完整藏文原文 · 德格版页 当前仅加载第 54 函德格 19b 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་ཁམས་ཐམས་ཅད་ཀྱང་མཐོང་བར་གྱུར་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་ལུས་ཆེན་མཐའ་ཡས་ཀྱི་ལུས་ཀྱི་ཚད་ཀྱང་ནམ་མཁའ་དང་མཉམ་པར་འདུག་སྟེ། སུས་ཀྱང་མཐོང་བར་མི་ནུས་སོ། །དེ་ནས་བྱང་ཆུབ་སེམས་དཔའ་སེམས་དཔའ་
D120.054.0019b01.01ཆེན་པོ་ལུས་ཆེན་མཐའ་ཡས་བཅོམ་ལྡན་འདས་ཀྱི་ཐད་དུ་སོང་སྟེ། ཞབས་ལ་མགོ་བོས་ཕྱག་འཚལ་ནས་ཐལ་མོ་སྦྱར་ཏེ་འདི་སྐད་ཅེས་གསོལ་ཏོ། །བདག་གིས་ཕུལ་བའི་ཞལ་ཟས་བཅོམ་ལྡན་འདས་ཀྱིས་བཞེས་སུ་གསོལ། དེ་ནས་བཅོམ་ལྡན་འདས་ཅང་མི་
D120.054.0019b02.01གསུང་བར་གྱུར་ཏེ། ལན་གཉིས་ལན་གསུམ་དུ་གསོལ་ཀྱང་། བཅོམ་ལྡན་འདས་ཅང་མི་གསུང་བར་བཞུགས་ནས་བྱང་ཆུབ་སེམས་དཔའ་དེ་ལངས་ཏེ་ཕྱོགས་གཅིག་ཏུ་འདུག་གོ། །དེ་བཞིན་དུ་ལྷོ་ཕྱོགས་དང་། ནུབ་ཕྱོགས་དང་། བྱང་ཕྱོགས་ལོགས་ནས་ཀྱང་
D120.054.0019b03.01བྱང་ཆུབ་སེམས་དཔའ་སེམས་དཔའ་ཆེན་པོ་ལུས་ཆེན་མཐའ་ཡས་ཞེས་བྱ་བ་འཁོར་གྱི་ཚོགས་ཆེན་པོ་དང་ལྡན་པ་ཤ་སྟག་ལྷགས་ཏེ། དེ་དག་གི་པད་མ་དང་། གྲོང་ཁྱེར་གྱི་ཚད་ཀྱང་སྔ་མ་སྔ་མ་ལས་ཉིས་འགྱུར་ཉིས་འགྱུར་གྱིས་ཆེ་བ་དང་། འབྱོར་པ་ཉིས་འགྱུར་ཉིས་
D120.054.0019b04.01འགྱུར་གྱིས་ཆེ་བ་ཤ་སྟག་དང་ཆས་ཏེ། དེ་དག་དེར་ལྷགས་ནས་བཅོམ་ལྡན་འདས་ལ་པད་མ་དག་གིས་མཆོད་པ་བྱས་ཏེ་སྔ་མ་བཞིན་དུ་ཕྱོགས་གཅིག་ཏུ་འཁོད་དོ། །ཤིང་སཱ་ལ་ཟུང་གི་དྲུང་གྲུབ་པའི་གནས་དེ་ཉིད་ན་དཀྱིལ་འཁོར་སུམ་ཅུ་རྩ་གཉིས་ཀྱི་ཚད་ཀྱི་ཁྱོན་
D120.054.0019b05.01གྱི་ས་གཞི་ལ། སེམས་ཅན་མི་འཁོད་པའི་གོ་སྐབས་ཅི་ཡང་མེད་དོ། །དེ་ན་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་ལུས་ཆེ་བ་རང་རང་གི་གཡོག་འཁོར་དག་དང་བཅས་པ་དེ་རྣམས་ཀྱང་། ཁ་ཅིག་ནི་ས་ཕྱོགས་སྨྱུང་བུའི་རྩེ་མོའི་ཁྱོན་ཙམ་ལ་འཁོད་དོ། །
D120.054.0019b06.01ཁ་ཅིག་ནི་ཁབ་ཀྱི་རྩེ་མོའི་ཁྱོན་ཙམ་ལ་འཁོད་དོ། །ཁ་ཅིག་ནི་རྡུལ་ཕྲ་རབ་ཀྱི་ཁྱོན་ཙམ་ལ་བག་ཡངས་སུ་འཁོད་དོ། །འཇིག་རྟེན་གྱི་ཁམས་རྡུལ་ཕྲ་རབ་ཀྱི་རྡུལ་སྙེད་དག་ན་བྱང་ཆུབ་སེམས་དཔའ་འཁོད་པ་གང་ཡིན་པ་དེ་དག་ཀྱང་ཐབས་དེ་ལྟ་བུར་ལྷགས་ཏེ་འཁོད་དོ།
D120.054.0019b07.01