完整藏文原文 · 德格版页 当前仅加载第 54 函德格 14b 版页；藏文 NFD、目录标记与异常页序保留在来源切片中，重复版页行以稳定序号区分。
མཐའ་ཡས་པ་རྣམས་དང་། མཛེས་སྡུག་རྣམས་དང་། མཛེས་སྡུག་ཆེན་པོ་རྣམས་དང་། དགའ་བྱེད་རྣམས་དང་། དགའ་བྱེད་ཆེན་པོ་རྣམས་དང་། དྲི་མཆོག་རྣམས་དང་། དྲི་མཆོག་ཆེན་པོ་རྣམས་དང་། སྤོས་ཀྱི་ངད་ལྡང་རྣམས་དང་། སྤོས་
D120.054.0014b01.01ཀྱི་ངད་ལྡང་ཆེན་པོ་རྣམས་དང་། ཀུན་ཏུ་ངད་ལྡང་རྣམས་དང་། ཀུན་ཏུ་ངད་ལྡང་ཆེན་པོ་རྣམས་དང་། མཐའ་ཡས་ངད་ལྡང་རྣམས་དང་། མཐའ་ཡས་ངད་ལྡང་ཆེན་པོ་རྣམས་དང་། ལྷ་རྫས་ཀྱི་འདབ་མ་རྣམས་དང་། ཀླུང་གི་མེ་ཏོག་རྣམས་དང་། ཡོངས་འདུ་
D120.054.0014b02.01ས་བརྟོལ་རྣམས་དང་། དེ་ལྟ་བུ་གཞན་དག་ཀྱང་ཁྱེར་ནས། བཅོམ་ལྡན་འདས་ག་ལ་བ་དེར་དོང་སྟེ། ཉི་མའི་གཟི་བྱིན་གྱིས་སྲིན་བུ་མེ་ཁྱེར་གྱི་འོད་ཟིལ་གྱིས་མནན་པ་བཞིན་དུ་རང་རང་གི་གཟི་བྱིན་གྱིས་ཐམས་ཅད་ཀྱི་འོད་ཟིལ་གྱིས་མནན་ཏེ། ཞལ་ཟས་མ་བཞེས་
D120.054.0014b03.01ནས་ཕྱོགས་གཅིག་ཏུ་འཁོད་དོ། །གཞན་ཡང་དེའི་ཚེ་ལྷའི་དབང་པོ་བརྒྱ་བྱིན་སུམ་ཅུ་རྩ་གསུམ་པའི་ལྷ་རྣམས་ཀྱི་འཁོར་དང་བཅས་པས། མཆོད་པ་སྔ་མ་དེའི་ཉིས་འགྱུར་དེའི་རྐྱེན་དུ་འཚམ་པ་དེ་ན་ཡོད་པའི་མེ་ཏོག་གི་སྣ་གྲངས་དུ་མ་ཡིད་དུ་འོང་བ་རྣམས་དང་། ཡིད་
D120.054.0014b04.01དུ་འོང་བ་ཆེན་པོ་རྣམས་དང་། དྲི་བསུང་ཞིམ་པོ་རྣམས་ཁྱེར་རོ། །ཁང་{བཟངས་,བཟང་}ཆེན་པོ་རྡོ་ཐལ་གྱི་མདོག་ལྟར་དཀར་བ། ཐེམ་སྐས་ཀྱི་རིམ་པ་དང་ལྡན་པ། སྐར་ཁུང་གི་ཕྲེང་བ་དུ་མ་ཕུག་རོན་ཤུག་རྩེ་བ་དང་ལྡན་པ་དག་ཀྱང་སྤྲུལ་ནས། བཅོམ་ལྡན་འདས་ག་ལ་བ་
D120.054.0014b05.01དེར་དོང་སྟེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་ནི་ཐེག་པ་ཆེན་པོའི་མདོའི་སྡེ་ཚན་སྲུང་བ་
D120.054.0014b06.01ལགས་ན། བདག་ཅག་ལ་ཐུགས་བརྩེ་བའི་སླད་དུ་བདག་ཅག་གིས་ཕུལ་བའི་ཞལ་ཟས་བཞེས་སུ་གསོལ། དེ་སྐད་ཅེས་གསོལ་ཀྱང་ཞལ་ཟས་མ་བཞེས་ནས་ཕྱོགས་གཅིག་ཏུ་འཁོད་དོ།། །།བམ་པོ་གཉིས་པ།
D120.054.0014b07.01