完整藏文原文 · 德格版页 当前仅加载第 54 函德格 89b 版页；藏文 NFD、目录标记与异常页序保留在来源切片中，重复版页行以稳定序号区分。
བརྒྱད་ལེན་པར་བྱེད་དམ། འོན་ཏེ་ལེན་པར་མི་བྱེད་ཅེས་དྲིས་ནས་གདོད་ཕྱག་བྱ་སྟེ། ལེན་པར་བྱེད་པ་གང་ཡིན་པ་དེ་དག་དང་ལྷན་ཅིག་ཏུ་སྐབས་དབྱེ་བ་དང་གསོ་སྦྱོང་གི་ལས་རྣམས་བྱེད་དམ་མི་བྱེད་ཅེས་དྲི་བར་བྱའོ། །གལ་ཏེ་འདི་སྐད་ཅེས་ཟེར་ཏེ། དགེ་འདུན་གྱི་གཞི་
D120.054.0089b01.01ཆེན་པོ་བརྒྱད་ནི་ལེན་པར་བྱེད་དེ། བཅོམ་ལྡན་འདས་སེམས་ཅན་ཐམས་ཅད་ལ་ཐུགས་བརྩེ་བས་ཀྱང་རྒྱལ་བུ་རྒྱལ་བྱེད་ཀྱི་ཚལ་དུ་གསེར་དངུལ་དག་བཞེས་སོ་ཟེར་ལ་དེའི་ནང་ན་ཁ་ཅིག་ལེན་པར་མི་བྱེད་དེ། བདག་ཅག་ནི་ལེན་པར་བྱེད་པ་དག་དང་ལྷན་ཅིག་ཏུ་སྐབས་འབྱེད་
D120.054.0089b02.01པ་དང་། གསོ་སྦྱོང་དང་། ཐལ་མོ་སྦྱར་བས་གདུད་པའི་ལས་ཀྱང་མི་བྱེད། ཐུག་པ་ཡང་མི་འཐུང་། དེ་དག་ལས་རྙེད་པ་དང་། བཀུར་སྟི་ཡང་མི་ལེན་ནོ་ཞེས་ཟེར་བ་དང་། ལྷའི་ཡང་ལྷ་སངས་རྒྱས་བཅོམ་ལྡན་འདས་དེས་ཀྱང་བཞེས་ན་དགེ་འདུན་གྱིས་བཞེས་པ་ལ་
D120.054.0089b03.01མི་བཟོད་པ་ཅི་ཡོད་ཅེས་དེ་སྐད་ཟེར་དུ་ཟིན་ཀྱང་དེ་དག་དང་ལྷན་ཅིག་ཏུ་ཁྱེད་སྐབས་འབྱེད་པ་དང་། གསོ་སྦྱོང་དང་། ཐལ་མོ་སྦྱར་བས་གདུད་པའི་ལས་མ་བྱས་གྲང་ཞེས་སྨྲ་བར་བྱེད་དེ། གལ་ཏེ་ཚིག་ཉན་དུ་མི་བཏུབ་པ་དེ་དག་ནི་ཡང་དག་པའི་མདོ་སྡེ་ཤེས་པ་ཡིན་ནོ། །ལེན་པར་
D120.054.0089b04.01བྱེད་པ་བྱིས་པ་དང་འདྲ་བ་དེ་དག་ནི་སེམས་ཅན་དམྱལ་བ་པ་ཡིན་པར་རིག་པར་བྱ་སྟེ། སེམས་ཅན་དེ་དག་ནི་བྱིས་པ་འཆི་བ་དང་འདྲའོ། །རིགས་ཀྱི་བུ་གཞན་ཡང་དཔེར་ན་གྲོང་ཁྱེར་ཆེན་པོ་ཞིག་གི་སྤོས་ཀྱི་ཚོང་འདུས་དག་ན་སྤོས་མ་དུ་ར་ཀ་དང་། གཞན་ཡང་སྤོས་ཀྱི་སྣ་གྲངས་དང་།
D120.054.0089b05.01སྨན་རྣམས་ཚོང་བ་དག་འཚོང་བར་བྱེད་ལ། དེ་ན་ཉོ་བའི་སེམས་ཅན་རྣམས་ཀྱིས་གངས་ཀྱི་རི་ལས་བྱུང་བའི་སྨན་ཅི་འདྲ་བ་མི་ཤེས་ནས་དེ་དག་གིས་དྲིས་ཏེ། གལ་ཏེ་གངས་ཀྱི་རི་ལས་བྱུང་བའི་སྤོས་མ་དུ་ར་ཀ་ལྟ་ཅུང་ཟད་ཅི་ཡོད་ན་བྱིན་ཅིག་ཅེས་བྱས་པ་དང་། དེ་གངས་ཀྱི་རི་ལས་
D120.054.0089b06.01བྱུང་བའི་སྤོས་ལྟར་བཅོས་པ་ལ་གངས་ཀྱི་རི་ལས་བྱུང་བའི་སྤོས་ཡིན་ནོ་ཞེས་བྱས་ཏེ་བྱིན་ནས། དེ་དག་གིས་འདི་ནི་གངས་ཀྱི་རི་ལས་བྱུང་བ་ཡིན་ནོ་སྙམ་དུ་ཡང་དག་པར་ཡིད་ཆེས་ཏེ། བཅོས་མའི་སྤོས་རྣམས་ལེན་པར་བྱེད་པ་དེ་བཞིན་དུ། ཚུལ་ཁྲིམས་འཆལ་པའམ།
D120.054.0089b07.01