完整藏文原文 · 德格版页 当前仅加载第 54 函德格 22a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱེ་མ་དེང་བདག་རྙེད་པ་ལེགས་པར་རྙེད། །མི་ཡི་འཇིག་རྟེན་སྐྱེས་པ་འབྲས་བུ་ཡོད། །ད་ནི་རྙེད་ལ་སོགས་ལས་འབྲལ་མི་འགྱུར། །མི་བཟད་དམྱལ་བར་ཡང་ནི་ལྟུང་མི་འགྱུར། །དེང་འདིར་རྙེད་པ་ཆེན་པོ་རྙེད་པ་འདི། །གསེར་གྱི་ཕུང་པོ་
D120.054.0022a01.01བས་ཀྱང་ལྷག་པ་ཡིན། །དཔའ་བོ་བདེ་གཤེགས་མགོན་དང་ཕྲད་པས་ན། །ཕྱིན་ཆད་བདག་ནི་དུད་འགྲོའི་འཇིགས་པ་མེད། །སངས་རྒྱས་ལ་ནི་དད་པ་གཏིང་ཟུག་པ། །དེང་རྙེད་ཨུ་དུམ་བཱ་རའི་མེ་ཏོག་བཞིན། །རབ་འཇིགས་{ཡི་དགས་,ཡི་དྭགས་}འགྲོ་བ་ཡོངས་
D120.054.0022a02.01སྤངས་ཤིང་། །ལྷ་མིན་སྐྱེ་བའི་ས་བོན་མི་བཟད་བཅོམ། །དེ་བཞིན་གཤེགས་འབྱུང་དཀོན་དང་དེང་ཕྲད་པ། །ཁབ་ཀྱི་རྩེ་མོར་ཡུངས་འབྲུ་ཆགས་པ་བཞིན། །དེ་ལ་ཕ་རོལ་ཕྱིན་མཆོག་སྦྱིན་ཕུལ་བས། །རྟག་ཏུ་ལྷ་ཡི་འགྲོ་བར་འཕར་བར་གྱུར། །ཆུ་གནས་
D120.054.0022a03.01པད་མ་ཆུས་མི་ཆགས་པ་ལྟར། །དྲང་སྲོང་ཆེན་པོ་འཇིག་རྟེན་ཆོས་རྣམས་ཀྱིས། །ཆགས་མེད་ཕྲད་པས་སྲིད་རྩེའི་ས་བོན་ཀུན། །དྲུངས་ཕྱུང་བདག་ཉིད་འཁོར་བའི་མཚོ་ཆེན་རྒལ། །རྒྱ་མཚོའི་ནང་གི་རུ་སྦལ་ཞར་བའི་མགྲིན། །གཉའ་ཤིང་མིག་ཏུ་ཆུད་དཀའ་
D120.054.0022a04.01འདྲ་བ་ལས། །བདེ་གཤེགས་དེང་ཕྲད་དེ་ལ་སྦྱིན་པ་ཕུལ། །དེ་ན་བདག་གིས་ཉོན་མོངས་གསོག་ཀུན་བཅོམ། །ལྷ་རྣམས་ཀྱིས་ནི་ཞལ་ཟས་བཟང་པོ་དག །ཕུལ་ཡང་བདེ་གཤེགས་མ་བཞེས་བདག་ལས་ནི། །ཨེ་རཎྜ་ཡི་མེ་ཏོག་འདྲ་བཞེས་དེས། །
D120.054.0022a05.01བདག་ནི་འཇིག་རྟེན་རབ་མཆོག་དཔལ་ཡོན་ཅན། །ཚངས་པ་བརྒྱ་བྱིན་ལ་སོགས་འཇིག་རྟེན་འདི། །ཐམས་ཅད་ལྷགས་ཏེ་གུས་པར་བདག་ལ་མཆོད། །ཁྱུ་མཆོག་གནས་སུ་སོན་པ་གང་ཡིན་འདི། །སྐྱེ་བ་འདི་ཉིད་ལ་ནི་བདག་གིས་ཐོབ། །དེ་ནས་ཐལ་མོ་
D120.054.0022a06.01སྦྱར་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །མགོན་ཁྱོད་མྱ་ངན་འདའ་བ་མཐོང་ནས་ནི། །འཇིག་རྟེན་འདི་ཀུན་སྡུག་བསྔལ་གཟིར་བར་གྱུར། །དབང་མེད་ཀྱི་ཧུད་ཅེས་ནི་སྐད་ཆེར་བླ། །འདི་དག་མ་དོར་རྟག་ཏུ་སྲས་བཞིན་གཟིགས། །ལྷུན་པོའི་གསེར་གྱི་
D120.054.0022a07.01