完整藏文原文 · 德格版页 当前仅加载第 54 函德格 74b 版页；藏文 NFD、目录标记与异常页序保留在来源切片中，重复版页行以稳定序号区分。
བར་ཟད་ཀྱི་འཇིག་རྟེན་ན་ཆུ་ཀླུང་གཞན་དཔེར་རུང་བ་མེད་དོ། །ཆུ་ཀླུང་ཞེས་བྱ་བ་ནི་རྒྱ་མཚོ་ལ་བྱ་སྟེ། ཆུ་ཀླུང་ཐམས་ཅད་ཀྱི་ནང་ན་རྒྱ་མཚོ་འབའ་ཞིག་ཆུ་ཀླུང་ཡིན་པས་ན་རྒྱ་མཚོ་ནི་ཆུ་ཀླུང་ཞེས་བྱ་བའི་གྲངས་སུ་གཏོགས་སོ། །ཆུ་ཀླུང་ཞེས་བྱ་བ་ནི་སྒྲ་ཆེན་པོ་སྒྲོགས་པའི་ཕྱིར་ཏེ།
D120.054.0074b01.01ཐར་པ་ནི་ཆུ་ཀླུང་རྒྱ་མཚོའི་ཕ་རོལ་དང་འདྲའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །བཟང་པོ་བཟང་པོ་ཞེས་བྱ་བ་ནི་གང་ལ་ཀོ་ཤ་ཏ་ཀའི་འབྲས་བུ་ལྟ་བུའི་རོ་ཚ་བ་མེད་པ་སྟེ། ཐར་པ་ནི་ཀོ་ཤ་ཏ་ཀའི་འབྲས་བུ་ལྟ་བུ་མ་ཡིན་གྱི་ཐར་པ་ནི་རྒུན་འབྲུམ་ལྟ་བུ་ཡིན་ནོ། །ཐར་པ་གང་
D120.054.0074b02.01ཡིན་པ་དེ་ནི་དེ་བཞིན་གཤེགས་པའོ། །ཇི་ལྟར་སྨན་པ་རྩི་དང་སྨན་ཐམས་ཅད་ཀྱིས་སེམས་གནས་པར་བྱས་ནས་ནད་དོ་ཅོག་སེལ་བ་དེ་བཞིན་དུ་ཐར་པ་ཡང་ཉེས་པ་ཐམས་ཅད་དང་བྲལ་བའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །འདུན་པ་དྲག་པོ་འདུན་པ་དྲག་པོ་ཞེས་བྱ་
D120.054.0074b03.01བ་ནི་ཇི་ལྟར་གྲོང་ཆུང་ངུར་སྐྱེ་བོ་ཕལ་པོ་ཆེ་འཇུག་པའི་སྐབས་མེད་པ་དེ་བཞིན་དུ་ཐར་པ་ནི་དེ་ལྟ་མ་ཡིན་ཏེ། ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །སྲིད་པ་དང་དགའ་བ་ཟད་པ་ཞེས་བྱ་བ་ནི་སྒྱུ་མ་སྤྲུལ་པ་དང་བྲལ་བ་ལྟ་བུ་སྟེ། གང་ལ་སྐྱེས་པ་དང་བུད་མེད་འཁྲིག་པའི་ཆོས་ཅན་རྣམས་ཀྱི་
D120.054.0074b04.01ཕན་ཚུན་དུ་གཏམ་ཟེར་བ་ཡོད་པ་བཞིན་དུ་ཐར་པ་ནི་དེ་ལྟ་མ་ཡིན་ཏེ། རང་བཞིན་གྱིས་ངོ་བོ་ཉིད་ཀྱི་ཆོས་ཅན་འདོད་ཆགས་དང་། ཞེ་སྡང་དང་གཏི་མུག་དང་བྲལ་བ་གང་ཡིན་པ་དེ་ནི་ཐར་པའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །སྐོམ་པ་འདུལ་བ་སྐོམ་པ་འདུལ་བ་ཞེས་བྱ་བ་ནི་
D120.054.0074b05.01གང་ལ་སྲེད་པའི་བག་ཙམ་ཡང་མེད་པའོ། །{ཡི་དགས་,ཡི་དྭགས་}ཀྱི་སྲེད་པ་མེད་པ་ནི་ཆོས་ཀྱི་སྲེད་པའོ། །ཆོས་ཀྱི་སྲེད་པ་ཞེས་བྱ་བ་ནི་སེམས་ཅན་ཐམས་ཅད་ལ་སྙིང་བརྩེ་བའོ། །ཐར་པ་ནི་{ཡི་དགས་,ཡི་དྭགས་}ཀྱི་སྲེད་པ་ལྟ་བུ་མ་ཡིན་ཏེ། བདག་དང་བདག་གིར་འཛིན་པ་དང་བྲལ་བ་དེ་ནི་ཐར་པའོ། །
D120.054.0074b06.01ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །འགོག་པ་འགོག་པ་ཞེས་བྱ་བ་ནི་ཐར་པ་སྟེ་སྲིད་པ་ལ་ཞེན་པ་མེད་པའོ། །ཐར་པ་གང་ཡིན་པ་དེ་ནི་དེ་བཞིན་གཤེགས་པའོ། །གནས་གནས་ཞེས་བྱ་བ་ནི་ཐར་པ་སྟེ་སྲིད་པ་ཐམས་ཅད་ལས་ངེས་པར་སྒྲོལ་ཞིང་སྐྱོབ་
D120.054.0074b07.01