完整藏文原文 · 德格版页 当前仅加载第 54 函德格 27b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་དེ་བཞིན་དུ་མཇལ་ལགས་ན་ཧ་ཅང་སྡུག་བསྔལ་ཆེན་པོ་མི་བཟོད་ལགས་སོ། །བཅོམ་ལྡན་འདས་ཐབས་ཀྱིས་ཡོངས་སུ་མྱ་ངན་ལས་འདའ་བར་མཛད་པ་ལ་ནི་བདག་གློ་བ་རངས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། སྐུལ་བྱེད་
D120.054.0027b01.01ལེགས་སོ་ལེགས་སོ། །རིགས་ཀྱི་བུས་ནི་ངའི་མྱ་ངན་ལས་འདས་པ་ཐབས་དེ་ལྟར་བལྟ་བར་བྱའོ། །སྐུལ་བྱེད་སངས་རྒྱས་གཤེགས་པ་ནི་བྱ་བཞད་གཟས་ལ་འགྲོ་བ་ལྟ་བུར་ཤེས་པར་གྱིས་ཤིག །སྐུལ་བྱེད་ཚེ་རིང་བ་དང་ཚེ་རིང་བ་མ་ཡིན་པའི་
D120.054.0027b02.01རྟགས་ཤེས་པར་གྱིས་ཤིག །སྐུལ་བྱེད་ཆོས་ཐམས་ཅད་ནི་སྒྱུ་མའི་ཆོས་ཅན་ནོ། །དེ་བཞིན་གཤེགས་པ་ནི་ཆོས་ཐམས་ཅད་ལ་ཐབས་ཀྱི་ཆོས་ཅན་ཡིན་ལ། དེ་རྣམས་ཀྱིས་ཀྱང་གོས་པར་མི་འགྱུར་བ་དེ་ནི་སངས་རྒྱས་བཅོམ་ལྡན་འདས་རྣམས་ཀྱི་
D120.054.0027b03.01རང་བཞིན་ནོ། །སྐུལ་བྱེད་ཁྱོད་སྲིད་པའི་རྒྱ་མཚོ་ལས་ངེས་པར་རྒལ་བར་བྱ་བའི་ཕྱིར་ཞལ་ཟས་སྨྱུར་ཏེ་འོན་ཅིག །ལྷ་དང་ལྷ་མ་ཡིན་དང་མི་རྣམས་ཀྱིས་ཀྱང་ང་ལ་རང་རང་གི་མཆོད་པ་བྱས་ནས་མི་གཡོ་བའི་བདེ་བ་ཐོབ་པར་གྱུར་ཅིག །ཁྱོད་ཀྱིས་ཀྱང་སྣོད་དུ་
D120.054.0027b04.01གྱུར་པ་ལ་དུས་སུ་སྦྱིན་པ་གྱིས་ཤིག །མ་ཐོགས་ཤིག །སྣོད་དུ་གྱུར་པ་དང་ང་དང་དེ་བཞིན་གཤེགས་པ་ཞེས་བྱ་བ་ནི་དོན་ཐ་དད་པ་མ་ཡིན་ནོ། །དེ་ནས་སྐུལ་བྱེད་ཀྱིས་ཀྱང་སེམས་ཅན་ཐམས་ཅད་ངེས་པར་བསྒྲལ་བའི་ཕྱིར་མགོ་སྨད་དེ་མཆི་མ་བླགས་
D120.054.0027b05.01ནས་གསོལ་པ། ལེགས་ལགས་སོ། །ལེགས་ལགས་སོ། །བཅོམ་ལྡན་འདས་ཀྱིས་ཇི་སྐད་བཀའ་སྩལ་པ་དེ་བཞིན་དུ་བདག་གིས་བགྱིའོ། །དེ་བཞིན་གཤེགས་པ་ཡོངས་སུ་མྱ་ངན་ལས་འདས་པའི་འོག་ཏུ་ཇི་ལྟར་བལྟ་བ་དེ་ནི་བདག་ཅག་སྦྲང་བུ་དང་
D120.054.0027b06.01འདྲ་བ་རྣམས་ཀྱི་ཡུལ་ཡང་མ་ལགས། ཉན་ཐོས་དང་རང་སངས་རྒྱས་ཀྱི་ཡུལ་ཡང་མ་ལགས་སོ་ཞེས་གསོལ་ཏོ། །དེ་ནས་མྱ་ངན་བྱེད་ཅིང་ངུ་བཞིན་དུ་གཡོག་འཁོར་དང་བཅས་པས་བཅོམ་ལྡན་འདས་ལ་བསྐོར་བ་བྱས་ཏེ་མཆོད་པ་ཆེན་པོའི་ལས་བྱས་ནས་བཅོམ་
D120.054.0027b07.01