07.01