完整藏文原文 · 德格版页 当前仅加载第 54 函德格 72a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཅན་ཞེས་བྱ་བ་ནི་ཇི་ལྟར་འཁོར་ལོས་སྒྱུར་བའི་རྒྱལ་པོའི་ཁར་བ་རིན་པོ་ཆེའི་གཟི་བརྗིད་ཀྱིས་སྲོག་ཆགས་གདུག་པ་སྦུར་བུ་དང་། སྦྲུལ་དང་། ཀ་ན་བྷ་དང་། སྡོམ་ལ་སོགས་པའི་རིགས་དགུ་བཅུ་རྩ་དྲུག་པོ་རྣམས་ཀྱིས་ཐག་རིང་པོ་ནས་དེའི་དྲི་ཚོར་བ་ཙམ་གྱིས་
D120.054.0072a01.01ཁར་བ་རིན་པོ་ཆེའི་རང་བཞིན་གྱི་དྲིས་སྐྲག་ནས་དུག་མེད་པར་འགྱུར་བ་དེ་བཞིན་དུ་ཐར་པ་ནི་རང་བཞིན་གྱིས་སྲིད་པའི་ཉེས་པ་ཉི་ཤུ་རྩ་ལྔ་དང་བྲལ་བ་ཡིན་ཏེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །ཉེན་མེད་པ་ཉེན་མེད་པ་ཞེས་བྱ་བ་ལ་ཐར་པ་ནི་ཨེ་ལ་སྔོན་པོ་དང་ལྗང་གུའི་
D120.054.0072a02.01ཁ་དོག་ལྟ་བུ་མ་ཡིན་ནོ། །ཉེན་མེད་པ་ཞེས་བྱ་བ་ནི་ཇི་ལྟར་ནམ་མཁའ་ལ་ཉེན་མེད་པ་བཞིན་དུ་ཐར་པ་ཡང་དེ་དང་འདྲ་སྟེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །ཉེན་མེད་པའི་ཆོས་ཅན་ཉེན་མེད་པའི་ཆོས་ཅན་ཞེས་བྱ་བ་ནི་ཇི་ལྟར་རྟེན་ལ་མར་མེ་ཉེན་དུ་གྱུར་པ་བཞིན་དུ་ཐར་པ་ནི་དེ་ལྟ་
D120.054.0072a03.01མ་ཡིན་ཏེ། ཉེན་མེད་པའི་ཆོས་ཅན་ཞེས་བྱ་བ་ནི་ཇི་ལྟར་ཟླ་བའི་འོད་སེམས་ཅན་ཐམས་ཅད་ལ་ཉེན་མེད་པ་བཞིན་དུ་ཐར་པ་ཡང་དེ་དང་འདྲ་སྟེ། སེམས་ཅན་ཐམས་ཅད་ལ་ཉེན་མེད་པའི་ཚུལ་ཅན་ཡིན་ནོ། །དེ་བས་ན་ཉེན་མེད་པ་ནི་ཐར་པའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་
D120.054.0072a04.01པའོ། །ཅི་ཡང་མེད་པ་ཅི་ཡང་མེད་པ་ཞེས་བྱ་བ་ནི་ཇི་ལྟར་མི་མཛའ་བོ་དང་དགྲ་བཞིན་དུ་ཐར་པ་ནི་དེ་ལྟ་མ་ཡིན་ཏེ། ཅི་ཡང་མེད་པ་ཞེས་བྱ་བ་ནི་ཇི་ལྟར་འཁོར་ལོས་སྒྱུར་བའི་རྒྱལ་པོ་ལ་དགྲ་ཡོད་ཅེས་བྱ་བ་ནི་མི་སྲིད་དེ་ཐར་པ་ཡང་དེ་དང་འདྲའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་
D120.054.0072a05.01པའོ། །ཅི་ཡང་མེད་པ་ཞེས་བྱ་བ་ནི་ཇི་ལྟར་རས་དཀར་པོ་དགོས་པ་འགའི་ཕྱིར་བསྒྱུར་ན་སྔོན་པོ་དང་དམར་པོར་འགྱུར་བ་བཞིན་དུ་ཐར་པ་ནི་དེ་ལྟ་མ་ཡིན་ནོ། །ཅི་ཡང་མེད་པ་ཞེས་བྱ་བ་ནི་ཇི་ལྟར་ཀླུ་ཤིང་གི་མེ་ཏོག་དྲི་ང་བར་འགྱུར་བའམ་སྔོན་པོར་འགྱུར་མི་སྲིད་པ་བཞིན་དུ་ཐར་པ་ཡང་དེ་དང་
D120.054.0072a06.01འདྲ་སྟེ། ཅུང་ཟད་ཅིག་ཡོད་དོ་ཞེས་བྱ་བ་མི་སྲིད་དེ་མེ་ཏོག་དེའི་དྲི་གཅིག་པུ་ཁོ་ནར་ཟད་པ་བཞིན་ནོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །ངོ་མཚར་ངོ་མཚར་ཞེས་བྱ་བ་ནི་ཇི་ལྟར་ཆུའི་ནང་ན་པད་མ་ཡོད་པ་ངོ་མཚར་མི་ཆེ་བ་བཞིན་དུ་ཐར་པ་ནི་དེ་ལྟ་མ་ཡིན་ཏེ། ངོ་
D120.054.0072a07.01