完整藏文原文 · 德格版页 当前仅加载第 54 函德格 104b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་ལྡན་པའི་རིགས་ལགས་སོ། །གལ་ཏེ་ཤེས་པ་ཞན་པ་ལགས་ན་ནི་གསལ་བར་འགྱུར་བའི་ཡང་མི་རིགས་པས་ན་བདག་ནི་བདག་མ་མཆིས་ཞེས་མཆིས་ལགས་སོ། །དེ་ཅིའི་སླད་དུ་ཞེ་ན། བདག་རྟག་པ་ལགས་ན་སྐྱེས་སླན་ཆད་འགུམ་པའི་མི་རིགས་ལགས་སོ། །གལ་ཏེ་དེ་བཞིན་
D120.054.0104b01.01གཤེགས་པའི་ཁམས་རྟག་པ་ལགས་ན་ཐ་དད་པའི་བྱེ་བྲག་ཀྱང་དེ་ལ་སྣང་སྟེ། བྲམ་ཟེ་དང་། རྒྱལ་རིགས་དང་། རྗེའུ་རིགས་དང་། དམངས་རིགས་དང་། གདོལ་པ་དང་། དུད་འགྲོའི་སྐྱེ་གནས་སུ་གྱུར་པའི་ལས་ཀྱི་བྱེ་བྲག་རྣམས་ལས་སྐྱེ་བའི་བྱེ་བྲག་ཐ་དད་པ་དག་
D120.054.0104b02.01ཀྱང་སྣང་ལགས་སོ། །གལ་ཏེ་བདག་མཆིས་ན་བྱེ་བྲག་མ་མཆིས་པའི་བདག་ནི་མཉམ་པ་ཉིད་ལགས་ཏེ། དེ་ལྟ་ན་དེ་ལ་ཁམས་མ་མཆིས་ལགས་སོ། །གལ་ཏེ་ཁམས་མཆིས་ན་གསོད་པ་དང་། ཕ་རོལ་གྱི་ནོར་རྐུ་བ་དང་། འཁྲིག་པ་ལ་སོགས་པ་མི་དགེ་བ་
D120.054.0104b03.01བཅུའི་ལས་ཀྱི་ལམ་རྣམས་ལ་ཅིའི་སླད་དུ་འཇུག་ལགས། ཆང་འཐུངས་པས་ཅིའི་སླད་དུ་ར་རོ་བར་འགྱུར་ལགས། གལ་ཏེ་སེམས་ཅན་གྱི་ཁམས་རྟག་པ་ལགས་ན་དེ་ལྟ་ན་འོན་པ་རྣམས་ཀྱང་རྣ་བས་ཐོས་པར་འགྱུར་བའི་རིགས། ལོང་བ་རྣམས་ཀྱང་མཐོང་བར་འགྱུར་བའི་
D120.054.0104b04.01རིགས། ལྐུགས་པ་རྣམས་ཀྱང་སྨྲ་མཁས་པར་འགྱུར་བའི་རིགས་ལགས་སོ། །གལ་ཏེ་བདག་སེམས་ཅན་གྱི་ཁམས་དེ་རྟག་པ་ལགས་ན། བད་ཀན་དང་། ནུར་ནུར་པོ་དང་། སྔོན་པོ་དང་། སེར་པོའི་ཚོགས་རྣམས་བདག་གང་གི་ནང་ན་གནས་ལགས། བདག་དེ་ཡང་དེ་རྣམས་ཀྱི་
D120.054.0104b05.01གོ་སྐབས་གང་ན་གནས་ལགས། འོན་ཏེ་རླན་དང་འདྲ་བར་ཐམས་ཅད་དུ་གནས་ལགས་སམ། གལ་ཏེ་དེ་ལྟ་ན་ནི་མི་གཡུལ་དུ་མཆིས་པའི་རྣ་བ་དང་སྣ་ཆད་ན་བདག་དེའི་ཡང་ཉིང་ལག་ཉམས་པར་འགྱུར་བའམ། ལག་རྡུམ་དུ་འགྱུར་བའི་རིགས་ལགས་སོ། །བཀའ་སྩལ་
D120.054.0104b06.01པ། རིགས་ཀྱི་བུ་དཔེར་ན་རྒྱལ་པོ་ལ་ལ་ཞིག་གི་གྱད་ཀྱི་དཔྲལ་བའི་སྨིན་མཚམས་སུ་རིན་པོ་ཆེ་རྡོ་རྗེ་བཏགས་པ་ལས་གྱད་དེ་གྱད་གཞན་ཞིག་དང་སྟོབས་འགྱེད་དེ། དེ་གཉིས་ལུགས་བཞིན་དུ་འགྱེད་པ་ལས་གྱད་ཅིག་ཤོས་ཀྱི་མགོ་བོས་བརྡུངས་ཏེ་གྱད་དེའི་དཔྲལ་བ་སྣད་པར་
D120.054.0104b07.01