完整藏文原文 · 德格版页 当前仅加载第 54 函德格 7a 版页；藏文 NFD、目录标记与异常页序保留在来源切片中，重复版页行以稳定序号区分。
རྐང་ལག་གི་ཕྱི་སྒོ་དང་། ར་བ་དང་། བ་གམ་ཅན། མིག་གི་སྐར་ཁུང་ཅན། མགོ་བོའི་ཡང་ཏོག་ཅན། ཡིད་རྒྱལ་པོ་ལྟ་བུའི་ཕོ་བྲང་གྲོང་ཁྱེར་ལྟ་བུའོ། །ལུས་འདི་ནི་མཁས་པ་ཐམས་ཅད་ཀྱིས་སྤངས་ཤིང་བྱིས་པའི་སྐྱེ་བོ་དགའ་བར་བྱེད་པའི་འདོད་ཆགས་དང་།
D120.054.0007a01.01ཞེ་སྡང་དང་། གཏི་མུག་ལ་སོགས་པའི་ཉོན་མོངས་པ་བྱེ་བ་སྙེད་ཀྱི་སྲིན་པོ་བརྟེན་པ། འདམ་བུ་དང་། ཨེ་རཎྜ་དང་། དབུ་བ་དང་། ཆུ་ཤིང་ལྟ་བུར་སྙིང་པོ་མེད་པ། གློག་དང་། རི་གཟར་པོའི་འབབ་ཆུའི་དབའ་རླབས་ལྟར་ཤིན་ཏུ་མི་བརྟན་པའོ། །སྒྱུ་མ་དང་། སྨིག་
D120.054.0007a02.01རྒྱུ་དང་། བྲག་ཅ་དང་། ཟླ་བའི་གཟུགས་བརྙན་ལྟར་སླུ་བར་བྱེད་པ། རླུང་ཤུགས་དྲག་པོས་རྣམ་པར་དཀྲུགས་པའི་ཆུའི་ཤུགས་ཀྱིས་བརྐོས་པའི་འགྲམ་གྱི་སྡོང་པོ་ལྟར་གཡང་ས་ན་འདུག་པའི་ཆོས་ཅན། སྤྱང་ཀི་དང་། ཝ་དང་། བྱ་རྒོད་དང་། བྱ་རོག་རྣམས་ཀྱི་ཟས་ཡིན་ན།
D120.054.0007a03.01སུ་ཞིག་འདི་ལྟ་བུ་འཆང་བ་ལ་དགའ་བར་བྱེད། རྒྱ་མཚོའི་ཆུ་ཐམས་ཅད་སྐྲའི་རྩེ་མོས་བླངས་ཏེ། བ་ལང་གི་རྨིག་རྗེས་སུ་བླུགས་པར་ནི་ནུས་སྲིད་ཀྱི། ལུས་ནད་བཞི་བརྒྱ་རྩ་བཞིས་གཟིར་བ་འདི་སྙིང་པོ་མེད་པའམ། མི་གཙང་བ་ནི་ཚིག་ཙམ་གྱིས་བསྟན་པར་མི་ནུས་སོ། །
D120.054.0007a04.01ས་ཆེན་པོ་འདི་རྒྱ་ཤུག་གི་འབྲས་བུའི་རུས་པའི་འབྲུ་ཙམ་ཤ་སྟག་ཏུ་བྱས་པའམ། ཡུངས་འབྲུ་ཙམ་འམ། རྡུལ་ཕྲ་རབ་ཀྱི་རྡུལ་ཙམ་ཤ་སྟག་ཏུ་བྱས་པས་ནི་ཟད་པར་འགྱུར་ཡང་སྲིད་ཀྱི། ལུས་འདི་ཡོད་ཀྱི་བར་དུ་འདིའི་ཉེས་དམིགས་ནི་མཐར་ཐུག་པར་མི་འགྱུར་ཏེ། དེ་བས་
D120.054.0007a05.01ན་དམ་པའི་ཆོས་བསྲུང་བའི་ཕྱིར་འདི་མཆིལ་མ་བཞིན་དུ་དོར་བར་བྱའོ་སྙམ་སྟེ། འདི་ལྟར་དགེ་བསྙེན་མ་དེ་དག་ཐམས་ཅད་ཆེན་པོ་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་བསྒོམས་པས་སེམས་བསྒོམས་པ་ཤ་སྟག་སྟེ། འདི་ལྟ་སྟེ། དགེ་བསྙེན་མ་འཚོ་
D120.054.0007a06.01བའི་དཔལ་ཞེས་བྱ་བ་དང་། དགེ་བསྙེན་མ་དཔལ་ཕྲེང་ཞེས་བྱ་བ་དང་། དགེ་བསྙེན་མ་ས་ག་ཞེས་བྱ་བ་དང་། དེ་ལ་སོགས་པ་ཐམས་ཅད་ཀྱང་ཐེག་པ་ཆེན་པོ་ཐོས་པར་འདོད་ལ། ཐོས་ནས་ཀྱང་གཞན་དག་ལ་བསྟན་པར་བྱའོ་སྙམ་དུ་དམ་བཅས་པ། བསྲུང་བ་ལྷུར་ལེན་
D120.054.0007a07.01