完整藏文原文 · 德格版页 当前仅加载第 54 函德格 118a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་འཐུན་པར་བྱ་བའི་ཕྱིར་མ་ལ་སོགས་པ་བསྟན་པའི་དོན་ཏེ་དེ་བས་ན་ཀྵ་ཞེས་བྱའོ། །རྀ་རཱྀ་ལྀ་ལཱྀ་ཞེས་བྱ་བའི་ཡི་གེ་བཞི་པོ་འདི་རྣམས་ཀྱིས་ནི་སངས་རྒྱས་དང་། ཆོས་དང་། དགེ་འདུན་དང་། གཉེན་པོ་སྟོན་པའི་དོན་བཞི་རྒྱས་པར་བྱེད་དོ། །འཇིག་
D120.054.0118a01.01རྟེན་དང་འཐུན་པར་བྱ་བ་དེ་ནི་གཉེན་པོ་ཡིན་ཏེ། དཔེར་ན་ལྷ་སྦྱིན་གྱིས་དགེ་འདུན་ཕྱེ་བ་ལྟ་བུའོ། །དགེ་འདུན་ཕྱེ་བ་སྟོན་པ་ན་བསླབ་པའི་གཞི་བཅའ་བའི་ཕྱིར་ཚུལ་གཞན་དག་ཀྱང་སྤྲུལ་ཏེ་ཐབས་སྟོན་པ་དེ་མཐོང་ན་ཤེས་རབ་ཅན་སྐྲག་པར་མི་བྱ་བར་འདི་ནི་འཇིག་རྟེན་དང་འཐུན་པར་བྱ་
D120.054.0118a02.01བ་ཡིན་ནོ་སྙམ་དུ་ཡིད་ཆེས་པར་བྱ་སྟེ། དེ་བས་ན་རྀ་རཱྀ་ལྀ་ལཱྀ་ཞེས་བྱའོ། །མཆུ་གཉིས་ལས་བྱུང་བ་དང་། ལྕེ་དྲུང་ནས་བྱུང་བ་དང་། ཁ་སྣ་གཉིས་ནས་འབྱུང་བ་དང་། རིང་པོ་དང་། རྒྱུན་རིང་དུ་དྲང་བ་རྣམས་ནི་དོན་དང་ལྷན་ཅིག་ཏུ་སྦྱར་བ་ཡིན་ནོ། །ཡི་གེ་རྣམས་ལྷན་ཅིག་ཏུ་སྦྱར་བས་
D120.054.0118a03.01ནི་བྱེད་པ་ལ་འཇུག་པར་འགྱུར་རོ། །ལྕེ་དང་སོ་ལ་སོགས་པ་རྣམས་ནི་ལུས་ཀྱི་ཁམས་ཡིན་ཏེ། ཁམས་དེ་ཡང་རང་བཞིན་གྱིས་ཡོངས་སུ་དག་པའོ། །ཕུང་པོ་དང་། ཁམས་དང་། སྐྱེ་མཆེད་རྣམ་པ་སྣ་ཚོགས་དེ་དག་ལྟ་བུ་ཡང་མགོ་མཉམ་དུ་ཆོས་ཀྱི་དེ་ཁོ་ན་ཉིད་དུ་ཉེ་བར་
D120.054.0118a04.01ཞི་བར་ཁོངས་སུ་འདུའོ། །དེ་བཞིན་གཤེགས་པའི་སྙིང་པོས་ཁྱབ་པའི་ཁམས་དེའི་གཟི་བརྗིད་ཀྱིས་ལྷན་ཅིག་ཏུ་སྦྱར་བས་བྱེད་པ་ལ་འཇུག་པར་འགྱུར་ཏེ། དེ་བས་ན་ཡི་གེ་ཕྱེད་པ་ཞེས་བྱའོ། །རྒྱུད་ཐམས་ཅད་དང་། གསང་སྔགས་ཐམས་ཅད་དང་། ཆོས་ཐམས་ཅད་ནི་ཡི་
D120.054.0118a05.01གེ་ཕྱི་མོ་སྦྱར་བའི་ཐ་སྙད་ཡིན་ཏེ། དེ་བས་ན་དེ་བཞིན་གཤེགས་པ་དང་ཐར་པ་དེ་ཁོ་ན་ཉིད་དུ་མཐོང་ངོ་། །ཡི་གེ་བརྗོད་པ་དང་རྟོག་པའི་འདུ་ཤེས་དང་ཡི་གེ་དང་འབྲུའི་འདུ་ཤེས་དེ་ཉིད་སྤངས་པ་ནི་དེ་བཞིན་གཤེགས་པ་དང་ཐར་པ་སྟེ། དེ་བས་ན་ཐར་པ་ནི་ཐམས་ཅད་དུ་གྲོལ་བ་དང་རབ་
D120.054.0118a06.01ཏུ་གྲོལ་བ་ཡིན་ནོ། །དེ་བཞིན་གཤེགས་པ་དེ་ཉིད་ཡི་གེ་ཕྱེད་པའི་ཆོས་ཀྱི་དོན་ཁོ་ནའི་ཕྱིར་བྱུང་བ་ཡིན་ནོ་སྙམ་དུ་ཡང་དག་པར་གཤེགས་པ་གང་ཡིན་པ་དེ་དག་ནི་ཡི་གེ་ཤེས་པ་ཞེས་བྱའོ། །གཞན་དག་ནི་ཡི་གེ་ཕྱེད་པ་ཤེས་པ་ཞེས་བྱའོ། །ཡི་གེ་མེད་པ་གང་དག་ཡིན་
D120.054.0118a07.01