完整藏文原文 · 德格版页 当前仅加载第 54 函德格 92a 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ། འདི་ནི་དོན་མེད་པ་ཞེས་བྱའོ། །འདི་ནི་ཡི་གེ་ཞེས་བྱའོ། །དེ་བས་ན་དགེ་སློང་དག་ཁྱེད་ཀྱི་རྟེན་ནི་དོན་ཡིན་གྱི་ཡི་གེ་མ་ཡིན་ནོ་ཞེས་གསུངས་སོ། །དོན་གྱི་ཕྱོགས་ནི་ཐེག་པ་ཆེན་པོ་པ་རྣམས་ཡིན་ཏེ། དེ་བས་ན་ཐེག་པ་ཆེན་པོ་པ་རྣམས་ཚད་མ་
D120.054.0092a01.01ཡིན་གྱི་འདི་ལས་ཕྱི་རོལ་པ་ཡི་གེ་ལ་རྟེན་པ་རྣམས་ནི་དེ་ལྟ་མ་ཡིན་ཏེ། དེ་བས་ན་དེ་དག་ནི་རྟེན་མ་ཡིན་མོད་ཀྱི། ཤའི་མིག་དང་ལྡན་པ་རྣམས་ཀྱི་ཕྱིར་བཞག་པ་ཡིན་ནོ། །གསོལ་པ། སྔར་བཀའ་སྩལ་པའི་གང་ཟག་བཞི་པོ་རྣམས་རྟེན་དུ་གྱུར་པ་ཞེས་བགྱི་ལགས་
D120.054.0092a02.01སམ། བཀའ་སྩལ་པ། རིགས་ཀྱི་བུ་དེ་ནི་དེ་བཞིན་ཏེ། བཞི་པོ་རྣམས་རྟེན་ཡིན་པར་རིག་པར་བྱའོ། །དེ་མ་ཡིན་པ་བཞི་པོ་རྣམས་ནི་བདུད་ཡིན་ནོ་ཞེས་ང་ཟེར་རོ། །གསོལ་པ། ཅིའི་སླད་དུ་དེ་ལྟ་ལགས། བཀའ་སྩལ་པ། དེ་དག་ནི་བདུད་ཀྱིས་སྨྲས་པའི་
D120.054.0092a03.01མདོ་སྡེ་འཛིན་པའི་ཕྱིར་རོ། །གསོལ་པ་དེ་ཇི་ལྟ་བུ་ལགས། བཀའ་སྩལ་པ། ཇི་ལྟར་བདུད་བཞི་དེ་བཞིན་གཤེགས་པ་ལ་བདོ་ཞིང་འདི་ནི་བདུད་ཀྱིས་སྨྲས་པ་ཡིན་གྱི། སངས་རྒྱས་ཀྱིས་གསུངས་པ་མ་ཡིན་ནོ། །སེམས་ཅན་འདི་དག་ནི་བདུད་དང་འཐུན་པར་བྱེད་
D120.054.0092a04.01པ་ཡིན་གྱི། སངས་རྒྱས་དང་འཐུན་པར་བྱེད་པ་མ་ཡིན་ནོ་ཞེས་ཟེར་བ་ལྟ་བུའོ། །གསོལ་པ། བཅོམ་ལྡན་འདས་བདག་ནི་བདུད་ཀྱིས་སྨྲས་པ་དང་སངས་རྒྱས་ཀྱིས་གསུངས་པ་ཁོང་དུ་ཆུད་པར་འཚལ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་
D120.054.0092a05.01བུ་བདུད་སྡིག་ཅན་གྱིས་ནི་ང་འདས་པའི་འོག་ཏུ་ལོ་བདུན་བརྒྱ་ལོན་པ་ན་ངའི་བསྟན་པ་ཕྱེ་ཞིང་ཕྱེ་ཞིང་བཤིག་པར་འགྱུར་ཏེ། དམ་པའི་ཆོས་ནུབ་པའི་ཚེ་བདུད་སྡིག་ཅན་ཟག་པ་ཅན་གྱིས་ཟག་པ་མེད་པ་ལྟ་བུར་བསྒྱུར་ཏེ། བྱ་བའི་རྟགས་ཀྱི་ཚུལ་སྦེད་པ་བཞིན་དུ་དགེ་སློང་གི་
D120.054.0092a06.01གཟུགས་དང་། དགེ་སློང་མའི་གཟུགས་དང་། དགེ་བསྙེན་གྱི་གཟུགས་དང་། དགེ་བསྙེན་མའི་གཟུགས་དང་། རྒྱུན་དུ་ཞུགས་པ་དང་། ལན་ཅིག་ཕྱིར་འོང་བ་དང་། ཕྱིར་མི་འོང་བ་དང་། དགྲ་བཅོམ་པ་དང་། རང་སངས་རྒྱས་ཀྱི་གཟུགས་
D120.054.0092a07.01