完整藏文原文 · 德格版页 当前仅加载第 54 函德格 123b 版页；藏文 NFD、目录标记与异常页序保留在来源切片中，重复版页行以稳定序号区分。
ཞིག་ཡིན་ཞིག་གུ་སྙམ་དུ་རྟོག་གོ། །དེ་ལ་བྱིས་པ་ཁ་ཅིག་གིས་ནི་ཟླ་བ་ཆུ་ར་ཙམ་དུ་འཛིན་ཏོ། །བར་མ་རྣམས་ཀྱིས་ནི་ཤིང་རྟའི་འཕང་ལོའི་ཚད་ཙམ་དུ་འཛིན་ཏོ། །རབ་རྣམས་ཀྱིས་ནི་ཟླ་བ་དཔག་ཚད་ལྔ་བཅུ་པ་ཙམ་ལ་ཟླུམ་པོ་ཡིན་པར་ཤེས་སོ། །དུད་འགྲོ་རྣམས་
D120.054.0123b01.01ཀྱིས་ནི་ཟླ་བ་སྲིན་བུ་མེ་ཁྱེར་ཙམ་དུ་མཐོང་སྟེ། སྐྱེ་གནས་ཐམས་ཅད་དང་ལྡན་པའི་དུད་འགྲོ་རྣམས་ཀྱིས་ཟླ་བ་ལ་རང་རང་གི་རྣམ་པར་ཤེས་པས་བརྟགས་ནས་སོ་སོར་མཐོང་ངོ་། །དེ་བཞིན་དུ་དེ་བཞིན་གཤེགས་པ་ཡང་འཇིག་རྟེན་དུ་བྱུང་ན་ཐམས་ཅད་དུ་སྣང་སྟེ། སེམས་
D120.054.0123b02.01ཅན་ཁ་ཅིག་གིས་དེ་བཞིན་གཤེགས་པ་ཟླ་བ་དང་འདྲ་བར་འཛིན་ཏེ། བདག་ལ་ཐུགས་བརྩེ་བའི་ཕྱིར་བདག་གི་ཁྱིམ་གྱི་ཕུགས་ན་བཞུགས་སོ་སྙམ་མོ། །དུད་འགྲོ་རྣམས་ཀྱིས་ནི་རང་རང་གི་སྐྱེ་གནས་ཀྱི་ལུས་ལྟ་བུར་མཐོང་ངོ་། །སེམས་ཅན་ལྐུགས་པ་རྣམས་ཀྱིས་ནི་དེ་
D120.054.0123b03.01བཞིན་གཤེགས་པ་ལྐུགས་པར་མཐོང་ངོ་། །འོན་པ་དང་ལག་རྡུམ་རྣམས་ཀྱིས་ཀྱང་བདག་ཉིད་དང་འདྲ་བར་མཐོང་ངོ་། །སྐད་དང་། འདུ་ཤེས་དང་། ཡི་གེ་ཐ་དད་པ་རྣམས་ཀྱིས་ཀྱང་བདག་ཅག་དང་འདྲའོ་སྙམ་དུ་འཛིན་ཏེ་བདག་གི་སྐད་དུ་སྨྲའོ། །བདག་གི་འདུ་ཤེས་དང་
D120.054.0123b04.01འཐུན་ནོ། །བདག་གི་ཁ་ཟས་ཟའོ་སྙམ་དུ་འཛིན་ཏོ། །ལུས་ཆེ་བ་རྣམས་ཀྱང་དེ་བཞིན་གཤེགས་པ་ནི་བདག་ཅག་དང་འདྲའོ་སྙམ་དུ་འཛིན་ཏོ། །ཁ་ཅིག་གིས་ནི་ཉན་ཐོས་དང་རང་སངས་རྒྱས་ཡིན་ནོ་སྙམ་དུ་འཛིན་ཏོ། །ཁ་ཅིག་གིས་ནི་ཡ་མཚན་ཅན་ཐམས་ཅད་
D120.054.0123b05.01ཀྱི་ནང་དུ་རབ་ཏུ་བྱུང་བར་མཐོང་ངོ་། །ཁ་ཅིག་གིས་ནི་དེ་བཞིན་གཤེགས་པ་བདག་ཅག་གི་ཕྱིར་འཇིག་རྟེན་དུ་བྱུང་ངོ་སྙམ་དུ་འཛིན་ཏོ། །དཔེར་ན་ཟླ་བ་རང་བཞིན་དུ་གནས་པས་སོ་སོའི་རང་བཞིན་དུ་ཐམས་ཅད་མགུ་བར་བྱེད་པ་དེ་བཞིན་དུ། དེ་བཞིན་གཤེགས་པ་ཡང་
D120.054.0123b06.01ཆོས་ཀྱི་སྐུ་ཡིན་བཞིན་དུ་ཐབས་ཀྱི་སྐུ་དུག་སྨན་གྱི་སྡོང་པོ་དང་འདྲ་བར་འཛིན་ཅིང་སེམས་ཅན་རྣམས་མགུ་བར་མཛད་དེ། འཇིག་རྟེན་ཐམས་ཅད་དང་འཐུན་པར་མཛད་པ་དག་གིས་སྐྱེས་པའི་རབས་སྟོང་ཕྲག་མང་པོ་སྟོན་པར་མཛད་དོ། །དེ་བས་ན་དེ་བཞིན་གཤེགས་པ་
D120.054.0123b07.01