完整藏文原文 · 德格版页 当前仅加载第 54 函德格 7b 版页；藏文 NFD、目录标记与异常页序保留在来源切片中，重复版页行以稳定序号区分。
པ། བུད་མེད་ཀྱི་ལུས་ངན་ནོ་སྙམ་དུ་སྨོད་པ་དང་། ལུས་སྙིང་པོ་མེད་དོ་སྙམ་དུ་སྨོད་པ་སོ་སོ་ནས་ཤས་ཆེར་སྒོམ་པ་དང་། འཁོར་བའི་འཁོར་ལོ་གཞིག་གོ་སྙམ་དུ་སེམས་པ་ཤ་སྟག་དང་། ཐེག་པ་ཆེན་པོས་སྐོམ་ལ་ངོམས་ནས་ཀྱང་གཞན་སྐོམ་པ་དག་ངོམས་པར་
D120.054.0007b01.01བྱའོ་སྙམ་དུ་དམ་བཅས་པ་ཤ་སྟག་དང་། ཐེག་པ་ཆེན་པོ་ལ་སྲེད་པ། ཐེག་པ་ཆེན་པོ་ལ་སེར་སྣ་མེད་པ། འཇིག་རྟེན་ཐམས་ཅད་དང་འཐུན་པར་སློབ་པར་འདོད་པ་དང་། གྲོལ་ནས་གཞན་དགྲོལ་བར་བྱའོ། །རྒལ་ནས་གཞན་བསྒྲལ་བར་བྱའོ། །དཀོན་མཆོག་གསུམ་
D120.054.0007b02.01གྱི་གདུང་མི་འཆད་པར་བྱའོ། །ཆོས་ཀྱི་འཁོར་ལོ་བསྐོར་བར་བྱའོ་སྙམ་དུ་སློབ་པར་འདོད་པ་ཤ་སྟག་དང་། གོ་ཆ་ཆེན་པོ་བགོས་པ། བསླབ་པ་རྣམས་ལ་བརྟུལ་ཞུགས་བརྟན་པ་དང་། དེ་བཞིན་དུ་ཡོན་ཏན་དུ་མ་དང་ལྡན་པ་དང་། བུ་གཅིག་པ་ལ་བྱ་བ་བཞིན་དུ་སེམས་
D120.054.0007b03.01ཅན་ཐམས་ཅད་ལ་སྙིང་རྗེ་དང་ལྡན་པ་ཤ་སྟག་སྟེ། དེ་དག་ཀྱང་ཉི་མ་འཆར་ཀར་ཤིན་ཏུ་རིངས་པར་གཅིག་ལ་གཅིག་འཇུས་ཏེ། དེ་བཞིན་གཤེགས་པའི་གདུང་ཞུགས་ལ་བཞེན་པའི་ཕྱིར། ཡམ་སྲེག་ཤིང་དགེ་བསྙེན་ཕ་རྣམས་ཀྱི་ཉིས་འགྱུར་ཁྱེར་བ་ལས་བཅོམ་
D120.054.0007b04.01ལྡན་འདས་ཀྱིས་ཞལ་ཟས་མ་བཞེས་ནས། བུ་ཤི་བ་བཞིན་དུ་མཆོག་ཏུ་སྡུག་བསྔལ་བར་གྱུར་ཏེ། ངུས་ནས་ལངས་ཏེ་ཕྱོགས་གཅིག་ཏུ་འཁོད་དོ། །གཞན་ཡང་དེའི་ཚེ་ལིད་ཙ་བཱི་གཞོན་ནུ་གཙང་མ་དྲི་མ་མེད་པའི་སྙིང་པོ་ལ་སོགས་པ་ཡངས་པ་ཅན་ན་གནས་པའི་ལིད་
D120.054.0007b05.01ཙ་བཱི་གཞོན་ནུ་གྲོང་ཁྱེར་གྱི་ནང་ན་གནས་པ་དང་། ཕྱི་རོལ་ན་གནས་པ་དང་བཅས་པ་རྣམས་དང་། འཛམ་བུའི་གླིང་ན་གནས་པའི་རྒྱལ་ཕྲན་བློན་པོ་དང་བཅས་པ་གང་གཱའི་ཀླུང་བཞིའི་བྱེ་མ་སྙེད་ཐམས་ཅད་ཀྱང་དམ་པའི་ཆོས་བསྲུང་བ་ལ་མཁས་པ། ཚུལ་ཁྲིམས་དང་ཆོ་ག་དང་ཡོན་
D120.054.0007b06.01ཏན་དང་ལྡན་པ། དམ་པའི་ཆོས་སུན་འབྱིན་ཅིང་རྟགས་ཅན་འཆལ་པ་རྣམས་ཀྱི་སེར་བ་ལྟ་བུར་གྱུར་པ་ཤ་སྟག་ལ། དེ་དག་ཐམས་ཅད་ཀྱང་འདི་ལྟ་བུར་འདོད་དེ། བདག་ཅག་གི་ནོར་དང་། འབྲུའི་ཚོགས་དང་། མཛོད་དང་། བང་བའི་ཚོགས་གང་ཡིན་པ་དེ་དག་ཐམས་
D120.054.0007b07.01