完整藏文原文 · 德格版页 当前仅加载第 54 函德格 5b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པ་བརྗོད་ཅིང་གདུང་གདུང་སྐད་དུ་དབྱངས་ལེན་ཏོ། །གར་ཐབས་ཀྱི་སིལ་སྙན་རེ་རེའི་མདུན་དུ་ཡང་མེ་ཏོག་དྲི་ཞིམ་པོ་སྣ་ཚོགས་རྣམ་པར་འཚེར་བ་རྣམས་ཀྱི་ཕྱེ་མས་རིན་པོ་ཆེའི་སྐོན་བུ་ལེགས་པར་བཅོས་པ་གཞོན་ཤ་ཅན་དག་གིས་བཀང་བ་ཤ་སྟག་དང་། དེ་མ་
D120.054.0005b01.01ཡིན་པའི་སྐོན་བུ་མང་པོ་བལྟ་ན་སྡུག་པ། གུར་གུམ་གྱི་ཕྱེ་མས་བཀང་བ་མང་པོ་ཤ་སྟག་ཐོགས་སོ། །དེ་དག་གི་མདུན་དུ་ཡང་བཅོམ་ལྡན་འདས་དགེ་སློང་གི་དགེ་འདུན་གྱི་འཁོར་དང་བཅས་པ་ཁྱབ་པར་འགྱུར་བའི་ཞལ་ཟས་དག་ཁྱེར་ཞིང་འདོང་ངོ་། །ཞལ་ཟས་དེ་
D120.054.0005b02.01དག་ཀྱང་བུད་ཤིང་ཙན་དན་དམར་པོ་དང་། ཨ་ག་རུ་དང་། ཐང་ཤིང་གི་མེ་ཆུང་ངུས་བཙོས་པ་དང་། གང་གཱའི་ཀླུང་གི་ཆུས་བཙོས་པ་ཤ་སྟག་སྟེ། སྐྱུར་བ་དང་། ལན་ཚྭའི་རོ་དང་། མངར་བ་དང་། བསྐ་བ་དང་། ཚ་བ་དང་། ཁ་བའི་རོ་དང་ལྡན་པ། མདངས་སྐྱེད་པ། ཕན་
D120.054.0005b03.01པར་འགྱུར་བ་ཤ་སྟག་གོ། །སཱ་ལ་ཟུང་གི་དྲུང་གི་ཉེན་ཀོར་ཐམས་ཅད་ཀྱང་གསེར་གྱི་བྱེ་མ་འཇམ་པོས་བདལ་ཏེ། ག་པུ་ཤའི་རས་དང་། སྣམ་བུ་དང་། བཙོས་སྣམ་དང་། དྲེའུ་རྔོག་དང་། ཀ་ལིང་ཀའི་རས་དང་། ཟབ་དར་འཇམ་ཞིང་མདོག་དཀར་བ་རྣམས་ཀྱང་བཏིང་ངོ་། །
D120.054.0005b04.01གྲུབ་པའི་གནས་དེའི་གཞི་དཔག་ཚད་སུམ་ཅུ་རྩ་གཉིས་ཁོ་ར་ཁོར་ཡུག་ཀྱང་གུར་གུམ་གྱིས་བྱུགས་སོ། །བཅོམ་ལྡན་འདས་དགེ་སློང་གི་དགེ་འདུན་དང་བཅས་པའི་སེང་གེའི་ཁྲི་ཆེན་པོ་གསེར་ལས་བྱས་པ། རིན་པོ་ཆེ་སྣ་བདུན་གྱིས་སྤྲས་ཤིང་སྣང་བར་བྱས་པ། རི་རབ་ལྟར་
D120.054.0005b05.01ཆེ་ཞིང་འཕང་མཐོ་བ་དག་ཀྱང་བཤམས་སོ། །གཡོགས་མ་ཡང་དེ་དག་གི་རྐྱེན་དུ་འཚམ་པ་ཤ་སྟག་གིས་གཡོགས་ཏེ། གསེར་གྱི་དྲིལ་བུ་གཡེར་ཀ་སྒྲ་སི་ལི་ལི་དང་། ཁྲོལ་ཤང་གི་སྒྲ་འབྱུང་བའི་དྲ་བ་ཅན་གྱི་ཡོལ་བ་རྣམས་ཀྱིས་ནི་བསྐོར། རྒྱ་དར་སྤུ་སྡུག་ཡུག་ཁྱིམ་ཆེན་
D120.054.0005b06.01པོའི་བླ་རེ་རྣམས་ནི་བྲེས། གདུགས་དཀར་པོ་རྣམས་ཀྱིས་ནི་ཉི་མཚན་བསྒྲིབས། རྔ་ཡབ་དཀར་པོ་རྣམས་ཀྱིས་ནི་གཡབས། རྒྱབ་རྟེན་གླང་པོ་ཆེའི་མཆེ་བ་ལ་ཆུ་སྲིན་མ་ཀ་ར་རྟེན་པའི་ཁ་ནས། ཟླ་བ་ཉ་བའི་འོད་ཟེར་ལྟར་དཀར་བའི་མུ་ཏིག་གི་ཆུན་པོ་འབྱུང་ཞིང་སྤྱངས་པ་དང་ལྡན་པ་
D120.054.0005b07.01