完整藏文原文 · 德格版页 当前仅加载第 54 函德格 68b 版页；藏文 NFD、目录标记与异常页序保留在来源切片中，重复版页行以稳定序号区分。
དུག་གིས་ཕོག་པའི་སེམས་ཅན་ཤིན་ཏུ་རྨས་པ་ཐམས་ཅད་ཀྱི་ཟུག་རྔུ་རྣམས་ཐེག་པ་ཆེན་པོའི་མདོའི་སྡེ་ཚན་སྣ་ཚོགས་ཀྱི་དགེ་བའི་རྩ་བའི་སྨན་རྣམས་ཀྱིས་གསོ་བར་མཛད་དོ། །གསོས་ནས་ཀྱང་དེ་རྣམས་མྱ་ངན་ལས་བཟླས་ཏེ་གང་ན་སེམས་ཅན་རྨས་པ་རྣམས་ཡོད་པ་དེར་བཅོམ་
D120.054.0068b01.01ལྡན་འདས་ཡང་དག་པར་སྣང་བར་འགྱུར་རོ། །དེ་བས་ན་མྱ་ངན་ལས་འདས་པ་ཆེན་པོ་ནི་ཡང་དག་པའི་དོན་ལ་རྟོན་པ་ཡིན་ནོ། །ཡོངས་སུ་མྱ་ངན་ལས་འདས་པ་ཆེན་པོ་ཞེས་བྱ་བ་ནི་སྲིད་པ་ཐམས་ཅད་ན་ཐར་པའི་གྲོང་ཁྱེར་གྱི་ཚིག་{བླ་དགས་,བླ་དྭགས་}ཡིན་ཏེ། གང་ན་འདུལ་བར་བྱ་བ་རྣམས་
D120.054.0068b02.01ཡོད་པ་དེར་རྫོགས་པར་སངས་རྒྱས་པར་སྣང་བ་འདི་ནི་ཚིག་གྲགས་པའོ། །གསལ་བའོ། །ཡང་དག་པའི་དོན་ནི་ཡོངས་སུ་མྱ་ངན་ལས་འདས་པ་ཆེན་པོ་ཞེས་བྱའོ། །གསོལ་པ། བཅོམ་ལྡན་འདས་ཅི་ལགས། སྨན་པས་རྨས་པ་ཐམས་ཅད་སོས་པར་བགྱིས་ནས་ཡུལ་
D120.054.0068b03.01དང་། གྲོང་ཁྱེར་དང་། ཡུལ་འཁོར་དང་། རྒྱལ་པོའི་ཕོ་བྲང་འཁོར་གཞན་གང་ན་རྨས་པ་རྣམས་མཆིས་པ་དེར་སྣང་བར་འགྱུར་རོ། །ཞེས་བགྱི་ལགས་སམ། བཀའ་སྩལ་པ། རིགས་ཀྱི་བུ་སྲོག་ཆགས་རྨས་པ་ཐམས་ཅད་ཀྱི་ནད་གསོ་བར་བྱེད་ཅེས་དེ་སྐད་མ་ཟེར་
D120.054.0068b04.01ཅིག །གསོར་མི་རུང་བའི་སེམས་ཅན་གཞན་རྣམས་ནི་གསོ་བར་མི་བྱེད་དོ། །དེ་ཅིའི་ཕྱིར་ཞེ་ན། དེ་དག་གི་ནད་ནི་གསོར་མི་རུང་བ་ཡིན་ཏེ། དེ་དག་དེ་བཞིན་དུ་དེ་བཞིན་གཤེགས་པ་ནི་གསོར་མི་རུང་བའི་ནད་འདོད་ཆེན་པ་མ་གཏོགས་པ་ནད་ཐམས་ཅད་གསོ་བར་
D120.054.0068b05.01མཛད་དེ། གང་མྱ་ངན་ལས་འདས་པ་དེ་དག་གསོས་པ་ཡིན་ནོ། །གསོལ་པ། ཐར་པ་ཇི་ལྟ་བུ་ལགས། གཟུགས་ཅན་ལགས་སམ། གཟུགས་མ་མཆིས་པ་ལགས། བཀའ་སྩལ་པ། ཁ་ཅིག་ནི་གཟུགས་ཅན་ནོ། །ཁ་ཅིག་ནི་གཟུགས་ཅན་མ་ཡིན་པ་སྟེ།
D120.054.0068b06.01གཟུགས་ཅན་མ་ཡིན་པ་ནི་ཉན་ཐོས་དང་རང་སངས་རྒྱས་རྣམས་ཀྱིའོ། །སངས་རྒྱས་བཅོམ་ལྡན་འདས་རྣམས་ཀྱི་ནི་གཟུགས་ཅན་ཡིན་ནོ། །ཐར་པ་དེ་ནི་གཟུགས་དང་གཟུགས་མེད་པ་ཡིན་ལ། གཟུགས་ཡིན་ནོ་ཞེས་བྱར་ཡང་མི་རུང་ངོ་། །གསོལ་པ། ཅིའི་
D120.054.0068b07.01